Khaled Ahmed

بصي يا ستي لايغير الله ما بقوم حتي يغيروا ما أنفسهم يعني نظمي وقتك صح وتعملي جدول حلو وصحبه همته عليا وبخصوص الموضوع التاني حاولي تسيبي تليفونك وتمسكي تليفون بزراير هيساعدك كتير اوعي تسيبي الصلاه مهما حصل اوعي تيأسي من رحمه ربنا زودي طاعات كتير صلاه في مواعيدها تسبيح استغفار صلاه علي النبي الدعاء في كل سجده ويا سلام لو تقضي بس نص ساعه قبل صلاه الفجر في القيام وبعدين تنامي وجهادي نفسك و ربنا هيكون معاكي والله وهبعتلك المدد دائما خدي بالاسباب واتواصلي مع جروب واعي علي فيس واليوتيوب خشي الاول اعرفي عنهم اليوتيوب واعرفي ازاي بتشتركي الجروب الخاصه علي تليجرام وأسأل الله أن يفرج همك ويحصن فرجك ويطهر قلبك وان يرزقك الثبات في الأمر والعزيمه علي الرشد

بصي بالنسبه للكتابه الاول علشان ليا علاقه كده بيه حاولي تعملي جدول كل يوم تقري فيه كتير اعملي مكتبه في البيت واللغات انزلي في اكاديميه تعليم لغات وابدي علي طول حاولي تتفرجي علي كورسات تنميه بشريه زي ابراهيم الفقي معتز مشعل وغيروا كتير ولايكلف الله نفسا إلا وسعها

القيامه مش هتقوم الا علي شرار القوم لو انت شايفه نفسك مخنوقه الزمي سوره يس وصلاه علي النبي ودعاء لاالله الا انت سبحانك اني كنت من الظالمين وانتي مش محتاجه تموتي علشان تقابلي ربنا وتشتكيله انت ربنا بينده عليكي كل يوم في الثلث الاخير من الليل وفي كل سجده وخدي بالاسباب لو انتي مش هتقدري تحلي مشكلتك بنفسك حاولي تستعيني بحد تثقي فيه ولو مش بيدك اصبري حتي يأتي الفرج من عند الله أسأل الله أن يفرج همك

اول حاجه للعبد اللي عاوز يلتزم أنه ميقولش بكره هعمل أبداي من دلوقتي عيشي كل لحظه كانها اخر لحظه في حياتك لأن ممكن تبقي اخر لحظه في حياتك فعلاً شوفي كده تخيلي كده لو قالولك أن ده اخر يوم في حياتك أو اخر يوم دراستك انتي ممكن تنهي يومك ازاي هتلاقي نفسك دائما بتصلي وأكنها اخر صلاه بتذاكري وكأنها اخر مذاكره حولي يكون ليكي حال مع الله ولكل عبد صيت في السماء انتي تحبي يكون صيتك ايه صاحبه الصلاه علي وقتها صاحبه ركتين الفجر صاحبه الصلاه علي النبي تحبي صيتك ايه انصحك كمان انك تشحني قلبك كل يوم بورد محدش يشوفك فيه غير ربنا يكون صلاه علي النبي والاستغفار والله هتشوفي العجب في حياتك ويفضل الوقت ده قبل صلاه الفجر بساعه وتصلي الفجر وتنامي وا مثلاً تبدأي يومك براحتك وتشحني قلبك كل يوم بمقطع ايماني ارشحللك شيخه هاله سمير حازم شومان احمد العزب محمد الغليظ مصطفي حسني وبخصوص المذاكره اول ما تصحي من النوم خططي يومك هيمشي ازاي وحاولي ميبقاش الجول ميثالي اوي وقت المذاكره الاول مثلاً يقي بسيط اربع ساعات والحاجة ولما تيجي اخر اليوم حولي تقيمي نفسك بنفسك مش بحد تاني وتقارني النهارده بامبارح فكده انتي باستمرار بغيري تفكيرك وأخيرا احب ابشرك طالما ربنا جعل في قلبك الشعور ده وايدك خلاه تكتب الطلب ده فربنا عايزك تكوني احسن لان لايكلف الله نفسا إلا وسعها اسف لو تولط عليكي أسأل الله العظيم أن يصلح حالك يخرك من الظلمات الي النور ويوفقك لما يحب ويرضي

حاولي متذاكريش لوحدك شوفي صحبه صالحه تساعدك علي المذاكره بس يكونوا معندهمش مشكلتك عشان تقدري تكتسبي من الإلهام في المذاكره وخدي بالاسباب اكتر بلاش تليفونك يبقي جنبك حاولي تربطي مذاكرتك بالقران اكتر ومتنسيش دعاؤك في كل سجده والله هتلاقي فرق كبير انا كان عندي نفس مشكلتك واتحلت والله بنفس الطريقه دي