ابوقصى ابومنصور

أدمن شئ تاني تكون بتحبه لعبه مثلا علي الموبايل تتعلق بيها وتشغلك عن المشاهدة وحاول تحذف كل المواقع اللي بدخلك علي المشاهدة أو اقفلها برمز طويل شويه ومش مرتب علشان تنساه ومتقدرش تدخل تاني او علي الاقل يبقي صعب عليك وزي ما قولتلك انشغل بلعبة مثيرة تشدك وتشغل تفكيرك بيها وأكيد طبعا اهم شئ التقرب الي الله بكثرة العبادات من دعاء وصلاة

الأفضل انك تفركشي لانه اتعود علي الخيانه وأكيد هيخونك تاني بعد الجواز بعد فترة وبعد ما يمل من العلاقة معاكي لانك هتبقي ملكه وهيدور علي اللي مش ملكه لأن الشيطان بيحلي الحرام ومدام خانك مرة هيخونك تاني وده رأي شخصي وممكن يكون فعلا تاب بس انتي ليه تدخلي علاقة مش مستقرة من اولها واحتمال الفشل اكبر من النجاح

يبقي مش قدامك غير الصبر والاحتساب عند ربنا ومحاولة الوصل مع زوجك بالتلطيف والكلام الحسن والتقرب والتودد مع الصبر وعدم انتظار الكثير من رد فعل زوجك و تدريجيا سوف يعود لكي زوجك

الحل التاني هو الإنفصال وتعيش لاولادك أو تسيبي الاولاد وتفكري في الزواج تاني بس هيبقي هناك مشكله تاني وهو اسرتك هتقبل الوضع ده ولا ولا

استفتي قلبك مع العلم أنه موضوع صعب بس انتي من جواكي عاوزه تكملي مع العلم أنه الأمر مش هيتغير غير في حالتين وفاة والدته أو استقراره في البلد وده عاوز صبر كتير