Abdelrahman ..

الموضوع بسيط جدا ... علاقته بيكي كانت بهدف انه يوصل ل حاجة معينة ،ولما انتي صدتيه و فهم انه مش هيعرف يوصل للهدف ده طبيعي معتش هيكلمك او يعاملك ب اسلوب وحش لان الود الي في الاول كان مزيف بغرض انه يوصل للهدف

بمجرد ما يتكلموا في الحاجات دي ، اسكتي او قولي ربنا يهدي ، ربنا يصلح الحال ، المهم تصديهم عشان يفهموا انك مش حابة النوع ده من الكلام ، وواحدة واحدة ممكن يبدأوا يقللوا

الإنسان الي يستحق اللوم هو الإنسان الي قاعد مبيعملش اي حاجة في حياته ، ف طالما دماغك بتفكر وانتي بتحاولي تعملي حاجة ، ف ده شئ تستحق عليه التحية ... اما بالنسبة لحتت انك خايفة م الفشل ، م اي يعني !! م تفشلي ، هيحصل اي يعني هو انتي خسرانة حاجة ، و ايا كانت النتائج ف مفيش خسارة مع التجربة لان اكيد اكيد التجربة دي هتعلمك حاجات و تلفت انتباهك لحاجات تانية مكنتش واخد بالك منها و تفتحلك ابواب تانية ، ف الكسبان هو الي دايما بيفكر يعمل حاجة وبياخد خطوات فعلية ل ده، بالعكس الي ماشي مع الموجه و زي ما توديه

بص ... احنا لازم نكون ملميين بالحاجة الي قدامنا و ع اساس ده هنقرر احنا حابين او شايفين نفسنا في الحاجة دي ولا لأ ، وبناء عليه لو انت اديت لنفسك الفرصة انك تتعرف ع الكلية وبدأت خطوات فعلية فيها وبعدين لقيت نفسك لسة مش مرتاح ، خلاص روح ل الحاجة الي انت شايف نفسك فيها ... وفيه ملحوظة بردو .. انا ع فكرة خريج كلية علاج طبيعي وقبل ما ادخل الكلية مكنتش اعرف يعني اي علاج طبيعي اصلا ، وواحدة واحدة الامور بدأت تمشي و دلوقتي شغالين والامور بخير الحمد لله

بقالك اد اي في علاج طبيعي؟