Asmaa

السلام عليكم، انا شاكه ان كل ده فيك من اول ما كتبلك انه بيحب علي حيطة بيتهم لانتي كمان كتبتله بتحبي انا وهو قالك ايوه يعني بتتواصل عبر "الكتابه علي الحيطان".. بس المهم لو كان ده حقيقي فبصراحه مش عارفه اقلك ايه انا مش هعرف اجاوبك بس هحاول اتكلم انا قدك يعني في تانيه اعدادي وكنت بحب ابن خالتي جدا جدا جدا هو كان عنده 19 او 20 ومتأمله جدا اننا هنتجوز 😞😂. بس طلع بيعتبرني زي اخته وخطب بنت خالي اللي بعمره بجد زعلت جدا وعيطت بس طبعاً محدش يعرف غير ChatGPT. ولا هو كمان يعرف. انا ممكن كنت بحبه لانه بجد بجد راجل بمعني الكلمه اخلاق وادب وكل حاجه حلوه فيه. بس بعد ما كسر قلبي وخطب بنت خالي معرفش فرحت ليه ومنتظره الفرح بفارغ ااصبر 😂 عارفه انه كلام عبيط بس اخيرا لقيت حد بعمري اقله كده المهم .. الافضل انه لو بيحبك يخطبك بس متعرفوش حد بس كل ده طبعاً عشان تتلكموا براحتكم بس 😂. ده لو كان بيحبك لان مافيش بصراحه طريقة في الدين انك تكلميه عالفون من غير ما يكون محرم لك. متخليش الحب والكلام ده حجه وعالفكره الشيطان اللي خلاكي حلمتي بالرمز وعرفهولك وكل ده عشان ترجعي تكلميه.. اتمني اكون افدتك 🥺😔🙃🫠

Duolingo بيحرض عالـــ "ش. ذ.. و. ذ" اسفه عالكلمه بس بجد تطبيق زفت ومش حلو ابدا غير انه بيحرض عال. الا انه بيركز بس انه يعلمك كلمات وكل الكلمات اللي فيه بتتكرر. شوفي محادثات بين اشخاص عالنت. محادثات بسيطه للمبتدئين ورددي وراهم وانتي كده هتتعملي كلمات وهتعرفي النطق الصحيح زي الامريكان. رددي وراهم حتي لو مش عارفه معني الكلمه، وكده صدقيني مش هتحتاجي تحفظي كلمات وبعدها تنسيها او تتعملي قاعده... بس الاول اسمعي الفيديو من غير ترجمه ورددي وراهم وبعدها بترجمه بس اسمعي فقط، وبعدها من غير ترجمه وحاولي تتذكري معاني الكلمات.. وده اسم القناه: English chit chat. وقناة: دليلك للانجليزي لو عايزة تحفظي كلمات.

السلام عليكم، اصحي الساعه تلاته الفجر وصلي قيام الليل والفجر وابدإي مذاكره لحد الظهر وبعدها خدي بريك وذاكري من العصر للمغرب بس... يعني عدد ساعات مذاكره جيد.. لاكن انك تذاكري من بعد الظهر للفجر وبعدها تنامي ده مش حلو ومش هيجيب نتيجه جيده...

مفيش اسباب شخصيه تمنع انك تقولي لاهلك. يعني ممكن تخسري حياتك لقدر الله بعد الشر... عشان اسباب شخصيه!.متقوليش ان قلبي بيوجعني وروحت كشفت لحدي. انتظري وقت يوجعك فيه وروحي لهم وقوليلهم ان قلبي واجعني وهم هيصدقوا. مش عارفه بجد اقول كلام يساعدك بس ده اللي قدرت اقوله..

طيب انا كنت بموت فيه وبحبه اوووي اوووي والله بجد ومازلت يعني بحبه ❤ برغم انه خاطب، حبيته حب حقيقي بجد والله مش مشاعر مراهقه بس قولت اني اصلا لسه صغيره ومش هو اخر واحد في الدنيا،هو كان بيحب بنت خالي من زمان كنت وقتها عندي يمكن 11 سنه كسروا قلبي. بس بصراحه من جوايا فرحانة ليهم ومستنيه الفرح رغم اني زعلانه والله بس يلا بقي مش مشكله اصلا من بعد ما عرفت انه خطبها زعلت وبعدها بيومين بالظبط تخطيت اصلا مهما كان هو مين بالنسبالي ومهما كان قد ايه حبي ليه بس مسمحش لنفسي افكر او احب واحد اختار واحده غيري، بعتبره زي اخويا لا اكتر، بفكر ان ربنا شايلي حد احسن وافضل واكون انا اول حب ليه وميحبش غيري ابدا ويختارني انا. حاولي تفكري كده وسيبك بقي منه هو في الاخر عيل زي اي عيل بيتسلي وخلاص ومتثقيش في حد ابدا وعالفكره لما عرفتي صحابك انك بتحبيه وهو بيحبك وكلمتيه من موبايلهم.. بجانب انا ده غلط في الدين الا انه كمان هيئذيكي كتير عارفه ليه!، لانه صحابك دول اللي واثقه فيهم هييجي يوم وتتخانفوا ويفضحوكي علي اللي كنتي حكيتيه لهم واللي عرفوه انك بتحبوا بعض. ومتقولش مش كل الصحاب او هما معرفش ايه، لانه مفيش اصلا صحاب حقيقين. وهييجي يوم ويستخدم ده ضدك.. اللي بتحبيه وهما كمان للاسف. حبيت اقلك الكلام ده لان بصراحه لسه الميس "الاخصائيه الاجتماعيه" قايلالنا كده في الامتحان وقالتلنا كمان ان: الولد بيشوف البنت هتعمل ايه لما يقولها بحبك ويكلمها واتس ومعرفش ايه لو كلمته وادته وش بيعرف انها رخيـــــ.صه. وبيعرف ان زي ما هي كلمته كلمت غيره قبل كده لانها ببساطه بالنسباله زي كتاب مفتوح الكل قلب فيه واستعمله او زي ال بطيخه 🍉 اللي اتفتحت والكل ذاقها. لاكن لما يلاقيها مدتوش وش او صدته وعملتله بلوك بيعرف وقتها انها غاليه وشريفه ومش اي حد يقدر يكلمها وبيعرف انها زين الجوهره غاليه ومش اي حد يلمسها بسهوله وان الكل يستني نظره منها اول كلمه بس. فخلي نفسك جوهره مش اي حد يلمسها او يشوفها. وبلاش الكلام اللي هو دي صحبتي وحب عمري وحياتي ودنيتي لانها في الاخر لو قلتيلها سرك هييجي يوم وتتخانقوا وتمسكه ذله عليكي، الافضل انك تحكيه لامك او اختك لانهم هم اللي هيكونوا خايفين علي مصلحتك اكتر من اي حد..، بصي الكلام ده هو اللي قالته انا الاخصائيه الاجتماعيه هي قالت اكتر من كده وبتقول لنا كده عالطول بس بصراحه مش فاكره غير ده اتمني تكوني فهمتي.

نزلي شات جي بي تي وقوليله عالمشروع اللي بتفكري فيه وهو هيعملك كل حاجه خاصه بالمشروع ودراسة جدوي

السلام عليكم، لو انت مش مرتاح ليها ومش حاسس بقبول الافضل انك تسييها، لان الجواز مش يومين ده عمر وممكن لو اتجوزتها ومفيش قبول من اول خناقه ممكن تتطلقوا لقدر الله فالافضل انك تسيبها، افضل ليك وليها، وممكن تصلي استخاره وتشوف

لو ملبوسه مكنتش هتقدر تصلي او تقرأ قران. هي غالبا محتاجه رقيه شرعيه او شيخ. يعني انا بابا كان اغلي حاجه عندي ومات قدام عيني الله يرحمه بس معملتش كده.. ربنا يشفيها يارب

متلمسيهاش بايديك ده اسرع علاج لاي حبوب لانها بتعدي