Nada Ayman

نفس مشكلتي ياريت تكلمي باباك بحب ولحظة صفا بينك وبينه تكلميه بالراحة وتتفاهموا وياريت متدخليش بين باباك وكامتك لأن المتأذي الوحيد هو انت دي زوجة وزوجها وبتحصل بينهم يامة مشاكل وبرده بيرجعوا يكملوا ياريت متفكريش يامة ولا تدخلي ولا تحطي نفسك بينهم أنا يا بنتي المتضررة النفسية الوحيدة وانا عمري 17 سنة وباخد علاج ياريت متدخليش حبي نفسك

بصي انا كنت زيك كده وكنت بحلم بيه ومش ببطل تفكير بيه ولا هو كان بيبطل بصبصة وبيجري ورايا في الافراح واهله كانوا عارفين ومبينين انهم بيحبوني بس اتفاجئت مرة واحده انه خطب ومنزل استوري اقسم بالله اتصدمت صدمة عمري فيه وحسبنت عليه يا بنتي بقولك أنا دلوقتي اتخطيته بالدعاء والصلاة والتضرع لربنا واشغلي نفسك بحاجة تانية هواية تلوين او قراءة او تشتغلي في البيت او تخرجي تتفسحي مع اصحابك وعيلتك وشوفي حلول تانية ازاي تقضي وقت الفراغ على جوجل وهيديك اختيارات كتيرة

زوجتك بتحبك عادي وبتغير عليك وبتتصرف تصرف طبيعي زي باقي الزوجات اللي بيحبوا ازواجهم بس في موضوع الفلوس كلمها كده قولها انكم محتاجين تحوشوا فلوس وخليها معاها كلها بالراحة والحب ما بينكم ان رفضت كان بها مرفضتش يبقى الامور تمام ما بينكم

الحل إنك تقربي من ربنا ياسكر وتدعيه أنه يخلصك من الهواجس دي وتشغلي نفسك بالقرآن والأدعية والأذكار ادام الخوف دا بيجيلك معاناها إنك لازم تثقي في ربنا أكتر وتسلمي له كل أمورك لازم تسيبيها لله وتعيشيها ببساطة لما تعملي اللي قولتلك عليه واحده واحده هتلاقي مشكلتك اتحلت وإن شاء الله ربنا ميجبش الا الخير رينا يشفيكي ويعافيكي من كل بلاء

ايوة انا فاهمة حصل كده معايا وحصلت فجوة كبيرة وكنا بعيط بالليل وبالنهار وبدعي عشان منطلقش لأنه الحياة فيها مشاكل يامة وبيننا أطفال ومش عاوزة بهدلة فاللي عليك انك تكلمها بالراحة وبالمودة بينكم وخلي الفلوس معاها وقلها هعملك كل اللي انت عاوزاه ومش هسيبك وخدي قلوسي كلها معاكي وحوشيها معاك وحطيها في مكان محدش يعرفه غيرك انت عشان نأمن مستقبلنا ولو حصل حاجة يكون معانا فلوس نقدر ندفع منستلفش من حد ونتذلل وخلي كل فلوسك معاها يا أخ حاوط على مراتك متخسرهاش دي ست بتحبك ومتمسكة بيك جدا

بصي لما يجوا يضايقوكي كبري دماغك منهم ومتغلطيش بلسانك لا تشتمي ولا تهزقي ولا تسيبي لواحد فيهم يجيب غلط عليك واشغلي وقتك بحاجة مفيدة اتعلمي كورشيه مثلا أو اقرأي قصص أو اسمعي بودكاست أو تتعلمي أكتر عن دينك أو يا ستي شوفي أصحابك عالتلفون واتفقوا واتجمعوا في بيتك واحتفلوا سوا

كبري دماغك منه دا لو صاحبتيه ممكن يغدر بيك في أي لحظة ويروح يبوظ سمعتك أكتر ووقتها محدش هيصدقك ولا هيقف جنبك فبلاش سكة الولد ده ودوسي على قلبك وصلي لله واطلبي منه النجاة منهم والبعد عنهم وغيري طريقك اللي بتمشي منه حتى لو كان طريق صعب

بصي هقولك أنا كنت كده زيك فأنا عملت ايه لما كانت تجيني حالات الخوف دي كنت اروح اتوضى واصلي بجري عشان أصلي وأدعي يامة جدا في السجود إن يارب خلصني من الوسواس ده وكنت بذكر ربنا واعرفي ان كل اللي عندك شيطانك بيسوسولك مجرد وسوسة مش حقيقة مطلقة هو بيقعد يقترح عليك حاجات يامة عشان تخافي منها بس حاربيه بذكر ربنا لا إلا الله وحده لا شريك له له الملك وله الحمد وهو على كل شيئ قدير دا أحسن ذكر للتحصين تقوليه في كل وقت وأي وقت وفي فترة صغيرة هتختفي كل الهواجس دي