Moataz Mohamed

والدتك أم مصرية طبيعية و بتتصرف من منطلق الخوف و القلق و دى مرجعيتها فى التربية عادى،الشغل مش حل بالعكش ممكن يزود الفجوة الى بينكم،أنا شايف ان طالما مفيش مشكلة كبيرة او موقف يستدعي ندخل حد بينكم يبقي منك لوالدتك فى وقت صافي و فاضيين و بعيدا عن الشغل و الكلية و البيت تقعدوا مع بعض و تتكلموا بحسن نية و تعرفيها إنك متضايقة من الضغط ده و من الدعوات و من التهزيق و عرفيها إنك مش قصدك تعندى معاها ولا تتعالى عليها و كلمتين حلوين و هى هتفهمك و هتلين معاكى ان شاء الله،و لو تسمحيلى ياريت بلاش أى أحكام مسبقة و تدخلى تكلميها بغرض أنكم تتراضوا و تصفوا لبعض و بكل حب منك و سؤالك صراحة باين فيه إنك بتقدريها و بتحبيها،ربنا يصلح ما بينكم و يوفقكم

الشئ الحسن الوحيد في كلامك ده هو وصفك لعلاقتك بربنا و صبرك و صلاتك،إنما في كذا حاجة انتى مش واخدة بالك منها،زي كوننا بشر عادي مش آلات لا تخطئ ولا ملايكة فدائما بنعبد الله و بنصيب،تقبلي الكلام ده بعقل شغال و حاولى تحسني حالك و تصلحي نفسك و تغيري كل ما تشوفيه غير مناسب ليكي،و تجاهلى و انسي بشكل نهائى أى حاجة تانية،تقبلي النصح أو التعديل وانسي الإهانات والتجاوزات و كل حاجة تضايقك،و نصيحة منى حاولى تغيرى بيئك و محيطك بشكل فوري و بجد،يعني بلاش صحاب هزارهم كله كده وبلاش تسمعي الكلام ده من الأهل و تسكتين،بدون تحاوز او عصبية ردى و عرفيهم انك متضايقة و مخنوقة و الوضع مبقاش يحتمل بس بلاش انفجارات ولا أى حاجة تتحسب كعقوق أو إهانة بالمقابل،و ربنا يكرمك و يوفقك و يقويك،و دايما افتكرى ان كل ما يؤلمك ده في ميزان حسناتك لو صبرتى و احستبتي صبرك

مرحلة عادية جدا من مراحل الخطوبة،أنا آسف لو كلامى هيضايق بس أكيد ده حصل لأنكم بدأتم بشكل خاطئ،استحملوا و تعاملوا مع الفترة البسيطة دي بكل هدوء و رصانة و فكروا بشكل عملى و جاد بعيد عن الكلام الخاص او الهزار والضحك و كده