Kookie Roz

ادخل على موقع وي حسابك الشخصي وشوف ممكن يكون حد سارق النت فبيستهلك معاكوا اخفي الشبكة وغير الباسوورد وممكن تقلل سرعة النت علشان الاستهلاك يقل ولو مفيش فايدة ممكن تغير لأيشبكة تاني هم زي بعض تقريبا بس الفكرة انك هتدفع مبلغ زيادة شوية

روحي لدكتور تاني كويس ومتاكليش عالمنطقة دي لحد لما تروحي واغسلي استانك بعد كل وجبة او مرتين ولو نظفيها كويس علشان البكتريا متدخلش جوه الضرس وتعمل خراج بالأسنان وروحي لدكتور تانيفي اسرع وقت

بصي اصلحي ما بينك وبين الله يصلح ما بينك وبين الناس دلوقتي عندنا اربع مشاكل اولا الادمان اللي قولتي عليه وهتستفيدي من الكومنت بتاع دكتورة جهاد اللي فوقي المشكلة التانية الولاد طيب هم على برنامج التعارف ولا على مواقع التواصل عامة؟ المشكلة الأولى والتانية حلها إنك تمسحي البرامج اللي بتخليقي تشوفي حاجات وحشة أو تكلمي ولاد امسحي برامج التعارف وامسحي الفيس واي سوشيال عامة لو عليه ولاد واعملي بلوك لاصحاب السوء سواء اصحاب اعدادي او البنت اللي عرفتك برنامج التعارف ده اصل الإنسان ضعيف فمينفعش نحط نفسنا جوه الحاحات دي ونقول هنبطل لأ لازم نخرج فزيما قولتلك امسحي الحاجات دي كلها وكل ما تبقى هتعملي حاجة وحشة اتوضي وصلي لحد ما رغبتك تروح طيب كده مش هتبقي خاشعة؟ بس واحدة واحدة هتيجي واقري قرآن طبعا اول حاجة هتيجي في دماغك إن ربنا هيتقبل صلاتك وانتي بتعملي كذا وكذا أيوة هو الرحيم الكريم وبإذن الله هيتقبل تعرفي إن كان فيه واحد قتل 100 نفس وبعدين تاب فربنا غفرله؟ متخيلة رحمة ربنا؟ طيب هتوب وهرجع علشان مقدرتش تمام تعرفي ان التوبة تجب ما قبلها يعني هيبقى معندكيش ذنوب خالص؟ وهتاخدي جبال حسنات فالوقت اللي توبتي فيه وكل لما ترجعي توبي تاني لا يمل الله حتى تملوا فمتمليش وكملي ده سيدنا محمد كان بيتوب فاليوم ألف مرة والله أعلم وده معصوم من الخطأ ما بالك إحنا اللي نفسنا بتحب الذنوب؟ واول خطوة ممكن تاخديها انك تنامي بدري وتظبطي المنبه على الساعة 5 وتقومي تتوضي وتصلي الفجر وتفتحي المصحف تقري شوية وتقري اذكار الصباح وتدعي كتير إن ربنا يقبل توبتك قومي دلوقتي صلي ركعتين بالسور اللي بتحبيها وادعي وانتي ساجدة ان ربنا يثبتك ويرزقك لخشوع والتوبة ويهديكي الصراط المستقيم طيب ربنا مستاجبش؟ مين قالك كده؟ ربنا قال ادعوني استجب لكم يعني انتي دعيتي فهو استجاب خلاص اصلا بس ادعي تاني علشان الدعاء عليه ثواب وحطي في دماغك إنه هيستجيب بس الاستجابة تلات انواع لاما يحققلك اللي دعيتي بيه في الدنيا لاما يجازيكي عليه في الاخرة لاما يدفع عنك بلاء قد الحاحة اللي دعيتي بيها يعني مثلا من كلامك محدش من اهلك يعرف انك بتكلمي ولاد او بتشوفي حاجة وحشة ما ده ستر ربنا ليكي انتي عارفة انهم لو عرفوا هتحصل حاجات كتير اوحش او مثلا كان ممكن اصحاب السوء كانوا هيعملوا فيكي حاجة وربنا نجاكي منهم فربنا كريم وهو استجاب بس ادعي لحد يوم القيامة بالهداية والثبات واشتغلي على ده مش شرط تقوميمن النوم بعد ما دعيتي تلاقي الولاد اختفوا ومبقيتيش عايزة تعملي حاجة وحشة وكل حاجة اتظبطت لأ انتي حاربي وعافري علشان تعملي ده وربنا هيعينك ادام مخلصة ليه انتي نفسك زعلانة انك محققتيش حلمك مش عايزة مامتك تزعل؟ هي بتزعل علشان هي عايزاكي احسن حد فمكانتش متوقعة ده وانتي عارفة ان لو مكانش اللي حصل من اصحاب وغيره في السنة دي كان زمانك جايبة مجموع اعلى بكتير بس لسه دي مش النهاية ابدا انتي بتقولي مجالك حلو فالحمد لله ربنا اكرمك بيه اسعي فيه وربنا هيناولك اكتر من اللي كنتي بتحلمي بيه فالمجال التاني ومامتك لما تشوفك اتغيرتي هتغير معاملتها وده من بر الوالدين حاولي تتكلمي معاها تجيبيلها حاجة بتحبها ولو كيكة حتى وبجد هتفرق مش عايزة تنزلي الكلية ليه؟ فوقي انتي مش عارفه اسمك بس انتي عارفاه وعارفة انك احسن من اللي انتي فيه دلوقتي والكلية اللي دخلتيها لو رجعتي انتي بتاعت ابتدائي هتطلعي الأولى عالدفعة فقدمي المشيئة كده وابدئي صلي دلوقتي حالا ركعتين توبة وصلوات اليوم الليفاتتك ومن بكرة اصحي الفجر صليه و ابقي صلي الضحى لو عرفتي وروحي المسجد بتاع البنات اللي فالكلية صلي الصلاة في وقتها متقوليش مش بعرف اتوضى بره البيت ولا هصلي لما اروح لا الصلاة على المؤمنين كتابا موقوتا يعني لازم تتصلى في وقتها وهتلاقي ناس فالمسجد او بيتوضوا فالحمام هتلاقيهم كويسين وهيبقوا صحبة صالحة ليكي متكلميش حد عن اللي حكيتيه هنا علشان محدش يفهم غلط بس واحدة واحدة هتلاقيهم يقولولك يلا نروح نصلي وهتروحي معاهم وهتتوبي وترجعي لربنا وهترجعي احسن من الاول بكتير وهتقولي ياااه إزاي انا كنت وحشة كده وبقيت حلوة اوي كده انا متأكدة إنك تقدري وبتمنى تردي عليا هنا وتعرفيني عملتي ايه اول بأول وأنا معاكي وهدعيلك كتير ♥️♥️♥️♥️

الدين هو الطريق الصح مش الأصح يعني غيره غير صحيح أصلا حتى لو رأيت ذلك فكرة الحاجات اللي عليها جدال فروح لرأي الدين وكل حاجة مستحدثة هتلاقي ليها أصل في الشريعة في حال ده محصلش اسأل شيوخ موثوقين بس مثلًا عمل المرأة فهو مش حرام أبدًا بس الاختلاط والخضوع في القول حرام موضوع الفلوس في البنوك عليه اختلاف بس يفضل إن تعمل مشروع أو حاجة بعيد عنه لأنك لا تدري الفوايد اللي بتجيلك مصدرها إيه ومهما حصل فيها شبهة ربا لأنك متعبتش علشان تاخد أجر تعبك وكمان الظروف الحالية للجنيه فوايد البنك مش هيعوضها لو عملت مشروع على المدى الطويل هتكسب أكتر بكتير والزكاة بركة المال السفر مفيهوش حاجة بس الفكرة إن الواحد مش عارف يحافظ على دينه فيبلد اسلامية هيقدر يحافظ عليه في بلاد علمانية؟ لو هتحافظ على دينك هناك وتبعد عن كل ما فيه معصية وده هيكون أصعب من المعيشة في بلدك يبقى سافر بس حد حدود دينك وحاول تنصره لأن مفيش فلوس هتنفعك لو خرجت عن الدين والله أعلم وربنا يوفقك للخير والصح

نهتم بتطوير الجانب المعنوي والنفسي ليها يعني نخليها تطور حاجات في شخصيتها زي التواضع وحسن الاستماع بحيث يكون أصحابها حابين شخصيتها مش علشان شكلها حلو وده هيخلي الموضوع يقل تدريجيا وطبعا تتعلم مهارات جديدة تشغل نفسها بحاجة كويسة وننمى الجانب الديني برده وده أولا

النحت فن وده لا خلاف عليه بس معروف إنه حرام فكلمة فن ملهاش علاقة بالحرام والحلال والأفلام والمسلسلات لو مبقتش فيها موسيقى ولا نساء متبرجات ولا حاجة تخالف الدين زي الصحوبية وما إلى ذلك هتبقى حلال بس ده مش متحقق حتى في المسلسلات الدينية

فيه فتحات بتبقى بسيطة مبتشوفيهاش بعينك وكمان ممكن يكون التسوس وصل لمكان قريب من العصب أو للعصب نفسه فمحتاج يتعاد كحشو عصب مش عادي لو فيه ألم ممكن تحطي ماية ساقعة أو تلج على خدك من بره الألم بيقل شوية ومتتأخريش على الدكتور لأنه هيشخص أفضل أكيد لما يشوفك والشكر لله شفاكِ الله وعافاكِ♥️

ما هو يا صديقتي قرأتُ حديث النبي صلى الله عليه وسلم الذي قال فيه : (ما من عبد مؤمن إلا وله ذنب يعتاده الفينة بعد الفينة ، أو ذنب هو مقيم عليه لا يفارقه حتى يفارق الدنيا ، إن المؤمن خلق مفتَناً تواباً نسَّاء ، إذا ذُكِّر ذَكَر) يعني عادي انك بشر فبتغلطي وتتوبي وتغلطي وتتوبي بس طول ما انتي بتتوبي فربنا بيغفرلك انما لو بطلتي توبة يبقى كده فيه حاجة غلط فمتزهقيش ومتزعليش تغرفي إن فيه ناس مش عارفة اصلا تتوب؟ مش تتوب وترجع لأ هي واقعة في الذنب وحباه لدرجة انهم مش عايزين يتوبوا أصلا وأنتي مش كده فربنا هيحسبلك مرات التوبة دي كلها بس انتي متبطليش عارفة لو كلتي كل يوم شيكولاتة ويوم مكلتيهاش جسمك ونفسيتك هيبقوا في الأرض حرفيا وهتزعقي وتدخلي في حزن لحد ما تجيبي شيكولاتة تاني مع انها حاجة حلوة بس خلاص اتعودتي عليها عارفة بقا لو قعدتي اسبوعين متاكليهاش خلاص هتبقى بالنسبالك عادي كلتيها او لا مش هتفرق ولو عندك منها حساسية مش هتاكليها خالث فبرده لو جاهدتي نفسك اسبوعين منزلتيش التطبيق هتلاقي انك بدأتي تتعودي ان خلاص مفيش تاني احنا توبنا وده غلط وبس وبإذن الله مش هترجعي وأهي الدراسة جت مصلحة اصحي الفجر وصليه واتعبي نفسك في نزول كل المحاضرات وحتى لو تعرفي تذاكري في الكلية ولو في جامعة القاهرة قوليلي اقولك اماكن قريبة بحيث ترجعي الييت مش قادرة فتنامي علاطول وميبقاش فيه وقت تفكري في حاجة طول ما انتي فاضية هتفكري والشيطان هيدهلك في الخمس دقايق بين الاذان والصلاة حتى، ربنا يتم ستره عليكي وتوصلي لأعلى مكانة يارب وأنا كمان بحبك وفخورة بيكي وبمحاولاتك كلها تستاهلي بوسة وحضن🫂 متكسليش او تنسي بس لما النت ييجي تستغليه فالخير وأنا عندي فيس وواتس لو حابة تكلميني شات قوليلي ابعتلك رقمي او امونت الفيس ومتقلقيش بإذن الله كله هيبقى كويس وبنوتي هتجيب امتياز فحياتها وفالترم التاني❤️

وممكن تتمضمضي بماية دافية وملح او بقرنفل منقوع هيخفف الألم شوية

https://youtu.be/qHXCBBBXes4 https://youtu.be/rKMjDTnRc2g الفيديوهين دول بحبهم ممكن تنزلي برنامج سناب تيوب وتنزليهم صوت بس وتسمعيهم وانتي فالمواصلات بكرة https://play.google.com/store/apps/details?id=com.mfk4apps.muslimhouse ده تطبيق مسلم عليه المصحف كامل والاذكار وحاجات مهمة فالدين ومن غير نت ثبت عن رسول الله عليه الصلاة والسلام أنه قال: «يقول الله عز وجل: من ذكرني في نفسه ذكرته في نفسي، ومن ذكرني في ملأ ذكرته في ملأ خير منه، ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة». متيأسيش وكملي وامسحي كل حاجة زي ما قولتلك وانا معاكيفي اي وقت ردي عليا هنا ولو حابة تتواصلي معايا على اي حاجة تانية قوليلي وانا موافقة جدا وربنا يسعدك