جربي ف مره اعملي ليهم كيكه أو اي حاجه حلوه بتعرفي تعمليها و عصير و قوليلهم انك عايزه تاخدي رأيهم في مره مثلا قبل ما تنزلي معاهم هاتي عصاير و حاجات من الفرن و بعدين ما دام انتوا مع بعض ف الدروس فا اي بريك روحي جيبي حاجه ليكي وليها
تم النشر الأربعاء، ٩ أغسطس ٢٠٢٣
وبعدين الحياه بتمشي بالناس أو من غيرهم مش يمكن ربنا بيبعدهم لأنهم شر ليكي ليه تفضلي متمسكه اللي ميتنازلش علشان خاطرك ميستاهلكيش صدقيني اني اغلي و احسن من كدا بكتير اوي اوي
تم النشر الخميس، ٢٤ أغسطس ٢٠٢٣
حاولي تقربي من ربنا اكتر بالصلاه و القرآن و نصيحه حطي نفسك الاول ف كل حاجه محدش يستاهل لا محاوله ولا تنازلات كله بيدور علي مصلحته و بس خليكي كدا بس من غير متأذي حد ربنا سامع و شايف اللي بيحصلك و ربنا بيحطك ف المواقف دي علشان تقربيله و تروحيله لان مفيش حد هيحلها غيره اقعدي مع نفسك و اساليها ليه بتعمل كدا لو مفيش اجابه يبقي لازم تبتدي تغيري من نفسك و من روتينك اسمعي بودكاست عن الثقه بالنفس و التوكل على الله خليكي متأكده أن ربنا هيعوضك عن كل دا و مفيش حاجه اسمها انتحار انتي كدا بتغضبي ربنا اكتر كل ما تحسي انك بتفكري كدا استعيذي بالله و قومي صلي ركعتين عيطي فيهم و اتكلمي مع ربنا ليل و نهار لغاية ما ترتاحي هتبقي صعب ف الاول بس لو غصبتي نفسك هترتاحي اوي صدقيني
تم النشر الخميس، ٢٤ أغسطس ٢٠٢٣
انا شايفه انك تاخدي برأيها لأنهم ديما بيبقوا صح و بعدين انتي لسا هتتعرفي علي ناس كتير و ربنا يكتبلك نصيبك مع واحد يسعدك و يهنيكي يارب❤️
تم النشر السبت، ١٩ أغسطس ٢٠٢٣
لو حد من أهلك عارف انكوا بتحبوا بعض اتكلمي مع مامتك هما ديما بيكون رأيهم صح لأنهم عدوا بالمرحله دي كويس
تم النشر السبت، ١٩ أغسطس ٢٠٢٣
كا رأي شخصي بلاش هيتعبك الحب مش كل حاجه ف ناس كتير مكنوش بيحبوا بعض ساعة الجواز بس بالمعامله الحلوه و العشره حبوا بعض بس دا من بدايتها وهو بينمعك مش هتقدري تتناقشي معاه ولا حتي يكون ليكي رأي و انتي بتقولي مش شغال ولا يعتمد عليه ف شغل و كمان مش عايزك تشتغلي وانتي شايفه الدنيا بتغلي ازاي هيجيب شبكه و شقه و تفرشوها أو بعدين لما تجيبوا اطفال محتاجين مصاريف كتيره هيجيب منين كل دا بصي كل دا رأي شخصي و من رأيي بردو صلي صلاة استخاره و ربنا يوفقك ف الطريق الصح
تم النشر السبت، ١٩ أغسطس ٢٠٢٣
انا دفعة ٢٣ بصي اهم حاجه تظبطي نومك حاولي تنامي بدري و اصحي علي الفجر و ابتدي يومك بس لازم تنامي وقت كويس مش ساعتين تلاته دا هيتعبك باقي اليوم و اهم حاجه اهتمي بالتلات لغات متقوليش سهله هلمهم مش بيتلموا صدقيني بلاش اونلاين كتير غير لو ف مواد بسيطه زي الانجلش و اللغه التانيه و بلاش تاخدي عند كذا مدرس ف الاول ممكن ف الاخر تاخدي حد يشرح و حد يحل مثلا متمشيش ورا كلام حد ف المدرسين جربي بنفسك و ملكيش دعوه برأي اصحابك لو فيه مدرس مش مناسب معاكي سبيه من غير تفكير هتلاقي مليون غيره اهم حاجه متتوتريش صدقيني السنه هتمشي من غير ما تحسي و كل حاجه هتعدي و هتحققي حلمك لو انتي علمي ممكن اقولك تعملي ايه ف كل ماده و عموما انا علمي علوم لغات لو حابه تسألي عن أي حاجه و ربنا يوفقك يارب و تنجحي و تدخلي الكليه اللي نفسك فيها❤️
تم النشر الجمعة، ١٨ أغسطس ٢٠٢٣
قربي من ربنا اكتر و لازم تعرفي إن انتي مشاعرك دي حاجه غاليه و كبيره اوي و حطي ف دماغك انك جوهره مينفعش تديها لاي حد و خلاص حبي نفسك و اخرجي و اعملي كل اللي نفسك فيه و اتعرفي علي صحاب كويسين قربي منهم و احكيلهم حاولي تقربي من مامتك و احكيلها انك متأثره باللي بيحصل اوعي تسيبي نفسك للحظه ضعف وان الشيطان يلعب ف دماغك انك تنتحري كل دا وسوسة شيطان ربنا شايفك و هيعوضك عوض كبير اوي اوي بس ف الوقت الصح و لما تحسي مشاعرك رايحه لحد افتكري انك كدا بتكرري غلطهم تاني وان شاء الله ربنا يعوضك عن كل دا ويبدل حالك لاحسن حال❤️
تم النشر الخميس، ١٠ أغسطس ٢٠٢٣
حاولي تشغلي نفسك ديما عنهم متشغليش بالك بمشاكلهم عارفه أنه صعب بس مره في مره هتبتدي. تكبري دماغك اتعلمي حاجه جديده لو عندك موهبه انشغلي بيها اوقات الاجازه للاسف اختيارهم الغلط لبعض محدش بيدفع تمنه غيركوا و مفيش ف ايدك حاجه تغيريها و ادعيلهم ديما لو انتي قريبه لمامتك كلميها أو حد من العيلتين حاولي انتي و اخواتك تتكلموا معاهم
تم النشر الخميس، ١٠ أغسطس ٢٠٢٣
لعرض الملف الشخصي في فدني اضغط هنا