Ha Ger

اكتبي الموقف واحساسك وقتها وكل حاجه حصلت واكتبى بالتفصيل وطبعا صلى واستعيني بالله واسمعي بودكاست واشغلى نفسك بحاجات بتحبيها واهم حاجه الكتابه والتعبير عن حزنك ولو محتاجه عياط عيطي متكتميش جواكي انا بقولك من تجربتي مع الحزن لازم يطلع وتعبرى عنه كويس وطلعيه وخديه وقتك فيه بس المهم يطلع من جواكى

اهم حاجه تكوني واثقه من نفسك وتستعينى بربنا وادخلى اسألى وكمان لو لقيت محاولات مطلوب حد للعمل وكمان شغل ك سكرتيره مع مدرس وان شاء الله تلاقي شغل كويس وتنجحى فيه ممكن فى الاول تحسي بخوف أو انك مش هتتعرفى تتعملى بس صدقيني هتعرفي وعادى لو غلطي أو حد علق اهم حاجه ثقتك متتهزش ومع الوقت هتكوني حد انتى فخوره بيه

هيا هتبقى صعبه شويه بس حاولى حطى جدول لنفسك حاولى تسمعى بودكاست تشجعك انتى مش ضعيفه ولا حاجه انتى حد كويس جدا حاولى تبدأى واحده واحده مش هتيجى مره واحده إقراى كتب كمان وادعى ربنا وان شاء الله خير

حاول حضرتك انك تقلل عصبيه واتكلم براحه واقعد معاهم وشاركهم وحاول تعمل يوم اخرجوا فيه هيا مش هتيجى من اول مره هما عاوزين امان الكبيره ممكن بهدوء تكلمها وتفهمها براحه من غير زعيق أو تعنيف اسألهم عن احوالهم عرفهم انك بتتغير بالافعال وهزر معاهم قرب منهم انت وهما هيجوا بعدك عرفهم انك صديق قبل متكون اب عشان تكون اول حد يجوا ليه خليك دايما معاهم حاول وادعى ربنا الحب من غير منظهره ليهم ملوش لازمه خليك ذكرى حلوه معاهم أظهر حبك ليهم ف أفعالك وكلامك التعنيف بيخليهم يبعدوا

صلى وادعى ربنا كتير وان ربنا يقربلك الخير وتكون خير ليك وحاول تشتغل على نفسك انك تجهز نفسك وتكون كويس عشانك وعشانها ولو ف فرصه انك تعرف تكلم أهلها خد الخطوه اهم حاجه الدعاء لربنا كتير وبيقين ان ربنا يجعلها من نصيبك ويقربلك الخير ولو الطريق فيه خير ربنا هيسلك الطريق مفيش خير هتتمنع منه وربنا يكتبلك الخير

بصى اعملى لنفسك جدول صلاه وحطيه قدامك كل متعملى صح ع فرض نفسك هتتشجع كمان نظمى يومك ابدأى يومك من الفجر الرسول كان بيقول بارك الله لأمتى ف بكورها الصحيان بدرى مهم جدا ودكاتره وعلماء تتكلموا فيه اصحى الفجر صلى واقراى سوره البقره والاذكار وبعدين افطرى مش هياخد منك ساعه وبعدين ذاكرى وقت الصبح دا جميل وفيه بركه كبيره جدا الصلاه هتكسرى فيها ف الاول وبعدين ان شاء الله هتتلزمى صلى وادعى كتير ربنا يثبتك نظمى مذاكرتك وحطى لنفسك جدول مذاكره وعدد ساعات نومك متقلش عن 7 أو 8 ساعات ومتزدش برضو كل حاجه هتيجى خطوه بخطوه بس ابدأى

حطى ف بالك أن الكذب مهما طال هيجى يوم ويتكشف وأنه صفه مش حلوه خالص حاولى تكلميهم وتشرحى موقفك انتى عاوزه اهتمام وتعاطف من الناس بس احنا ممكن ناخد اهتمام من أصحابنا من غير منعيش دور الضحيه وأننا التعامل معانا مش كويس حاولى تصححى غلطك وان شاء الله يسامحوكى هو هياخد وقت معاكى شويه وكمان عشان يوقفوا فيكى تانى بس حاولى وبجد وحاولى تشيلى حته الكذب دى

متقلقيش كله خير ذاكرى واعملى ال عليكى ومتفكريش ف اي حاجه بجد ارميها ع ربنا واهم حاجه اليقين من كل قلبك بجد أن ربنا مش هيضيعك وهيفك كربك وصدقينى عن تجربه انا نجحت ومكنتش متخيله النجاح ابدا ف الظروف ال كنت فيها بس كان ثقه ف ربنا كبيره اوي وجات فعلا خلى عندك ثقه ويقين بالله وذاكرى واعملى ال عليكى

اهتمى بأكلك كويس والف سلامه عليكي وشوفى حد تانى واكشفى تانى عشان تتطمنى على نفسك

اعتقد انك تحاولى تصلحى علاقتك مع ربنا وتعديله بيقين أنه يشفيكي ولازم يكون عندك يقين اليقين بيعمل معجزات وثانيا نفسك الادويه ممكن تكون بتحل بس برضو هتعمل مشاكل حاولى تفضفضى ع طول إقراى واسمعى قران لازم تحاولى تساعدى نفسك أقنعى نفسك انك هتقدرى وهتكونى كويسه العلاج بدايته من عندك وإقناعك لنفسك ويارب تكونى بخير ويبعد عنك كل شر

ايوا قوليلها وخليكى معاها وهونى عليها وربنا يعوضها ان شاء الله