مجهول .

اسفه اني تدخلت بس انتي جميله رغم كل حاجه .. ما تفكريش انك مش حلوه لان دا هيتعبك ممكن تجربي تعملي قصه جديده مثلا المهم شيلي المعتقد دا عن نفسك لانه هيخليكي كل مره تتقفلي من نفسك ما تعمليش كدا ... وتاني انتي جميله

جبتي من الاخر ❤️👌

بص من الاخر تجاهل ...تجاهل اي حد يحبطك و يسلب منك طاقتك الايجابيه .. انت شخص ايجابي ومتعلم و الدليل انت قلته معاك لغه وتعرف في البرمجه انت ممكن بس بالاثنين دول مع اجتهادك تكون شيء عظيم يا اخي حقيقي الشهاده ضروريه لاكن في النهايه اسمها شهاده .. يعني عندي اديلك مثل ياخي هتقولي ان الشهاده اصبحت لا شيئ فقط اجتهادك و ايمانك بنفسك .. زوجه عمي طبيبه اسنان ومع ذلك لم تنجح في مجالها ورأت ان الطب شيء مش من مجالها يأخي راحت و اصبحت مصممه ازياء و الان هي صاحبه معرض و بلوجر و مشاهير بيلبسوا منها يعني .. عايز اقولك اهو معاها اعلي شهاده الطب لاكن نجحت في المجال الي شافت نفسها فيه و امنت انها هتنجح وفعلا .. انت نفس الشيء يا اخي الناس عبارة عن اله لا تتوقف عن الكلام انت خد الكلام كله من الاذن دي و ارميها من الاذن الاخره فهمت قصدي؟ و الزواج ربنا كاتب لكل شخص نصيبه ونت اسعي و خليهم يذهلو منك انت ممكن تكون كمان احسن من ال معاه شهاده ونت اصلا متعلم برمجه و انجلش ابن عمك يعني اسف عارف انك معاك حاجه افضل من الشهاده الي تعب فيها .. وكمان في المستقبل البرمجه اكتر الوظائف المطلوبه في المستقبل يعني انت مستقبلك حلو من دلوقتي و كمان بعد سنين + كمان تقدر تشتغل برا في اوروبا او البلاد الغربيه وتبقي غني و تحسن لغتك وتعرف ثقافات جديده وممكن في بلدك عادي تكون في افضل شركه بفضل لغتك و برمجتك قولي بقا ايه لزمه الشهاده الي هي عباره عن ورقه مركونه في درج مقابل القدرات الي عندك اهو كمان مهندسين ومحاميين وحتي الاطباء اغلبهم بيتجهوا للمجال الي انت حققته من دلوقتي ! .. يا اخي نصيحه من اخوك ما تسمحش لحد يحبطك دي حياتك ومستقبلك متسمحش لحد يحزنك ..و فكره برضه ممكن لو حابب فكره انك يكون معاك شهاده ممكن تتعلم في جامعه مفتوحه بجانب شغلك او عملك دا لو حبيت يعني تجرب كدا ......؟ اسف اني طولت

ممكن اقترح عليكي نصيحه و براحتك جدا ... موضوع انك تتغيري دا سهل جدا بس هيتوقف عليكي كذا عقبه ومنهم العيله ...ودا الطبيعي ..ممكن تجربي تعيشي شهر عند حد قريب منك مثلا جدك عمتك ..الخ بهدف انك تتغيري وتغيري من سلوكك للاحسن ..عادي انك تكلميها وتقوليلها انك هتغيري من نفسك للاحسن ... ولو فعلا هتعملي كدا اول حاجه قبل ما تبتدي الشهر لازم تكون عندك الاراده وانك مش هتستسلمي ... وبعد كدا هتبتدي تجيبي فيديوهات تطوير الشخصيه و الذات وكمان تنزلي كتب pdf عن نفس الموضوع و تقرايها برشحلك كتاب " العادات السبع للمراهقين الاكثر فاعليه " الكتاب ده هتقريه هتلاقي نفسك اتغيرتي 180 درجه بجد مهما اتكلمت انه اد ايه غيرني + وانصحك انك تبني عادات جديده وكمان تطبقيها اوعي تهمليها .. + 20 سنه انتي اعتقد لسه في جامعه وبتدرسي جربي اختلطي بصحاب كتير واتعرفي علي ناس جديده لو معرفتيش اعملي صحاب مش لازم دراسه ممكن تنزلي مكتبه او جيم او نادي هتلاقي نفسك عرفتي ناس ... جربي اعرفي هوايات جديده ... +قله التعامل مع الناس والعزله بتخلي الواحد بعد كدا يصعب عليه التعامل معاهم خليكي فاهمه النقطه دي .. +جزئية اللغبطه في الكلام ممكن تعالجيها بكذة نقطه 1- القراءه بصوت عالي او القراءة عامتا بس يفضل بصوت عالي عشان لسانك ما يتقلش و يعتاد علي الكلام .. 2- تابعي ناس ليها تأثير علي السوشيال 3- جربي اي كلمه تعجبك او جمله اكتبيها و احفظيها هتلاقيكي كتير بعد كدا بتقوليها و الخطوه دي مهمه زي الانجليزي بظبط 4- جربي اتكلمي مع حد جديد و فهميه انك بتحاولي تغيري من نفسك وجربي الموضوع دا ديما .... العصبيه زي ما بتقولي عندك دي فطرة زي اي حد ونا حقيقي بزعق و اتعصب كتير وصوتي ساعات بيوصل لاخر الشارع 😅 بس تقدري تغيري دا عادي بأنك يا تعملي الي قلتلك انك تروحي لحد قريب عشان تتغيري او انك تيجيبي المسبحه الالكترونيه .. عارفاها ؟ كل ما تتعصبي اوي جربي تفضلي تسبحي او تعدي لحد ما غضبك يروح و حاولي برضه بدل ما تتعصبي تعرفي سبب المشكله و تحليها بهدوء صدقيني هتلاقي عصبيتك اتحلت و اهم حاجه قبل اي حاجه انتي تقدري تكوني الشخص ال نفسك فيه ما تخليش حد يحبطك و اوعي تجلدي نفسك بأنك تقولي لنفسك كلام محبط انتي تقدري صدقيني جربي بدل ما تقولي انا فاشله ! قولي انا جميله انا قويه او اي حاجه ربنا انعم عليكي بيها ..اسف لاني طولت عليكي جدا بس حاولي علي قد ما تقدري انك تعملي اي حاجه من ال قلته +خلي ديما علاقتك بربنا الاول وبعدين الناس بيجوا في الاخر

+نصيحه جرب طريقه انك يكون معاك اي تيليفون او تاب و حطه قدامك حدد لنفسك تايمر مثلا 3ساعات وشغل معاه مزيكا هاديه .. بجد الموضوع حلو جدا وهتلاقي نفسك انجزت+ قسم يومك ل 3 اقسام .. مذاكره ، لعب ، مذاكره

جرب في الاجازه او اي وقت فاضي تكتب او تتعلم كلمات انجلش وتدونها ان شالا 5 كلمات في اليوم .. عقلك الا واعي هياخد علي الي انت بتعمله ولما تيجي تذاكر هتلاقي مافيش مشاكل .. طبعا مطالب منك ولو ساعه او نص ساعه بس ... لازم تحط عندك اراده وهدف