الاء محمد محمد

الثانويه العامه دي معروف ان هي سنه صعبه على الكل وهي سنه معروفه بالضغط النفسي فنصيحه من شخص مجرب ما فيش حاجه اسمها ان انا امسح مواقع التواصل الاجتماعي بالعكس انت كده مش بتدي لعقلك فرصه ان يخرج من مود المذاكره ولا حتى ان انت تغير نفسيتك.. طبيعي من قعده الكتاب طول الوقت ومن البيت لي الدروس ومن الدروس للبيت ان نفسيتك تتعب و تحس بس ملل و حماس قليل لازم تفصل شويه تغير مود المذاكره زي ان انت تقابل اهلك تقعد حتى مع اهلك في الصاله وتقعد مع مامتك مع باباك مع اخواتك كل دي حاجات هتغير من مودك هي حاجات تبان بسيطه لكنهابتفرق معاك جدا ... السوشيال ميديا دي بتاثر عليك أنها تغير المود حتى لو كنت هتتفرج او مش هتعمل اي حاجه عليها انا مش بقولك اقعد عليها طول الوقت لكن على الاقل خلي في وقت بسيط يفصل عقلك ... الثانويه العامه والتوتر و قله الحماس ده شيء طبيعي جدا وعادي ان يحصلك حاجه زي كده وخصوصا ان ده اول مره تتحط في ضغط نفسي زي كده فبتحس ان حماسك قل لكن توكل على الله واستغفر ربنا كثير واستودع نفسك عند ربنا وحاول ذاكر مره واثنين وثلاثه وانت لما تلاقي المذاكره دي بتجيب فايده في الدروس وفي حياتك انت هتلاقي اقبال علي المذاكره اكثر من الاول ... حاول ان انت تغير طريقه مذاكرتك حاول ان انت تغير المكان حتى اللي انت بتذاكر فيه حاول ان انت تجدد في المذاكره بتاعتك بالطرق سواء بقى بالمكان او حتى بالطريقه او بي وقت المذكره يعني لو بتذكر بليل اعكس و ذاكر و العكس صحيح او ان انت مثلا تخلي حد يذاكر معاك او تذاكر مع حد كل دي حاجات بتساعد ان انت تغير المود وحاجات بتحفزك اكتر على المذاكره و صدقني هي سنه هتعدي بحلوها ومرها واللي انت عايزه ممكن تاخده ممكن ما تاخدوش لكن خلي دايما في بالك الدعاء ده( يا رب قرب لي كل ما تراه خيرا لي وابعد عني كل ما تراه شرا لي) انت من قبل ما تيجي الدنيا دي وانت ربنا كاتب لك مستقبلك بالدقيقه والثانيه يعني انت معروف من زمان انت هتخش كليه ايه لكن انت عليك السعي وان شاء الله ربنا مش هيخيب أملك انت وكل اللي زيك وان شاء الله تكون سنه سعيده عليك وبكره تفتكرها وتضحك عليها وتقول دي كانت ايام عمرها ما تتنسي ....!

اولا انت لازم تتكلمي مع اهلك وقولي لهم على عواقب الجواز المبكر ده وخصوصا جواز القرايب والمشاكل الصحيه اللي بتحصل نتيجه جواز القرايب ده رقم واحد ... رقم اثنين القانون دلوقتي اصلا بيمنع جواز القاصرات لان انتي حاليا قاصر ما ينفعش الجواز الا لما تكملي 18 سنه ده غير كمان المخاطر الصحيه اللي ممكن تحصل لو حصل حمل.. اتكلمي مع والدتك واتكلمي معاها بكل هدوء وعرفيها بمخاوفك وقوليلها ان انت عايزه تكملي تعليمك وقوليلها ان حال الدنيا دي مش ان انا اتجوز وخلاص يبقى انا ارتحت بالعكس ده شهادتي هي اللي هسند بيها ضهري وان الجواز مش هو اللي يخليني اواجه الدنيا.. اتكلمي معاها بالراحه وحاولي تفهميها وتقنعيها بالموضوع ولو وهي ما اقتنعتش بالموضوع كلمي والدك او حتى كلمي خالك وابن خالك وقولي لهم ان انتي مش مستعديه لحاجه زي دي دلوقتي ولا حتى بعدين واوعي تسمحي ان هم يجوزوكي غصب عنك القانون في ظهرك وده اسمه جواز قاصرات واصلا اهلك ممكن يتحبسوا فيها هما وخطيبك ده علشان كده حاولي تتكلمي معاهم بهدوء وتعرفيهم عواقب الموضوع من اول لاخره عواقب من ناحيه القانون من الناحيه الصحيه وعلى صحتك انتي الجسديه والنفسيه واهميه التعليم في حياتك ... ولو مافيش فايده من اهلك ولا من اهل خطيبك ومن خطيبك ذات نفسه فنصيحه ان انت تلجاي للقانون انه يحميكي من الجواز القاصرات ده ماتقلقيش القانون هيقف في صفك ومش هيخلي اهلك يقدروا ان هما يجوزوكي الا لما تتمي السن القانوني ومش هتتجوزي الا موافقتك انت الشخصيه..

اولا اللي انتي فيه دا مش حب ده حد جه ملي فراغ اللي كان موجود في حياتك بس مش اكثر ده غير كمان ان علاقاتكم غلط من البدايه بدليل ان انتي عاوزه تعرفي هل علاقتكم صح او غلط؟ واي واحده عارفه ان هي في علاقه صحيحه عمرها ما تسال نفسها السؤال !دي نصيحه بلاش الشاب ده حتى لو هو ملاك على الارض ده شخص قرر انه يخون خطيبته كان ممكن يقول لها" ان انا مش هقدر اكمل معاكي ويمشي من سكات" لكن هو اختار انه يكلمك عليها ودي في حد ذاتها خيانه ليها وليكي كمان اوعي تثقي في شخص زي ده زي ما حبك ممكن لو واحده صاحبتك انتو بتتكلموا معاها هيحبها برده وده مالوش دعوه بالنصيب دي ليها دعوه بالاخلاق والتربيه هو لو كان فعلا شاب محترم وكويس كان هيقول لقريبتك ان هو مش هيقدر يكمل معاها لانه مش بيحبها او كان يقول لها بطريقه كويسه ولطيفه ينهي بيها الموضوع اما انتي موضوعك صعب وخصوصا انو هيجي في سمعتك انتي( هيقولوا ان هي كانت بتكلمه وهي اللي خدته من بنت خالتها) فالموضوع كله اذيه لكي من اوله لاخره وليه اصلا كل ده انت تستاهلي حد احسن من كده يقدرك ولما يكون في علاقه معاكي تكون علاقه في النور بما يرضي الله فابعدي عنه وكلميه وقوليله ان احنا الي فيه ده غلط وقوليله يحول مع بنت خالتك ان هو يجدد الحب بينهم يمكن يكون دي نزوه في حياته والوضع يرجع بينهم زي الاول واعملي بلوك وحاولي ان انتي تبعدي عنه قدر الامكان واقفلي الكلام واعملي له بلوك من اي مكان يقدر يوصلك منو علشان تتجنبي الشبهات +بصراحه حاجه كمان عايزه اقولها الشخص ده انتي لا ينفع تامني على نفسك معاه او تامني على بنت خالتك معاه لان ده واحد قرر انه يبص بره وهو وعد بنت تانيه بالجواز فده الشخص مينفعش تدي له ثقتك فيما بعد في المستقبل لكن ربنا غفور الرحيم ولو هو فعلا ده شخص كويس زي ما انتي بتقولي يبقى يحاول يصلح العلاقه بين بنت خالتك او يقطع علاقته بيها وبيكي انت كمان و ربنا يهدي الحال

انتي لازم تعرفي عمك بي الي بيحصل عشان والدك ميحولش ياذيكي.. و حاولي تقربي من والدتك العمر كلو ممكن ينتهي في لحظه قربي منها يمكن يدكي شويه ثقه في نفسك اكتر و تحسي معاها بالأمان

و يجعل في كل شر خير ... يمكن دا خير ليكي..الناس في البدايه بتبقا كويسه و مع المعاشره بنعرف الناس علي حقيقتها...و كويس أن دا حصل في الخطوبه بدل ما تكوني اتجوزتي و اظن الوضع مكنش هيبقا احسن حاجه ...شخص زي و بي اخلاقو و طبيعيه اهلو مكنتيش هتعرفي تتعايشي معاها عشان كده كويس أنكم فشكلتو ... بالنسبه ان انتي متعلقه بيه فيمكن دي علشان فتره تعود او مثلا اتعودت ان هو يكلمك كل يوم او ان هو يبقى في شات ما بينكم فلما هو بعد كل دي حاجات قلت فطبيعي تحس ده لكن هي مجرد وقت مش اكثر لكن انتي لو كنتي كملتي معاه كنت حرفيا هتكرهيه بسبب طريقه المعامله حتى لو هو شخص كويس فطبيعه الاهل وعاداتهم و تقاليدهم بتاثر على العلاقه حتى لو كانت العلاقه دي متينه وبدام ما فيش اقبال منه ان هو يرجع لكي يبقى خلاص استودعي ربنا وادعي وقولي ربنا يقرب مني كل ما يراه الله خيرا لي ويبعد عني كل ما يراه الله شر اللي وزي ما قلتلك في الاول ويجعل في كل شر خير و ربنا يعوضك بي الي احسن بإذن الله

قولي وانتي في اي تجمع قاعدين مع بعض انم تتكلمي عن الموضوع بشكل عام وان انتي الموضوع بتضايقكي وما بتحبيش اللي حد يتدخل في حاجه هو مالوش انو يتدخل فيها يعني اتكلمي على الموضوع بشكل عمومي و وجهي له فكره ان الموضوع ده بيضايقك اوبتحبيش اللي بيعمل كده ويمكن هو يفهم من تلميحك ده مافهمش تقدري تقوليها له بكل بساطه اللي انتي ليكي حياتك الخاصه ومش بتحبي ان انا تشاركي كل حاجه تعملها في حياتك الخاصه مع الاشخاص الا لو انت عايزه تشاركي ده بنفسك يعني انت اللي تقولي مش حد ثاني هو اللي يجبرك ولو الشخص ده ما فهمش بالتلميع ولا حتى فاهم بالطريقه المباشره يبقى تواجهي حد من اهلك ويتكلم معاه او انك تتجاهلي تقعدي معاه في قاعده واحده ولو سال قولي *ان انت بتعمل حاجه بتضايقني علشان كده انا بتجنب عشان ما يحصلش بينا تراكمات ونزعل من بعض *

معلش ابدي انتي عارفيها الي بيحصل معاكي قربي منها و عاتبيها و اتكلمي معاها و حاولي معاها مره و اتنين و عشره