Manar Mohsen

بصي انا من رايي تروحي لدكتور نفسي يساعدك تتخطيه و تفكي تعلقك بيه انتي لازم ترتبطي بشخص تكوني من اولوياته بل الاولي في كل حاجه وانه لما بعد عنك قبل كده كان في واحده في حياته دي تعتبر خيانه و الله اعلم مش عايزة اظلمه بس ليه بيبعد عند تاني دلوقتي وبيكرر نفس الحاجه؟ ممكن يكون دخل حياته واحده تانيه الله اعلم و حاولي متفتشيش وراه لانك دده بتعلقي نفسك بيه اكتر لو روحتي لدكتور ان شاء الله هتقدري تبعدي عنه

احساسك بالذنب والندم جميل و ربنا انعم عليك بيه لانه بيحبك و اراد توبتك ، ممكن ده يكون عادة اصلا من قبل رمضان؟ ولو مش عادة شوف ايه السبب اللي بيخليك تعمل كده زي ما قولت يمكن احساس ضغط ؟ وحده؟ حتي احساسك ان ربنا مش هيغفرلك ده ممكن يكون احد الاسباب والشيطان بيدخلك منه ويقولك كمل انت عصيت ربنا ومش هيسامحك ف مش فارقه ،بس صدقني ربنا بيحبك و مجرد تفكيرك في التوبه تعتبر توبه في غيرك كتير غافل و شايف انه عادي وان ربنا غفور هو اه ربنا غفور لكن للي تاب وندم وعمل عملا صالحا وانت بتندم وبتوب وبتصلي وتصوم وتستغفر حاول تطلع صدقه بنيه ان ربنا يبعد عن قلبك حب الشهوة ،و صدقني ربنا رحمته اوسع مما تتخيل وهيغفرلك طول ما انت بتستغفره اوعي تسمع للشيطان وهو بيقولك مش هيغفرلك لا هيغفرلك حط دايما في بالك بسم الله الرحمن الرحيم ﴿قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ﴾ و اللي بيقنط من رحمة ربك الا الكافر حاول متسمعش كلامه وتجاهد اكتر

لو تقدر تاخد شقه بعيده شويه عن اهلك وتكون لوحدك افضل لكن متقطعش علاقتك بيهم وحاول تبر والدك و ولدتك لانه واجب عليك وربنا هيحاسبك وهيحاسبهم بردو ربنا يهديهم

عارفه ان اللي حصلك صعب بس ربنا هيعوضك ب ده كله خير و هينتقم منه و علي الاقل اتعلمتي انك متقربيش من اي حد بسهوله و تحافظي علي مشاعرك و ترجعي حقك و متسمعيش كلام حد حتي لو بيهددك وتاخدي اجراءات فورا منغير ما تستني

بلاش تستسلمي لفكره الانتحار خليكي واثقه في ربنا واغتكري ان بعد العسر يسر

بعيده عني للاسف كنت عايزة ابقي معاكي

ربنا معاكي و ربنا احن من كل البشر اللي في الدنيا صدقيني كل حاجه هتتحل قوليلي انتي منين ؟

يعني ولا دنيا ولا اخره؟ انتي لسه صغيرة ومش معني ان حصلنا مشاكل مهما كان حجمها نقرر اننا ننهيها ولقد خلقنا الانسان في كبد ، ان بعد العسر يسر ،الرسل كلهم كان بيحصلهم مشاكل و اهاليهم كانت بتموت والناس اللي بيحبوها هل بعدها قالو لا لازم ننهي حياتنا و كده الكون وقف؟ لا كل اللي حصلك هينفعك قدام انتي مش شايفه ده دلوقتي و هتقولي ازاي هينفعني بعد اللي حصلي ده كله هقولك لو علمتم ما في الغيب لخترتم واقعكم صدقيني مفيش حاجة بتحصل الا لو فيها خير حاولي تبداي حياتك من الاول بعد ما تاخدي حقك احبسيه و ابعدي عن مكانك ابعدي عن كل حاجه ممكن تأذيكي حتي لو اهلك اللي بيعدي عليكي دلوقتي مؤقت و ده كله صدقيني هيخلص ان بعد العسر يسر ربنا هيكرمك الصبر علي المصاعب اجرة كبير عند ربنا و حياتك ليها لازمه حتي لو انتي مش شايفه ده هقولك ليه ربنا خلقك صدقني مفيش حاجه بتحصل غير لما يكون وراها حكمه

انا اعرف واحده كانت. اخده منحه لامريكا قالتلي بعد المده تقدري تقرري تفضلي في البلد او ترجعي مصر بس لو فضلتي انتي اللي بتكوني مسئوله عن نفسك مش تبع المنحه

خدي اسكرينات وسجلي المكالمات بتاعته بس بلاش من نفس الفون اللي بتكلميه منه يعني مثلا لو كلمك كول سجليها لكن هاتي فون خارجي و سجليها بيه عشان ميعرفش ولو تقدري تجيبي شهود وللاسكرينات اللي متفبركه ليكي و اسكرينات لكل حاجه سواء صورك او شاتات واطلعي اعملي محضر فيه و متخافيش هيقفو معاكي وهتعملي اكتر من محضر تهديد بالقتل وسب واعتداء حرفيا هتندميه علي اليوم اللي فكر يكلمك

روح لدكتور نفسي و من ناحيه ان الموضوع كبير ف هو اه كبير فكره انك مش قادر تتعامل مع الجنس الاخر بأي شكل من الاشكال حتي لو بطريقه رسميه بتكون مشكله و زي ما بتقول ان ده عائق و مش قادر تكون اسرة بسببها واخوك وقتها كان صح لكن غلط في طريقته و ان شاء الله تقدر تتخطى وتكون اسرة

حاول تروح لدكتور نفسي وهيساعدك تتخطي الكلام ده كله انا الي حد ما شبهك لكن بنسبه اقل من فترة كنت بنسبه اكتر لكن اجبرت نفسي اني اتعامل واشوف ناس شبهي انا حتى لو سوشيال

طبيعي تكوني خايفه من فكرة انه يسيبك بس صدقيني لو فكيتي تعلقك بيه هيبقي بنسبالك ولا حاجه

لو تعرفي حد من صحابك يكون دحيح فعلا و ملتزم اعملو جدول وامشو سوا عليه وهتشجعو بعض لو معندكيش زيي كده😔 اقولك انا هعمل ايه لاني زيك اول حاجة تكتبي كل المتراكم وتخصصي ٣ او ٤ ساعات للمتراكم في اليوم و طبعا اوعي تهملي الجديد و حاولي تقسمي الدروس يعني النهارده هاخد مثلا اول ساعتين نص درس بالحل بتاع الجزء والساعتين اللباقيين ماده تانيه ومن ناحيه كتب المراجعه هاتيهم بعد ما تخلصي المتراكم و راكعي مع نفسك قبل ما المدرسين يخلصو المنهج ويبداو مراجعه مثلا خلصتي اول باب كيميا حلي عليه في كتاب من كتب المراجعه وهكذا

هو ده طبيعي لان كل واحد فينا عنده حياته الخاصه واسراره و مينفعش يبقي مكشوف تماما للناس ولازم تقدري انها مبتحبش تحكي تفاصيل حياتها مش عشان خوف من الحسد لا يمكن ده طبعها و مبتحبش الكل يبقي عارف عنها كل حاجه

غضي بصرك ربنا امر الستات بردو بغض البصر و كل ما تشوفي واحد استغفري واذكري الله في سرك

بص طبيعي تقع في ذنب في رمضان حتي لو الشياطين متسلسله نفسك امارة بالسوء حتي الرسول عليه الصلاة والسلام قال اعوذ بك من شر نفسي و بما انك ما شاء الله محافظ علي صلاتك وصيامك شوف الوقت اللي بتضعف فيه امتي لما تكون لوحدك او مضغوط او حاجه مضيقاك لان معظم الوقت يا بيكون السبب بسبب الوحده او الضغط ، عايزة اقولك انك ان شاء الله مش من المغضوبين عليه لانك ندمان وربنا بيحب العبد اللي بيندم وبيتوب حتي لو رجع لنفس الذنب مليون مره و تاب ، ولو الفعل ده كان في نهار رمضان يبقي اليك قضاء اليوم ده بس لكن لو بعد المغرب فصيامك صحيح وباقي الشهر مضعش ولا حاجه