Mahmoudsamy Elsamman

السلام عليكم ورحمه الله وبركاته انا قرات سوالك باهتمام شديد لان المشكله مش متعلقه بيك لوحدك دي متعلقه ب نااس كتير جدا وانا من رأي الشخصي طبعا انتا لو اهتميت ب كلام الناس مش هتتحرك من مكانك غير للخلف واغلب الناس مش بتتكلم على شخص فاشل دايما تلاقيهم بيتكلموا علي الناجح علشان يحبطوه ويكسروا ثقته ب نفسه وكلام الناس نوعين اما كلام يرفع المعنويات او كلام يحبطهاا ويكسرها انا عايزك تتعامل مع الكلام المحبط بطريقه اللامبلاه وانك تحسس اللي بيقلك الكلام دا انه كلامه مش بيهمك وانك تحسسه بالنقص. اللي فيه علشان يفهم انك مش سهل خالص ويفكر الف مره قبل ميعمل الحركه دي تاني وانتا مع نفسك تفكر ف كل كلمه قالها ليك وتبص لنفسك كويس جدا وانصح انك تكون لوحدك وقدام المرايه وتشوف الكلام اللي قاله عنك دا صح او لا وغي الغالب هتلاقي الكلام دا غير صحيح نهائي لانه مش مهتم بالصوره الحقيقيه ليك بل مهتم بالصوره اللي هوا شايفها وبيفهمها ف انتا حاول انك تقلب الموضوع عليه هتقلي ازاي هقلك تعرف عيوبه كويس جدا واول ميتكلم ويقلك انتا مش متعلم او مش معاك شهاده قله مانتا فيك كذا وكذا ومحدش كلمك سعتها بقى هوا هيتصدم ومش هيعرف يرد عليك *واما بقى موضوع الجواز ف دا قسمه ونصيب وربنا اللي بيكتبه مش الشهاده ف متحطش الموضوع ف دماغك نهائيا واتمني يكون كلامي مفيد ليك واخدت اكبر استفاده مني ومن غيري

حضرتك انك تربي لحيتك اقتداء برسول الله حاجه كويسه جدا بس انا حابب اقلك حاجه واحده انتا تعرف انو رضا الوالدين من رضا ربنا عليك فلا تعص لهما امرا واحب اقلك للعلم بس انو حلق اللحيه مش حرام بس هوا امر مكروه ف انتا ممكن تقلب الموضوع ل صالحك بدل م تعاند مع والدك انتا ممكن تقعد مع والدك ولو الموضوع فيه مشقه عليك وهتقله انوا الموضوع دا مكروه وانا مش هعمله علشان انا مقتنع ب كدا و عايز ارضي ربنا سبحانه وتعالي ولو متفقتش على كدا احب اقلك قصر لحيتك ومتحلقهاش كامله

حقيقه الموقف دا محصلش معاي بسبب ان والدي متفهم جدا وبيدخل معاي ف نقاشات سواء انا صح او هو صح احنا بنوصل لحل يرضي ربنا اولا و يرضي كل واحد مننا سواء انا او حد غير ف حل مشكلتك انك تقعد مع والدك وبرغم انو والدك صعب شويه لاكن هوا ف الاول والاخر بيحب مصلحتك الشخصيه وخايف عليك ف انا بقترح عليك انك تقعد معاه وتناقش الموضوع معاه من وجهه نظرك ووجهه نظره وبلاش تخش ف موضوع العند علشان انتا مش عايز تطلع من الموضوع مزعل والدك او كاسر كلامه ف دا يأثر عليك في البيت بشكل ما ارجو انو رايي الشخصي يكون فادك ويريت تلجأ لربنا ب الدعاء انو ييسر عليك الموضوع وانا اسف لو طولت عليك

انتي ممكن تشوفي الدكتور المسئول عنها وتستفسري منه اي السبب هل دا من الجلسات ولا هيا تأثرت ب حاجه شافتها قدامها

عندها كم سنه

حضرتك مش شرط يكون اهاليهم يعني والدهم او والدتهم انا واحد من الناس اللي ماكنتش بتصلي والسبب مكنش بيرجع ل اهلي بالعكس انا. اهلي مواظبين علي الصلاه لاكن انا كنت واخد نااس كتير قدوة ليا ف بالتالي كنت بقلد تصرفاتهم كلها الصح منها والغلط والمشكله انوا اغلب حال الناس دلوقتي ف بعد عن ربنا وعموما القران لخص الكلام ف ايات كتير ولكن اكثرهم لايعقلون ولاكن اكثرهم لايهتدون يعني دايما الاغلبيه ماشيه مع القطيع وبس هيا مش مدركه هيا بتمشي لي كدا بس هيا بتمشي والناس اللي زيك مهمتهم انهم ينبهوا القطيع دا للطريق الصح وما علي الرسول الا البلاغ والباقي علي ربنا ان شاء الله هيكتب انو نااس كتير هتهتدي بسببك ممكن هوا يبين انوا مش متاثر بكلامك لاكن الكلام دا لمس مكان معين ف قلبه لان كل واحد فينا فيه مكان ف قلبه عارف انو الكلام ده صح ويريت متبطلش فعل الخير لنفسك مش لحد تاني