Love Story

لا الشغل مش مضمون بس الشهادة اضمن هو الضمان عند ربنا وكل حاجه بس ممكن تسيب الشهادة والتعليم وتروح الشغل يطلبو مؤهلك لاى ظرف والا هيمشوك وقتها هتندم جدآ انك مكملتش، انت ممكن تتعلم وتكمل وف نفس الوقت تشتغل ف اللى اتعلمته ف مكانك اون لاين وهتلاقى كتير وبعد ماتخلص وتاخد شهادتك وقتها اعمل اللى انت عاوزه وربنا يوفقك يارب دا رأيى

ابدأ ف اكتر حاجة حضرتك تكون شايف انها اهمهم وهى تكون البداية، والاهم من كل دا تنظيم الوقت، بجد لو حضرتك منظمتش وقتك هتلاقى نفسك معملتش اى حاجة والوقت عدى بسرعة منك وضاع على الفاضى.... حدد اولوياتك ونظم وقتك هتلاقى نفسك اتعلمت كل حاجه وكمان هتشوف اكتر وهتبقى حابب تتعلم اكتر وربنا هيوفقك وهيسهلك امورك وهتتعلم وهتوصل لكل اللى انت عاوزه وهتنجح وكله هيبقى توفيق من ربنا اولا وسعى منك ثانيا ومتخليش حاجة توقفك، جاهد نفسك والظروف والامكانيات واقع واقف تانى بسرعة وكمل وهتوصل للى عاوزه بإذن الله قول يارب. وربنا هيكرمك ويوفقك إن شاءلله

كل ماهتقرأى اكتر وتبحثى اكتر وتشوفى ناس عندها حكمة وعلم واسع وتسمعيهم هتكتثبى منهم اكتر وبعدين هتلاقى نفسك بدأتى يبقى عندك خلفية لمواضيع مختلفة، تنميها بقى ف انك تدخلى ف نقاش لمعلوماتك مع الغير واكتساب المزيد

المفروض احنا لما بندرس ف كلية او لما بنختار ندخل كلية اى إن كانت نوعها مش بندور على ان بعد كده هنشتغل بالشهادة دى او لاء، كدا بالتفكير دا مش هتعرفى تحققى اى حاجة ليكى وهتفضلى ف مكانك مش هتتحركى منه، انما لو فكرتى بطريقة افضل انه علم ولو اجتهدتى فيه وربنا كرمك ممكن تبقىى دكتورة عالم من العلماء وغيرهم كتير وكتير، قبل مابيبصو على الشغل والوظيفة بيبصو على علمهم وتكوين كيانهم بالعلم والعمل على اكتسابه وتعلمه دا بيعلى من شأنهم، وعاوزة اقولك إن حاليا دلوقتي ف الزمن ده إن مكنتيش انتى اللى تتحركى وتجتهدى ف السعى وراء كل حاجه انتى عاوزاها مش هتجيلك لوحدها اسعى انتى بيها وكونى نفسك بعلمك واجتهادك وهما دول اللى هيشغلوكى لوحدهم وربنا يكرمك ويوفقك بحياتك يارب دايما

بصى على دول هيفيدوكى... معايير وشروط كتابة مراجعة الادب.

الكلية بالذات متراجعيش فيها ولا تحسبى درجاتك فيها لان التصحيح بيختلف من دكتور ل دكتور بس اهم حاجه اعرفى قواعد واساسيات كل دكتور هل بيحب الرغى والكتابة الكتيرة ف ورقة الاجابة، ولا بيحب الاختصار، شوفى الحاجات دى من ناس نفس كليتك اكبر منك واسأليهم على دكاترتك، وهاتى امتحانات سابقة وشوفيها بعد المذاكرة. كل دا هيفرق معاكى كتير، وزى ماقولتلك ماترجعيش ولا تحسبى وخليها على الله وان شاءلله ربنا هيكرمك ويوفقك ومتقلقيش كله بيعدى بإذن الله. وممكن محدش يكون كاتب اجابة صحيحة بس كاتب الحاجات اللي عارفها عن نظام الدكتور دا تلاقيه جاب امتياز، وفى دكاترة مش بتصحح اصلا وبتدى نتائج بالبركة 🤗 فاانتى خليها على الله ومتلقيش نفسك على الفاضى علشان تعرفى تركزى ف المادة اللى جاية وربنا يسهلك كل الصعب ويوفقك يارب

العفو علي ايه بس ربنا يكرمنا ويوفقنا جميعا يارب ويحقق لنا كل حاجه حلوه بنتمناها 🤲

تسلمي 🌹ربنا يوفقك للصالح والخير كله يارب العالمين

ربنا يوفقك يارب ويسعدك ويعملك الصالح والخير كله يارب، بما أنه نظام جديد لسه بيطبقوه متخافيش علشان عاوزين يطلعو نسبة نجاح كبيرة منه فاهمة

دا بيرجع لقدرتك الشخصية وتحملك للاتنين، وكمان على حسب السنة الدراسية والمرحلة اللى انتى فيها عاوزة منك مجهود وتفرغ كامل ام لا، ديما حاولى وركزى على انه يكون في عندك بعد نظر لكل حاجة بتخططى انك تعمليها والعائد اللى هيبقى مترتب عليها وقتها هتقدرى تقررى.... ولو 1 ٪ بس اللى هيعود عليكى ف دى برضو حاجة كويسة وفيها مرجوع ليكى انتى هتستفاديه، بصى كويس للحياه وللوقت اللى معاكى والحاجة اللى هتقضيها فيه مش مجرد تضيع وقت وخلاص لاء طبعا مش بتتحسب كدا. يارب اكون قدرت اوصلك حاجة وافدك بيها وشكرا.