Ayaa Dmerdash

أنا عندي 25 سنة وتقريبًا نفس الحال، وتقريبًا برضو بقيت كده من سن 19 بقيت متخبطة ومش فاهمة، أنت بس بتحب تفكر وتتأمل كتير وغالبًا حصلت حاجات في حياتك استنفزتك وفضلت كاتمها، فكل ده بيطلع في اضطرابات غير مفهومة، أنت محتاج تبعد عن السوشيال ميديا فترة، مع الوقت هتحس انك كل ده خف وقل خالص وبقيت بتركز على حاجات احسن في حياتك، فمتقلقش مشاعر الارتباك دي طبيعية بس اختار اللي أنت بتقضي فيه وقتك كويس.

أخوك ربنا كتبله النجاة وظروف واقعته بالإضافة لمدى وعي المجتمع دلوقتي بقت أحسن، من عشر سنين كان ممكن الأهل تخاف تعمل بلاغ وتسكت، للاسف الزمن عدى بس خلي منعدمي الاخلاق دول حسابهم عند ربنا. كل إنسان له ابتلاء في الدنيا ولعل صبرك واحتسابك على ألم زي ده يرفع من مكانتك عند ربنا، وإن شاء الله كل ظالم ومفتري ربنا هيحاسبه أشد حساب.

الجواز ده رزق زيه زي أي نوع تاني من الرزق، لو انتي كنتي عايزة جوازة وخلاص علشان ترحمي نفسك من كلام ونظرات الناس كان زمانك اتجوزتي أول واحد اتقدملك، بس انتي عايزة حد يصونك وتحسي معاه بالأمان، ولحد ما يجي الشخص ده افرحي بحياتك اتبسطي ولو مكتوبلك نصيبك تتجوزي، هيجي لحد عندك. اوعي تفقدي إيمانك بربنا وكوني راضية لعله خير من عنده.