١- تطبيق Keep me out : فيه خاصية يقفل الهاتف نهائياً لفترة تتراوح من دقيقة لـ ٢٤ ساعة وصعب تفتحيه أو تعيدي تشغيله خلال وقت القفل وده موجود في إعدادات البرنامج . ٢- تطبيق Digital Detox : تقدري من خلاله تقفلي برامج وتطبيقات معينة لمدة معينة على حسب اختيارك . ٣- وضع التركيز : موجود على أغلب الهواتف بتحددي البرامج اللي بتضيع وقتك وتقفليها لكن مشكلته إنك تقدري تلغي الخاصية دي بسهولة ، فالخيار الأول أو الثاني أفصل .
تم النشر الأربعاء، ٢٧ سبتمبر ٢٠٢٣
السلام عليكم ورحمة الله وبركاته ابدأ نظم وقتك وذاكر أول بأول ومش تهتم أنت متأخر عن الباقي أو لأ ركز مع نفسك فقط ومش تقارن نفسك بحد لأن ده في الغالب سبب الإحباط والتشتت ، المهم مفيش يوم يعدي من غير مذاكرة ولو جزء بسيط ، اعمل لنفسك جدول أسبوعي لكن مش جدول خرافي حاول في البداية يكون جدول بسيط جداً وكل أسبوع زوّد وقت الدراسة ، وازن في المذاكرة بين المواد الثقافية وبين الشرعي والعربي ، اهتم في بداية السنة بالمواد الثقافية جداً لأن دي بتكون العائق غالباً ، الشرعي والعربي سهل جداً ومذاكرتهم مش صعبة ومش محتاجين وقت كتير لكن مش تهملهم ، المواد العربية محتاجة فهم خصوصاً النحو والصرف ، والشرعي أكتر حاجة لازم تفهمها عشان مذاكرتها تكون سهلة مادة الفقه ، وأخيراً أسمع فيديوهات على اليوتيوب عن إدارة الوقت وعن طرق المذاكرة ، ربنا يوفقك يارب.
تم النشر السبت، ٢٣ سبتمبر ٢٠٢٣
الانتحار مش حل لأي مشكلة استعيذي بالله من الشيطان الرجيم وابعدي عن فكرة الانتحار نهائياً ، حاولي تكلمي حد من اعمامك أو أقاربك عن الموضوع ده وعن المعاملة السيئة من والدك وبإذن الله يلاقي حل ويتكلم معاه ، وكمان والدتك واختك أكيد بيشوفوا اللي بيحصل اتكلمي معاهم واحكيلهم على كل حاجة ، حافظي على قيام الليل وادعيله بالهداية وادعي لنفسك بالزوج الصالح وحافظي على صلاتك واذكارك .
تم النشر السبت، ٢٣ سبتمبر ٢٠٢٣
فيه أكتر من طريقة لتنظيم النوم وأغلبهم بينجحوا معايا : • الطريقة الأولى وغالباً دي أسهل تنامي الساعة ٦ طبيعي زي ما بتنامي لكن تصحي الساعة ٩ أو ١٠ (ممكن تستعيني بشخص ما يصحيكي) وبعد كدا تحاولي مش تنامي بقدر الإمكان اليوم ده غير بعد صلاة العشاء وابتعدي عن المنبهات نهائياً (وبنسبة كبيرة هتعرفي تنامي بسهولة بإذن الله) . • الطريقة التانية محتاجة وقت شوية لكن أعتقد نسبة نجاحها أكبر وهي تقليل ساعة كل يوم من وقت الاستيقاظ وبالتالي تقليل ساعة من وقت النوم ، يعني اصحي بدري ساعة ونامي بدري ساعة وهكذا لمدة أسبوع مثلا فتقدري تنامي الساعة ١١ مساءاً .
تم النشر الاثنين، ٢٥ سبتمبر ٢٠٢٣
لعرض الملف الشخصي في فدني اضغط هنا