《Malak》 .

اللهم بارك ربنا يوفقك ويعينك بما ان الدروس عندك من ١٠ ل ٢ ف ده وقت حلو وعلى فكره تقدر تكمل وتوصل وتحقق هدف ومجهود رائع جدا بإذن الله ممكن تصحى ع الساعه ٣ الفجر وتبدتي تذاكر بس مذاكره بجد ابعد الموبايل خالص استعين بالله قرب من ربنا اكتر ذاكر الحاجات القديمه مع الجديده يعني مثلا النهارده اخدت درس نحو ذاكره مع القديم وهكذا كل المواد وبإذن الله هتنزل وتبقى من الاوائل كمان اه صح وبالنسبة للنوم الكتير ده شئ طبيعي جدا ف الشتا وعادي كلنا كده ممكن زي م قولت فوق انك تصحى الفجر وتنام بعد صلاة العشا وربنا يكرمنا ويوفقنا ويعينا جميعا✨️

سمعت حد كان بيقول لو عايز تكلم ربنا صلي ولو عايز ربنا يكلمك اقرأ القرآن طبعا فكرة ان اول ما يحاسب عليه المرء هي الصلاة وان الصلاه من الأركان واللي مش بيصلي ده كافر والكلام ده كله اظن حضرتك عارفه حضرتك منشغل ربنا يعينك ويوفقك طبعا الحياه تلاهي والكلام ده .. طبعا يكفي ان حضرتك بتحاول وبتجاهد نفسك ربنا يعينك ف خلي نيتك صادقة مع ربنا، وافتكر إن الصلاة راحة قبل ما تكون فرض. كل ما تحس إنك بتكسل أو منشغل، فكّر نفسك إن دي دقايق قليلة ممكن تغير يومك كله للأحسن. جرب تبدأ بالتركيز على صلاة واحدة في وقتها، وخليها عادة. واستعن بالدعاء، قول: "يا رب قويني على عبادتك"، وربنا هيساعدك. تذكر كمان الحديث: "أقرب ما يكون العبد من ربه وهو ساجد"، فما تضيعش الفرصة دي.

طبعا طبعا حضرتك تقدر تبدأ قدامك وقت وطويل كمان بس لما تيجي تبدأ تبدأ بجد وتحط ل هدف قدام حضؤتك وتحط ف دماغ حضرتك برضه انك هتوصله مهما حصل ايه والله والله فكرة ان اي حد يصحى الفجر أو قبل الفجر ب ساعتين بجد رائعه حضرتك استعين بالله بس كده وأبدأ من فجر النهارده وياريت لو حضرتك تبعد التليفون🙃 او اقفل النوتيفيكيشن عشان ميحصلش لحضرتك تشتت وبإذن الله هتنجز وتحقق حلم حضرتك

البرنامج ده الفكره بتاعته (على حد معرفتي بيه) ان أي حد محتاج مساعده ف حياته ف أي جانب او محتار ف أي سؤال ف أي جانب ف الحياه برضه المفروض في متخصصين بيردوا او أي عضو حاسس ان هو ممكن يفيد السائل ب إجابه بمعنى لو حد مثلا عنده سؤال ديني مش عارف الاجابه يقدر انه يطرحه هنا وبيتم الرد من ذكاء اصطناعي او متخصصين او أعضاء وهكذا أي جانب مش شرط ديني كمان لو حضرتك حاسس ان المعلومه مش هتوصل للناس كتابةً في اوبشن ان حضرتك تسجل ريكورد وتسأل فيه .. بس كده

الشكر لله

اهم حاجه لما يجي الوقت تلتزم وتصحى وتنجز اللي عليك

الشكر لله ربنا يوفقك

ربنا يفرح قلبك يارب❤️❤️❤️

لا ياحبيبتي هوني على نفسك مفيش اي حاجه ف الدنيا مستاهله انك تضايقي شدي حيلك عشان تفرحي اهلك وربنا يعينك ويوفقك ويكرمك يارب يا مجهوله 😂😂❤️❤️

الشكر لله ربنا يعينك ❤️

شايفه قد ايه آيات بتبشرك ❤️🥺

"وَبَشِّرِ الصَّابِرِينَ، الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ" "وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ" "إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ" "فَاصْبِرْ صَبْرًا جَمِيلًا"

قدامك لسه ٣ ايام راجعي ع قد م تقدري انقذي ما يمكن انقاذه وتوكلي على ربنا ومتخافيش ❤️

انتي اللهم بارك عارفه ان لايكلف الله نفسا إلا وسعها وبتقولي انك بتصلي وبتقولي قرآن من كلامك انك عديتي ب محن كتير اوي طيب تعرفي ان كده ربنا بيحبك ربنا لما بيحب حد بيبتليه انتي لازم يا حبيبتي تصبري على ابتلائك ده اصبري وافتكري ان في جنه عرضها السموات والأرض للصابرين ع البلاء

يا حبيبتي ربنا يخفف عنك ويكرمك ويفرح قلبك ويوفقك ف امتحاناتك ويوفقنا أجمعين

ف انتي أنوي انك مش هترجعي لكل ده تاني ابداا اه الموضوع صعب بس حاولي وجاهدي نفسك جهاد النفس ده ثوابه عظيم قربي من ربنا احفظي قرآن قربي من أهلك اكتر ركزي ف مذاكرتك انشغلي بحرفة او مهارة جديده اقرأي كتب اعرفي اكتر عن الدين وربنا يصلح حالك وحالنا أجمعين يارب❤️

صلِّ على النبي خلينا متفقين ان انتي معترفه ان كل ده حرام اصلا طيب هو حرام بس انتي بتعمليه بتعمليه ليه بقى عشان اتعرفتي على حد جرك ليه واتعرفتي عليه بسبب ظنك الغلط ان والدك مش بيحبك اولا مفيش اب مش بيحب بنته حتى لو مظهرش ده ممكن يكون والدك مش بيعرف يعبر عن مشاعره كويس بس! ف الاول والاخر ده والدك انتي بتقولي ان مالكيش صحاب جربتي تتعرفي على حد اظن انك تانيه ا تالته ثانوي ف المفروض بتروحي مدرسه ومعرضه انك تشوفي ناس جديده لو جربتي انك تشوفي بنت تكون صاحبتك وتكون محترمه وصديقه صالحه اهم حاجه اه صعب انك تلاقي والموضوع هيطول بس هتلاقي انتي لو بحثتي ف عقاب ده هتلاقيه عظيم جداااا وذنوب للصبح بس! لو بحثتي برضه هتلاقي ان ربنا غفور رحيم

ولا في حاجه معينه حصلت ومن ساعتها انتِ بقيتي كده

صلِّي ع النبي بس كده واهدي ده كده من غير اي سبب انت حاسه ب كده

✨️ابدأ فما تأخر من بدأ ✨️ ✨️ان تأتي متأخرا خير من ان لا تاتي✨️

وعليكم السلام ورحمة الله وبركاته

شطوره اللهم بارك شدي حيلك بقى❤️

المقارنه غلط تمامااااااااا هتحسسك انك قليله وناقصه حاجه مش عارفه ايه هي هقولك على حاجه انتي صل ع النبي كده وزي م بقول اصحوا الفجر ي جماعه اصحوا الفجر والله كنزز انتي ف مرحله جديده ف اكيد هتتغير حاجات تاني معاكي شدي حيلك شدي حيلك حطي هدف قدام عينك حطي فرحة اهلك بيكي قدام عينك

انتي مش لوحدك ع فكره انا نفس الطالبه ونفس يوم الامتحانات صلِّ على النبي كده الموضوع بإذن الله بسيط اصحي الفجر واسمعي فيديو محمد صلاح مستر العربي فيديو تكريم الشامل اكتبي كده ف السيرش بجد هتلاقي في انشوده تحفه كلامها جميل استشعريها وابدأي وادعي ربنا وان شاء الله خير ❤️

اللهم بارك فكره تحفه ربنا يعينك 🤍

ربنا يوفقك ويعينك مهندس ديكور شغله تحفه اللهم بارك حط تعب اهلك قدام عينك وخليك عايز تشوف دموع فرحتهم بيك ف عينهم شد حيلك وخليك فاكر ان انت صانع المشهد فاصنع ماتشاء + وان دي رحله وطريقتها يهدي الاماني لمن مشى⭐️

ربنا يوفقك ومنتسيش قيام الليل وانك تدعي ربنا كتييررررررررررررررررررررررررر وادعيلي معاكي🤭🤍

ده شئ لازم وطبيعي جدا انها النفس الإمارة بالسوء واكيد طالما اي حد بيحاول يبقى افضل بيجاهد نفسه جهاد صعب جدا وده ثوابه عظيم جدااا

اللهم بارك بصي طالما انتي مش مراكمه الحمد لله يعني ف خلاص انتي متبقيلك ايام المراجعه بس واظن ١٠ ايام كافيين وواقفين جدا ليكي انك تراجعي حلو اوي كمان استعيني بالله واقعدي ع مكتبك ارمي التليفون ف اي حته اقفليه خالص او اعمليه اي حاجه متخليش اي نوتيفيكيشن انها توصلك ابدأي ب العربي لانه مليان او الدراسات خدي درس درس يعني مثلا اصحي الساعه 3 الفجر ابدأي عربي خديلك النحو كله اول م تصحي وقفي بعد كل درس خمس دقايق ولا حاجه وارجعي للدرس اللي بعد كده ممكن نقول انك وصلتي بعد م خلصتي النحو ك حد أقصى مثلا الساعه 1 الضهر النحو خلص بعد كل درس ابتدي حلي وشوفي اغلاطك وافهم انتي غلطتي ليه وبإذن الله مش هتغلطي صلي الضهر مثلا وخدي الدراسات ابدأي ب الجغرافيا خديلك درسين ولا حاجه ونامي بعد صلاة العشا اصحي نفس الوقت تاني يوم وخدي الرياضه بعد كده راجعي النظريات وافهم وجودي ذاكرتك ازاي بتحلي بعد كده حلي وهكذا كل يوم وربنا يعينك ويوفقك ي حبيبي❤️

ويشوف اللي هيصبر واللي هييأس وهيكفر ويكافئ اللي نجح ف الاختبار

ليه متقولش ان ربنا عايز يختبر عباده ؟

وارجعي لدروسك طبيعي اه ف الاول هيكون الحوار صعب لأنك اتعودت بس لما تجاهدي نفسك بإذن الله الموضوع هيكون احسن وربنا هيكرمك

هوني على نفسك وانوي نيه خالصه انك مش هتعملي كده تاني ولو في حد حواليكي اصحابك او حد قدامك بيعمل معاكي كده حاولي تبعدي عنه او حاولي انك تنصحيه برضه وكوني واثقه انك لو رجعتي عن الذنب ده وتوبتي توبه خالصه ومرجعتيش تاني ربنا بإذن الله هيوفقك وهيباركلك ويكرمك بمجموع حلو بإذن الله ❤️❤️