بصراحة أولاً حابب أشكر جداً الناس اللي بتساعد هنا في التطبيق كلامكم فعلاً قيم وله تأثير إيجابي شكراً لكل الناس الكويسة كنت حابب آخد رأيكم في حاجة البيت اللي عايش فيه الحمد لله فيه حاجات كويسة لكن فيه نقطة صعبة شوية وهي إن البيت مليان بالخوف والقلق من وقوع الأسوأ وكمان النقد هنا صعب أنا فعلاً حساس شوية وده بيزود الموضوع عليا غير إن أسلوبهم صعب وكمان في حتة قلب التربيزة والغدر في حالة العصبية الشديدة والغدر هنا أقصده إننا بنبقى متوقعين جريمة من شخص معين بقيت من زمان جداً مش بشارك أي حاجة فيها نقطة ضعف عندي لا معاهم ولا مع غيرهم وبقيت حذر زيادة ومعظم الوقت مش بقضي وقتي معاهم فحس الأمان بقى قليل ومش فاكر غير مواقف قليلة حسيت فيها بالأمان ومكنتش معاهم الفكرة إني عايز أكون إنسان طبيعي وأشوف الناس بصورة طبيعية مش إن الدنيا غابة وإن الناس أول ما يشوفوا ضعفك هيستغلوه أنا مش عايز أكون ساذج وأدي الأمان أو الثقة لأي حد ولا عايز أعيش في خوف وقلق من كل الناس ومش عارف الضربة جاية منين أو مين اللي هيغدر بيا وكمان أحياناً لما بشوف كده بقول فعلاً الحل إني أكون قوي جسدياً علشان أحمي نفسي وبلاقي نفسي وأنا بتمرن في البيت لو فيه حد منهم موجود بجيب أخري في التمرين تقريباً علشان أبين إني قوي وإن محدش عقله يشاور إنه يفكر يأذيني أنا حابب أسمع رأيكم بصراحة إزاي أقدر أتعامل مع الحالة دي إزاي أفتح جزء صغير من قلبي لحد أقدر أثق فيه من غير ما أتعرض للأذى وإزاي أقدر أعيش طبيعي من غير خوف دائم لو عندكم تجارب أو نصائح عملية أو خطوات بسيطة نجحت معاكم ياريت تشاركوها هنا شكراً مقدماً لأي حد هيساعد
تم النشر الجمعة، ١٢ يونيو ٢٠٢٦
وعليكم السلام ورحمه الله وبركاته اظن من المفيد جدا ليكي إن شاء الله العلاج باستخدام السيكو دراما أو Emdr تقدري انفاسي الفكرة في بدء العلاج بيهم مع دكتورتك وهوا يقولك إذا كان مناسب ليكي ولا لاء انا كنت استعرضت لمواقف ذل ومواقف معينة كنت عاجز فيها أثناء الطفولة لكن الحمدلله EMDR والسيكودراما فرقوا معايا جدا بعد ما كنت مجرد ذكر أسماء أشخاص معينه كنت يكون في حالة غضب شديد وقد يصل للعنف الحمدلله دلوقتي بقيت احسن بكتير وتأثير ذكري الظلم ده بقا ضعيفة جدا الي شبه منعدمه ده معني EMDR والسيكودراما السيكو دراما هي أسلوب علاجي يستخدم التمثيل والتفاعل الجماعي لمساعدة الشخص على التعبير عن مشاعره وفهم تجاربه الماضية بطريقة جديدة، مما يساهم في تحرير المشاعر المكبوتة وتحسين الوعي الذاتي EMDR هو علاج نفسي يعتمد على تحفيز حركة العين أو التنبيه الثنائي أثناء استرجاع الذكريات المؤلمة، بهدف إعادة معالجة الصدمة وتقليل تأثيرها النفسي والعاطفي.
تم النشر الأحد، ١٤ يونيو ٢٠٢٦
لعرض الملف الشخصي في فدني اضغط هنا