Muhamed Elbashary

بص يا اخويا انا مش متدين اوي يعني بس حصل قدامي مرة موضوع زي كدة في واحد صاحبي اكبر مني وبصراحة ندم انه مكملش وكان بيقولي ان ده احيانا بيكون من الشيطان عشان ميخليش حد سعيد وان الشيطان مش عايزك تاخد حد كويس وكدة اللي عايز اقوله لك انك تصلي استخارة وتمشي في الموضوع وربنا بيقدرلك الخير وصلاة الاستخارة نتائجها مبتكونش احساس وكدة بتكون نتائجها ان في حاجة بتوقف الموضوع بشكل قطعي زي مشاكل او انك تعرف حاجة تخليك متكملش وهكذا ف صلي استخارة وكمل وسيبها على ربنا وشوف تقديرات ربنا هتوديك لفين

بكل بساطة انك تشتغل على اللي جاي وتحط كل تركيزك عليه وتشتغل كتير

هو ده اصلا مش راجل كل اللي عمله ده مش من الرجولة بأي شكل من الأشكال هو عموما المفروض ان مفيش كلام بين الراجل والبنت قبل الخطوبة وبعد الخطوبة حتى مينفعش يتكلم معاها على الخاص ولازم يكون أهلها عارفين وطبيعي هم بنوا على غلط فطبيعي اللي بعد كدة هيبقى غلط وواضح انها عارفة الكلام ده وده معناه انها بنت محترمة خليها تبعد عنه ومش مهم كلام الناس مينفعش اجي على نفسي عشان كلام الناس ولو على نفسيتها فالوقت هينسيها وخليها ترجع لربنا

اولا ربنا يرحم والدتك ويجعل مثواها الجنة ثانيا مينفعش انك متشتكيش لحد لازم تفضفضي لحد وتطلعي اللي جواكي بس طبعا تختاري حد انتي واثقة فيه ثالثا انا شاب وعارف الحركات ده كويس وفعلا زي ما قولتي ناقصين تربية وفي منهم كتيييير اوي بس عايز افكرك بمقولة للشيخ الشعراوي كان بيقول (ان لم لنفسك حاقدا فاعلم انك انسان فاشل) ف ده دليل انك إنسانة ناجحة جدا جدا جدا وكل ما يزيد عدد الحاقدين كل ما يدل انك بقيتي ناجحة اكتر و اوعي تبيني لحد انك بتضايقي من التصرفات ده حتى لو من جواكي هتموتي بس اوعي تبيني ده لحد وانتي كدة كدة مش هتقدري تعملي ليهم حاجة ولا هتخليهم يبطلوا اللي بيعملوا ده ف كبري دماغك منهم خليكي ناجحة زي ما انتي و اوعي الحاجات الهبلة ده تحبطك بل بالعكس المفروض تحمسك وربنا يكرمك في حياتك

الفكرة انك هتكلمها تقولها ايه لو عايز تخطبها وتتجوزها يبقى اعرف فين بيت اهلها وروح اتقدملها لو عايز غير كدة شوف هل ترضاه لامك أو اختك او بنتك لما تكبر ان شاء الله ولا لا وفي الأغلب مش هترضاه ليهم يبقى مترضاهوش لبنات الناس

حاول تفهم معاني الكلمات وانت بتقرأ واقرأ تفاسير كتير وكمان اقرأ احاديث كتير حاول تتثقف دينا اكتر وأغلب آيات القرآن نزلت في مواقف معينة فحاول تعرف المواقف ده...يعني اسباب نزول الآية ده وهكذا واقرأ القرءان كأن ربنا بيكلمك انت نفسك وكمان لو تعرف تقرأه لوحدك بعيد عن الناس يبقى احسن عشان تعرف تركز وانت بتقرأ التفاسير ولمعازي وأسباب النزول وكمان اهم حاجة تقوي ايمانك بإنك تواظب على الصلاة والصدقات والأعمال الخيرية وغيرها من الطاعات

اتكلمي في اهتماماتك واسأليه عن اهتماماته وشوفي هو انفصل ليه وانتي قوليله انفصلتي ليه وطبعا قبل كل ده صلي استخارة

السجدتين الاتنين من أركان الصلاة فلو نسيت سجدة يبقى الركعة كلها بطلت فالمفروض تعيد الركعة

اهلك كانوا بيعاملوكي وحش طيب ؟

ايه السبب طيب

الكورسات موجودة كتير جدا على النت ومجانية والكتب ممكن تحمليها PDF من النت برضو