Emad A Rahman

تتعاملي معاه زي ما الآية الكريمة بتقول ﴿وَقَضى رَبُّكَ أَلّا تَعبُدوا إِلّا إِيّاهُ وَبِالوالِدَينِ إِحسانًا إِمّا يَبلُغَنَّ عِندَكَ الكِبَرَ أَحَدُهُما أَو كِلاهُما فَلا تَقُل لَهُما أُفٍّ وَلا تَنهَرهُما وَقُل لَهُما قَولًا كَريمًا﴾ [الإسراء: ٢٣].. اسمعي منها، و لو فيه ضرر هيقع عليكي نتيجة تنفيذ كلامها، قوليله عليه لو أصرت نفذي طالما الضرر خفيف او لا يذكر و مش اذي بدني ، الاب و الام بيبقي ليهم نظرة نابعة من خبرات سابقة، مش دايما بيكونوا صح مفيش انسان بيكون صح دايما.. خدي بالحنية ، قوليله كلمتين حلوين، كل مرة تيجي تزعق معاكي او تفرض رأيها قوليها حاضر علشان خاطرك بس و كلام من ده، حسسيها بحبك ليها، حتي لو هترفضي تنفيذ اي امر قالته ليكي يبقي بطرقة لينة طيبة، متزعليش نفسك يا ست الكل، تقولك اعملي غصب عنك قوليله و ماله اللي تأمري بيه، حسسيها انك مكبرتيش و انك لسه طفلتها، صدقيني مع الوقت هتتغير.. ربنا يوفقك و يهديكم لبعض و ليه.

فرضته دواعي الجهاد في سبيل الله وفتح العديد من البلدان ودخول العديد من الناس الي دين الاسلام

سامسونج علشان قطع الغيار متوفرة عن LG.. و أيضا سامسونج اغلي شوية و حاليا في مصر ع الفاضي.. افضل الترشيحات حاليا ال OPPo، و Xiaomi شاومي مش Redmi، Redmi مش حلو، بس الأوبو يفضل افضل خيار بعد سامسونج لأنها اي اوبو تبع شركة One Plus 1+ و أوبو الشركة الفرعية بتاعتها او ال Sub Brand..

Palace of Culture - Kafr el-Dawwar 0110 231 5667 https://maps.app.goo.gl/mDcLgyTchbvaV47H8 و ده رابط صفحتهم ع الفيس بوك

مفيش اي رادع للانسان عن الشر الا الله عز و جل، اللحظة اللي إيمانك فيها هيوصلك لمرحلة ان كل عمل بتعمله عارف ان ربنا شايفك فيه و منتظر تصرفك هيه نفس اللحظة اللي هتتقي الله فيها في نفسك و في اللي حواليك، ممكن تكون بتفكر كتير او عندك موهبة استغلها في الخير و اتحدي نفسك انك تفيد ناس اكتر من اللي سببت ليهم اذي او تعمل خير اكتر من الشر اللي عملته، الوسواس داخلي و ده مرض نفسي قبل ما يكون بسبب قرين او شيطان، لاحظ ان زي ما اي جرح بيسيب ندبة وراه.. اي شر بتعمله بيسيب ندبة في نفسيتك فبلاش

ترشيحات الموبايل من 5000 الي 6000 جنيه موبيزل افضل موبايلات فئة 6000 جنيه

أولا اعرف عدوك.. كويس علشان تعرف نقط ضعفه... الجاثوم لفظة عربية أصليها" الجثام "و " الجاثوم ": الكابوس ، يجثم على الإنسان ، .. ويقال للذي يقع على الإنسان وهو نائم " جاثوم " "بالانجليزي اسمه incubus و فيه لوحة مشهور او عمل فني بيجسد الفكرة مش الكيان.. بس دا علي مستوي الأساطير.. علي مستوي الحقيقية دا اسمه شلل النوم حالة كده بيكون فيها الجسم في حالة استرخاء لكن المخ بيبقي بيعاني من كابوس او شايف شيء شبه الشيطان او كيان مادي شرير عايز يؤذيه و للأسف مش قادر يتحرك و بيتفرج بس.. و هو حاسس برعب و فزع بس ماديا انت نايم و بتشوف كابوس و دقات قلبك بتتصاعد. احسن عمل عربي جسد الموضوع ده في فيلم كان فيلم الفيل الأزرق ( لقطة كريم عبد العزيز لما كان نايم و شاف الكلب فوق رأسه صحي مفزوع) .. طيب هل كل ده حقيقي.. مش الفيلم اقصد الجاثوم طبعا.. الإجابة لاء.. تعالي نعرف اكتر عن شلل النوم.. شلل النوم أو الجاثوم هو الحالة التي تحدث أثناء الاستيقاظ أو النوم، يكون الشخص واعيا ولكن غير قادر على التحرك أو الكلام. خلال النوبة، قد يصاب الفرد بالهلوسة (سماع، الشعور بـ، أو رؤية أشياء غير موجودة)، والذي غالبا ما يؤدي إلى الخوف.النوبات عموماً تستمر أقل من بضع دقائق. وقد تحدث كنوبة واحدة أو متكررة.. الحالة قد تحدث للأصحاء، أو الذين يعانون من النوم القهري، أو قد يتم تناقلها وراثياً في الأسر نتيجة تغييرات وراثية معينة. يمكن أن يكون سبب الحالة قلة النوم، التوتر النفسي، أو دورات النوم المضطربة. الآلية الأساسية يعتقد أنها تنطوي على خلل في نوم حركة العين السريعة. ويستند التشخيص على وصف المريض. تشمل الحالات الأخرى التي يمكن أن تظهر مشابهة لشلل النوم: نوبة الصرع الارتخائية وشلل نقص بوتاسيوم الدم الدوري. لم تتم دراسة خيارات العلاج في حالة شلل النوم في الأبحاث العلمية بتوسع.. من المستحسن طمأنة الأشخاص المصابين بالحالة أنها شائعة وليست خطيرة عموماً.الجهود الأخرى التي يمكن القيام بها تشمل.. النوم الصحي العلاج السلوكي المعرفي مضادات الاكتئاب. بين 8% و50% من البشر يعانون من شلل النوم في فترة ما من فترات حياتهم. حوالي 5% من البشر يصابون بنوبات بصورة مستمرة. ويصيب المرض الذكور والإناث بنفس المعدل. تم وصف شلل النوم كثيراً عبر التاريخ.ويعتقد أنه كان له دور في خلق قصص عن الاختطاف من قبل كائنات فضائية وغيرها من الأحداث الخارقة. [ الخلاصة] شلل النوم او مايعرف بالجاثوم سببه نفسي بحت برغم كل الهلاوس اللي ممكن تصاحبه و تخلي الشخص يتصور ان فيه كائن مادي شرير بيطارده او عايز يؤذيه و سببه مشكلة نفسية او ضغط نفسي كبير أو أن صاحبه بيعاني من الوسواس القهري، أو أنه عنده أزمة نفسية حصلت له مؤخرا. و ده بيترسب في عقه الباطن و بيؤدي للحالة دي.. و العلاج بيشمل كذا مرحلة 1- تنظيم مواعيد النوم. 2- ممارسة نشاط رياضي. 3- البعد عن التوتر وحل المشكلات التي تحدث لك. 4-لا مانع من قراءة القرآن او ذكر الله بالاذكار و التحصينات خصوصا لو الشخص مؤمن من داخله و ثقته كبيرة في الله. المراجع: رابط رابط رابط

لو بتتكلم بجد.. فعايزك تعرف ان الموهبة دي مش غريبة او انت اخترعتها، دي حقيقية فعلا و اسمها الذاكرة الفوتوغرافة ، أو الذكاء البصري و هو اقوي انواع الذاكرة، دلوقتي معاك مسمي موهبتك تقدر تدور براحتك عنها و تستكشفها اكتر، اما بالنسبة لمجال الكلية او الدراسة و كونه مرتبط بموهبتك فده علي ارض الواقع امر صعب لعدة عوامل اهمها اسلوب التعليم بصفة عامة في مصر، و كمية الحشو فيه، و حاجه تانية مؤسفة كتير لذلك بلاش تعتمد علي موهبتك في اختيار الكلية اختار الكلية اللي تناسب طموحك دا لو حالتك المادية متيسرة او اختار الكلية اللي تفيدك فيما بعد في حياتك العملية، مع تمنياتي لك بالتوفيق مقدما.

اللي بيحافظ علي الصلاة بتحنبه اي فواحش او معاصي ممكن يقع فيها، لو انت شخص عنيد خش في عناد من نفس من ناحية الذنب ده.. اللحظة اللي تفكر فيها في عمل المعصية دي ايا كانت افتكر حالك بعدها و نفسيتك بتبقي عاملة ازاي.. ارتقي بنفسك فكر نفسك دايما ان ربنا خلقك مُكرم فبلاش تهين نفسك قدام ربنا،

طالما هتدخل شريك يبقي اكتبوا عقد بينكم، و موضح فيه نسبة كل واحد من رأس المال و من الأرباح، علشان دايما دايما دايما الشركاء بيختلفوا، و بيحصل مشاكل وواحد فيهم بييجي علي حق التاني، (مفيش عقد بينكم ورقي مكتوب مفيش شراكة) و العقد يكون بشهود من طرفك و عند محامي يكون أفضل .. ثانيا: ياريت من الاول تحددوا الواجبات و المسؤوليات علشان ميحصلش تضارب في المصالح. او تقصير

اتخيلي نفسك في المستقبل بعد سنة من دلوقتي.. كل شيء عدي بحلوه و مره و خوفه الخ.. و انتي قاعدة في المستقبل هتلاقي نفسك بتراجع الفترة دي و بتقولي حاجه واحدة بس لو كنت وفرت الطاقة بتاعة الخوف و الرهبة دي و وثقت في ربنا ثم في قدراتي كان هيبقي افضل كتير.. دلوقتي بقي اعتبري نفسك رجعتي بالزمن و تقدري تغيري الماضي اللي هو حاضرك.. بطلي خوف، اجتهدي و اعملي اللي عليكي و خدي بكل سبب للنجاح و الفلاح و سيبي الباقي علي ربنا، و وجهي طاقة الخوف الي طاقة ثقة بالنفس.. علشان في المستقبل تبقي فخورة باللحظة دي و بنفسك.

الفكرة دي حسيتي بيها في موقف و حطيتها في دماغك و اعتنقتيها يعني آمنتي انها حقيقية، و بالتالي عقلك الاواعي قرر يحسب اي امر بناء علي ده ، غيري اسلوب فكرك.. اي انسان ربنا خالقه له قيمة و احترام و شخصية، و قدرات.. لو بتعامل مع الغير و حسيت بعدم تقدير من الاول من حقي انسحب، لو اتعامل بحسن نية او طيبة و اللي قدامي استغل ده يبقي العيب مش فيا، لو اتعامل مع انسان ناقص سواء نقص عقلي او نقص خُلقي.. و استغل قدراتي او اساء استغلالي فده مش غلطتي بالكامل و برضه الإنسان بيتعلم من غلطه، و بيتطور خُلقيا و عقليا، المخ عضلة زي اي عضلة بس عيبه ان ارض خصبة الأفكار اي فكرة بتتزرع فيه بواسطة صاحبه فبيصدقها فنصحية بلاش توهمي نفسك انك اقل من غيرك او كفء بس مش بالقدر الكافي.. لانه ده الغلط ذاته. ربنا يصلح لك الأحوال.

لو احبوك هيحبوا المادة.. و علشان يحبوك لازم تطلع الطاقة اللي جواهم و متكبتهمش ولا تحملهم فوق طاقتهم و تتحمل غباءهم و تصبر عليهم، لازم تتفنن في الشرح، و تخليهم يشاركوا و يستنتجوا بنفسهم الحلول و يتسابقوا علشان يجاوبوا، لما تلاقي حد فيهم مش فاهم حاجه أقف معاه و فكره بالقاعدة الرياضية او النظرية غششه حاجه بسيطة لحد اما يوصل للحل و يفتكر انه وصل لوحده دا هيديله ثقة في نفسه، اتفرج علي فيديوهات الأساتذة اللي بيطلعوا في الترند و راقب طريقتهم و اعمل زيهم مش عيب ، حتي لو هتحاكي طريقة الشرح اللي بتجذب ، بسط لهم الأمور.. لو صدموك بخيبة امل بلاش تغصب و تثور لاحظ انهم اصلا كارهين المادة و الواقع بلاش تديهم مبرر يكرهوك انت كمان، تذكر دايما ان الله لا يكلف نفسا إلا ما ءاتٰها يعني بلاش تشك في قدراتك كمدرس لكن غير بس طريقتك في الشرح او في التعامل معاهم ولا حظ انهي طريقة هتجيب نتيجة احسن، لو الطلبة شباب ولاد يعني خليك جنتل في لبسك بيلفت نظرهم قوي الموضوع ده و لو حبوك هتبقي قدوة ليهم و هتشوف دا في عيونهم و تصرفاتهم معاك.. هتلاقيه رجعوا أطفال في التصرفات. بسط المادة اديهم المفيد و قلل الحشو بتاع الوزارة.

اه طيب تمام.. نقدر نستبعد اي شيء تاني طالما متأكدة.. بتمني لك التوفيق و راحة البال.

في تفسيرات تانية للهلوسة السمعية بتكون علي محمل الجد شوية.. انصحك بقراية اية الكرسي برده قبل النوم

اللي يفيدك دكتور نفسي للأسف، اللي بتعملي ده اسمه في لغة الطب النفسي ( إيذاء النفس غير الانتحاري) و دا بيحصل بمختلف الأسباب منها اللي انتي ذكرتيها ، باختصار انتي حساسة و عانيتي معاهم بسبب اسلوب التربية القديم العقيم ده، و اضح ان حياتك في عزلة شوية او انتي انطوائية او مش بتفضفضي و مفيش جو صداقة بينك و بين أفراد الأسرة.. دا سبب لك انك لسه عايشة في الماضي، لازم تكبري و تسيبي اللي فات كله بالوحش و الحلو.. و تسامحي من قلبك مش علشانه لكن علشان ربنا، و خليكي احسن منهم و ان شاء الله لما يبقي عندك اطفال ربيهم بأسلوب التربية اللي كان نفسك تتعاملي بيها و جربي تشغلي نفسك بحاجات تسعدك، و ان شاء الله الحال يتغير.. خليكي فاكرة ان الانسان جسده أمانة و كل عضو بيسبح الله بطريقته فبلاش تؤذي نفسك.. اتمني لك صلاح الحال بأمر الله.

الشكر لله.. عموما اللباقة و سرعة البديهة و الردود السريعة بتيجي لما منطقك يكون سليم و يكون عندك معلومات صحيحة كافية، و بعض البشر من الأفضل تجاهلها تماما.

غير جو ممكن تسافر لحد من قرايبك، أو حتي انزل تتمشي ساعتين كل يوم في وسط البلد حتي لو هتشتري حاجه، كلم واحد صاحبك و حاولوا تخرجوا، اتعلم حاجه جديدة، شوف ايه مخوفك و عاملك ضيق تنفس و واجهه، لو ضيق التنفس سببه برد او مرضي عامة روح اكشف او عرف اهلك انك محتاج عناية طبية، أو بطل سجاير لو سببه التدخين، صلي بانتظام و اذكر ربنا بانتظام، فكر في حاجات بتحبها تفرحك، اعمل عزلة ربع او نص ساعة مع نفسك و اقعد اسرح في اي حاجه المهم تخرج من المود و توصل لمرحلة ارتياح جسدي نفسي، ربنا يفرح قلبك و يشرح صدرك. جرب تروح مكتبة تقرأ اي حاجه او شوف مواقع كتب و اتعلم حاجه جديدة او حتي نزل رواية و اقراها.. جرب تقرأ حاجه لأحمد خالد توفيق

لا يغير الله ما بقوم حتي يغيروا ما بأنفسهم.. طالما معندكش حاجه يبقي بلاش تخسر اللي عندك و اولهم صحتك، بطل سجاير حتي لو مش بتشتريها، دور علي شغل علي قدر امكانياتك الصحية، الصبر مفتاح الفرج بس مش الصبر بتاع تقعد في مكانك و تقول انا صابر لاء اتحرك و خلي عندك عزيمة و قرب من ربنا، مبدئيا كده لو مبتصليش صلي و بانتظام، قرب قوي من ربنا و هو في ايده يغير لك الحال كله لو انت من جواك آمنت بكده و طلبت منه انه يتولي امرك و بعدين تاخد بالاسباب و تصبر و تبذل مجهود، صدقني ربنا له تصاريف عجيبة في الأمور، حاول بس الاول تعتزل ما يؤزيك و حاول تتابع حالتك الصحية بصفة منتظمة حتي لو بكشف في المستشفي العام أو غيرها من الوحدات الصحية الخدمية، و ان شاء الله خير. ربنا ييسر لك الحال و يكرمك في الدنيا و الآخرة

أولا اعرف نفسك كويس و اعرف قدراتك بلاش تبرمج عقلك الباطن علي الفشل لأنك هتفشل.. ازاي تبرمجه علي الفشل اقولك.. انك تفضل تقول لنفسك كلام من نوعية ( انا بخاف مش هقدر أواجه، مش هقدر ارفع راسي، مش هقدر اقابل فلان، مش هنجح، مش هبقي زي فلان، فلان احسن مني،انا تعبان و مش هخف إلخ) دي برمجة سلبية.. برمج نفسك علي الإيجابيات و بالمصري.. قول لنفسك هعدي في اي شيء و اي حاجه و هقابل اي شخص و معايا ربنا مقويني / هنجح / هسترد عافيتي / ربنا هيشفنيي / هقوم علي رجليا من تاني / ربنا هيكرمني، اللي راح مني ماليش نصيب فيه و ربنا هيكرمني بحاجه احسن) ثانيا اسأل نفسك هل مخاوفك منطقية هل ليها مكان علي ارض الواقع ولا دي مجرد اوهام و وساوس داخلية، أو افكار غلط و انت صدقتها. ثالثا ضع في رأسك فكرة ان كل شيء بيتغير ولا دوام الا لله، يعني لا المشكلة هتفضل مشكلة ولا الايام الوحشة هتفضل مستمرة كل شيء و له وقت، و بعد كده خلاص بينتهي و برضه متفرحش قوي و تهمل لو الظروف أتحسنت و اعمل حساب نفس الجملة ان مصير الحال يتغير رابعا احسن الظن بالله.. ظن في الله كل شيء جميل انه كبير و قوي و متعال و انك عبده و انه بيحب عبده الطلائع و انه بيرزق و بيدي بدون حساب بدليل انه بيرزق الكافر و المسلم، اللي يستحق و اللي ميستحقش علشان هو عدل و مقسم الأرزاق بالعدل و ظن في ربنا ان دايما جنبك اللي يمشي في سكة الله بطريقة سليمة صحيحة ربنا يكون معاه في كل خطوة و يحميه من كل شيء حتي لو اتعرضت لخطر او مكروه اعرف انه برضه فيه خير ليك مفيش قوة شخصية من غير قلب مطمئن و مفيش قلب مطمئن بعيد عن ربنا

و تحويره لمعني الزني أعجب

راجع الردود علشان زودت حاجات

و شوف ده كمان https://youtu.be/5Iup6nZZmls

يا راجل مش تقولي أن الفيديو تيك توك، كنت وفرت عليا.. انا بحسبك هتجيب لي حد من فطاحل اهل العلم.. ههههه عموما انا شفته و لما بدأ يهلوس في التفسير نزلت تحت للكومينتات و لقيت اللي متوقعه، ناس بترده عن تفسير القرآن علي هواه.. للأسف الظاهرة دي منتشرة قوي شباب عايزة تشد الناس باي طريقة حتي لو هيفتي في الدين و يحلل و يحرم و يغير مسميات او يفسر آيات علي هواه، علشان مطولش عليك هقولك ردي.. اولا مش هديك سمكة تاكلك يوم واحد انا هديلك السنارة علشان وقت اما تحب تصطاد.. يعني ايه.. هعلمك ابسط قواعد الدين .. مصادر الدين 2 لا غير كتاب الله و سنة الرسول عليه الصلاة و السلام، و بعد كده اي حاجه تانية تقف معاك تروح لجمهور علماء المسلمين من المفسرين و المجتهدين اللي فسروا كتاب الله و سنة رسول الله و هما أربعة أصحاب المذاهب الأربعة الإسلامية .. الشافعية و المالكية، و الحنابلة، والمذهب الحنفي دول القدامي اما اللي في عهدنا فعندك الشعراوي مثلا حد مفيش خلاف عليه و ده تفسيره لنفس الآية شوف انت الفرق.. https://youtu.be/cM2weM-JBVA بعد كده اوعي تستقي دينك من برامج توك شو او تطبيقات سوشيال او من أشخاص مجهولين

في اي زواج انتهي بالانفصال الطرفين بيكون ليهم و عليهم يعني بالبلدي بيكونوا الاتنين غلطانين بس مفيش ملاك ولا شيطان، اتنين بشر إتقابلوا و حاولوا يأتلفوا بس اختياراتهم انهم يبذلوا مجهود اكبرر علشان استمرارية العلاقة و مدي صبرهم مكانش كافي، و انفصلوا لسبب او لآخر، الحياة كفيلة تنسي اي حد اي حاجه، و الأهم متكونش انت اللي غلطان، و متكونش ظلمتها، الستات احيانا بتبان قوية بس هما مش كده، هما أضعف من كده و لو اظهروا العكس،و لو بقت قوية بيبقي لفترة ما او لسبب، لازم تتفهم انك زي م انت تأثرت هيه كمان.. اعتقد لازم تستفيد من تجربتك و تحاول يا تخرج منها يا تصحح اللي فات. يا اما تنسي بطريقة تناسبك

متشغليش بالك علشان الشيطان له ألف سكة، خليكي عملية و في حالك و ردودك عادية و مقتضبة حتي لو كلمك، و كبري دماغك لحد اما يا يقول بطريقة مباشرة عايز ايه غير كده ولا كأنه موجود و دوري علي شيء يشغلك فعلا، و بالنسبة لقريبته كانت بتتمعن فيكي و غالبا بتدور علي الرتوش اللي عايزة تتغير زي سُمك الحواجب الخ دي كلام نسائي لا يعنيني في شيء و ان دلت الطريقة علي واحدة جريئة شوية بطريقة بجحة.. بس انا معرفش علاقتكم ببعض بس بحب الإنسان يبقي ذكي و ميضيعش وقته في حوارات مالهاش اي معني، ولا يتعلق بشيء زي السراب مالوش ملامح.. و انت مش نازل شغل علشان تعجبي او متعجبيش و لا انت سلعة علشان تقولي معجبتهوش.. صلي علي النبي كده و اذكري الله و سيبي امورك علي ربنا و قولي دايما اللهم دبر لي أمري فإني لا احسن التدبير. ولا حول ولا قوة الا بالله.

ممكن من غير ما تحرج نفسك مع أي حد تبعت هنا رابط الفيديو و انا و الأعضاء هنرد علي أسئلتك او اقدر احلل لك الفيديو من غير ما تسأل، عايز تتواصل مع حد من هنا تمام.. عايز تتواصل معايا أوكيه برضه دا الفيس بوك في البروفايل بتاعي هنا.. ملحوظة انا مش أزهري ولا شيخ ولا غيره لكني هحاول اجتهد علشان الاقي إجابة صحيحة لاسئلتك

بص يا بني اختك دي مش بنتك و انت مش ابوها و لو ابوها اللي هو والدك علي قيد الحياة فأنت مش الوصي عليها حط النقطة دي في مخك و اهضمها كويس قوي علشان تقدر تستقبل اللي جاي.. هتروح تشوف وقت مناسب تكون هيه فاضية فيه و هتطلب تكلمها فيه مع في موضوع مهم.. هتروح تفتح معاها الموضوع في تكتم و سرية، و تعرفها انك عارف و كان لازم تعرف أهلها ( الاب و الام) علشان ميحصلش مشاكل شوف هترد بايه ممكن تقولك لا أصلها حاجه مش جادة يعني حوار و خلص مثلا ساعتها يبقي خلاص، ممكن تقولك انا مرتبطة بإنسان ما و هو مش جاهز حاليا ساعتها تسألها طيب هو مين بحيث ابقي اسأل عنه و اشوف هو كويس ولا لاء، علي حسب ردها هترد انت من غير تسرع و فهمها ان الدافع بتاعك انك خايفة عليها.. ( مش دا الدافع بتاعك ولا انا غلطان ) ثانيا كل اللي فات ده من ناحية تدخلك في الموضوع يكون في حالة واحدة بس.. لو انت الأخ الكبير.. أما لو هيه الكبيرة.. تعمل لنفسك حدود و تعمل لها احترام.. حدودك تنتهي عند انك تسالها فيه ايه و لو مرتبطة هيتقدم ولا كلام و راح لحاله ولا لاء.. لو قالت لك مالكش دعوة يبقي في الحالة دي انت ملزم تعرفها انك خايف عليها مش اكتر و حابب تعرف اكتر عنه.. برضه لو قالت لك لاء او رفضت تتكلم يبقي حدودك هنا.. كل اللي هترد بيه عليها هيكون (لما تحبي تتكلمي في الموضوع ده في اي وقت ابقي عرفيني) و ينتهي الكلام لحد هنا.. لكن اللحظة اللي هتفكر فيها تعمل راجل شرقي علي اختك و تروح تعرف اهلك بدون علمها و موافقتها هيه نفسها اللحظة اللي هتنزل فيها من نظرها حتي لو ما قالتش.. و حاجه كمان.. واضح ان سنك صغير.. علشان ( مينفعش تقول حاجه زي انك تكره اختك) الأخوات أجزاء منك مينفعش اكرههم و النبي وصي علي النساء.. انا معاك ان من حقك تغير علي عرضك اكيد.. لكن اختك مش طفلة برضه ثانيا.. مش تحت وصايتك، ثالثا ميبقاش ربنا ساتر الموضوع و تروح انت تفضح الدنيا خليك ستر و غطا عليها، و في نفس الوقت حاول تشوف الحوار ايه يمكن يطلع كلام فارغ.

لو حالتك متيسرة في دكاترة تجميل، لو حالتك المادية عادية و مش قد دكاترة التجميل يبقي في حلول طبية تانية بالليزر، لو متقدرش علي تمن ده، فيه مستحضرات، لو قلقان علي منظرك قدام ربنا متقلقش الله عز و جل مبيفرقش معاه الخلقة و لكن الخلق و النية و سلامة القلب، لو قلقان علي منظرك قدام البشر.. اللي يشوف عيب غيره تهون عليه مصيبته، لو ولد استرجل يسطا الندبة مش بطاقة ولا دليل علي انك حد وحش تعايش و مع الوقت هتقدر تلاقي حل ان شاء الله او هتتجاهل الموضوع كله لو مش مستاهل و اللي يعاملك وحش علشان الندبة يبقي انسان سطحي تافه و بناقص منه/ لو بنت الجلد بيتغير من تقدم الإنسان كل فترة في السن و البنات عندها مليون طريقة تخفف بيها اي ندبة خصوصا في الوجه و النقاب برضه يعتبر حل و لو اني مش بحب الموضوع ده لازم نواجه مش نستخبي، و الثقة بالنفس بتيجي لما نكون اقوياء و نواجه و نعمل حدود للبشر و نتصرف معاهم لو عدوا حدودهم و نبقي واثقين ان أعمالنا و نوايانا مفيهاش حاجه حرام، و الأهم تكون علي حق و نتصرف من منطق صاحب الحق اللي عينه قوية بس مهذب و محترم في نفس الوقت. ممكن برده تستشير طبيب متخصص يوفر لك حل بديل. و اللي يبص لك بعين بص له بعشرة.. احنا في مصر مش في اليابان تبع japanese kawaii

مبدئيا كده الفاشل بس هو اللي بيهرب لما بيقع او يفشل مرة او يتحط تحت ضغط او الدنيا متجيش علي هواه، ثانيا المنتحر كافر ولا تجوز الصلاة عليه حتي، ثالثا من اكتر البشر المثيرة للغثيان الشخص الأناني اللي بيقرر يؤذي عيلته و كل اللي حواليه و ينتحر، رابعا في حاجه اسمها حسن الختام بندعوا ربنا يرزقنا بيه، حسن الختام يعني قضيت في الدنيا اللي هيه دار التعب و الكد و الشقي حياتي و رضيت ربنا علي قد ما قدرت و سبت أمري كله لله يمشي الأمور زي ما يحب و انا مؤمن ان ان شاء الله اللي جاي احسن.. من الأمور التي تندرج تحت بند السخرية المريرة الشخص اللي بينتحر و هو كل قصده انه ينتحر بشكل مزيف ( كده و كده) علشان يؤثر علي اللي حواليه او يهتموا بيه او يلبوا مطالبه بس للاسف بتوسع منه و بيموت بجد، سيدنا يوسف عليه السلام اخواته اتفقوا عليه و رموه في الجب اللي هو حفرة وسط الصحراء، و فيما بعد اتسجن،، و هو من رسل الله و حصل له كل ده.. و احنا اي كلام فارغ و لعب عيال نقول هننتحر او حتي لو مصيبة جامدة و حصلت بدل ما نقاوم و نقرف اللي سبب لنا الأذي لاء نختار سكة الضعف و نؤذي نفسنا اكتر ما الغريب آذانا.. منطق المنتحرين مش فاهمه و مش هاضمه.. دا لو عندهم منطق اصلا.. ياريت تصلي علي النبي كده و تبطل او تبطلي الهبل ده و تقاومي و اللي ضايقك تضايقيه او تحتسبي عند ربنا و تثقي ان ربنا هيجيب لك حقك أو هيحصل مشكلتك او هيحول الشر اللي انت شايف انه شر الي خير لو صبرت و فوضت امرك الي الله.

يبقي خدي بريك و حاولي تحلي مشاكلك او تواجهيها، و تتعلمي تبقي عندك إمكانية انك تفصلي الحزن او التشتت او اي مشاعر سلبية ممكن تأثر علي ادائك لأعمال تانية و مفيش شيء بيفضل علي حاله مخنا كان وحش و اي مشكلة بتاخد وقتها و تتحل.

اي حد بيبذل المجهود ده علشان يشكل اسمه بحروف symbols اكيد هيبقي مشتت 😂.. ركز معايا.. 3 حاجات مهمة ساعات نوم كويسة تتراوح من 6 الي 8 مش اقل ولا اكتر، رياضة و نشاط الصبح حتي لو هتنزل تجيب طلبات للبيت او تجري شوية او تعمل مجهود، و اكل وجبات غذائية صحية صباحا و جبة الفطار مهمة.. بعد التلات نقط دول هات ورقة و قلم و اكتب عايز تعمل ايه النهارده و خصص لكل مهمة وقت معين، ثانيا لو مش عايز تكتب يبقي تلقائيا ركز في مهمة واحدة بس في المرة و متنقلش الا لما تخلصها.. اسباب التشتت نفسها.. هيه عدم الحصول علي ساعات كافية للنوم، عدم تناول الإفطار، عدم تناول غذاء صحي، الإكثار من تناول السكريات، و اخيرا التشتت بسبب الأعراض الجانبية لبعض الأدوية. و الاكتئاب.

و علشان تتعلم انت او اي حد تدور علي الموبايل اللي عايز تشتريه بنفسك من غير مساعدة حد هقولك الطريقة.. اولا الموبايل اي موبايل بتدور عليه عبارة عن خمس حاجات اساسية بروسيسور و شاشة و كاميرا و رامات و ذاكرة داخلية دول الأساسيات حلو اما الشكل الخارجي عدم وجود نوتش او وجوده الضهر زجاج ولا بلاستك مقاوم للخدش ولا لاء الكاميرات بارزة ولا تحت الضهر الخلفي كل دي فرعيات.. البروسيسور ور كل اما بقي عالي تمن الجهاز يغلي الشاشة اللي فيها نوتش ارخص من اللي فيها دوت بس أو بدون نوتش و الشاشة الكاملة اللي مغطية الحواف اغلي منهم كلهم.. نوع الشاشة بيفرق لو Super amoled غير لو amoled بس عدد البكسلات في الشاشة كل اما زاد زود نسبة الوضوح و السطوح و جودة الصورة، الرامات كل اما تزيد يعلي السعر علشان هيفرق معاك في الأداء / و الجمينج / و سرعة تبادل البيانات بين البروسيسور و باقي الأجزاء.. الذاكرة الداخلية مهمة خصوصا في عصر اغلب التطبيقات فيه مساحتها كبيرة نسبيا. الخ اعرف أساسيات و دور عليها و لو هو عالي دقق كويس و اعرف ليه عالي و قارن و هتفهم مع الوقت واحدة واحدة

مشاركة مميزة و مريحة جدا.. و اعتذر عن أي لبس عندي بخصوص اي موقع اخر.. و شيء جميل اني اتعرفت علي توجه منصة فدني.. بالنسبة بخاصية الصوت شيء مميز و لفت نظري و ان شاء الله نستخدمه عما قريب. جزيل الشكر.

ملحوظة جديرة بالذكر لو انت شخص عايز تعيش تجربة مرعبة بس مش قوي عن نفس الموضوع بس بصورة خيالية و ليك في القراءة و بتحب الروايات ففيه عمل لدكتور احمد خالد توفيق اسمه أسطورة الجاثوم و هو من سلسلة ما وراء الطبيعة.. أسطورة آخر الليل أسطورة الجاثوم

لو الشغل مع اخوك مجزي و يستاهل يبقي تمام و لو بره فيه خير و أفضل ليك معتقدش هو يكرهلك الخير.. بس بص للأمر علي المدي الطويل يعني مثلا بعد خمس او عشر سنين من الشغل مع اخوك هتوصل لايه و من الشغل بعد نفس المدة في مجالك هتوصل لايه، لاحظ كمان المميزات ميزة ان شريك او صاحب العمل اخوك، هيبقي غير الغريب اللي ممكن تشتغل معاه او عنده.. و الاختيار اختيارك، رتب امورك و احسبها من كل الاتجاهات و متاخدش خطوة انت مش مستعد ليها الا لو متأكد انه خطوة مضمونة و أفضل ليك..

الشعور بالضغط شيء عادي و طبيعي و بيحصل للكل لمختلف الأسباب ناخد بريك و منربطش المواضيع ببعضها.. القلق الدراسي بيحصل بس لازم نحط له حد علشان ميجيش علي صحتنا، تاني شيء كله بيعدي، الحلو و الوحش فلازم منديش الأمر ازيد من حجمها علشان ميقلبش بوساوس و الخ، الأصدقاء لوخذلوني يبقي انا غلطت في اختياري ليهم، و دي غلطة و الشاطر يتعلم من غلطه و برضه لازم متعليش سقف توقعاتك في الآخريين لأنه في النهاية كل واحد بيختار مصلحته و الأصلح ليه، و اوقات كتير بيخذلونا، خليك ثقتك كبيرة في ربنا ثم في نفسك،

انه يبقي عندك هدف و تفكر في بكرة.. بص الجمعيات حل مؤقت لحد اما تقبض الفلوس ما هتصدق و هتروح تصرفها لكن لما يبقي عندك هدف انت هتضغط علي نفسك علشان تحوش و توصل ليه، الحاجه التانية لما تفكر في بكرة و ان الفلوس لو اتصرفت دلوقتي علي غير الهدف هتعتبر إهدار ليها و هتضطر تبدأ من الاول اعتقد انك هتفهم أهمية انك يببقي معاك فلوس و تحوشها.. لازم تتعلم تدوس علي نفسك بمزاجك قبل ما حد غريب يخليك تدوس علي نفسك غصب عنك.

هو داخل هنا يحل الواجب ولا ده النت..! سلامو عليكوووو.. بص يا عسل الأُس عامة بيبقي عدد مرات ضرب العدد في نفسه يعني 4xنفسها 5 مرات يبقي 1024.. جت ازاي.. يعني 4 في أربعة يساوي 16 في أربعة يساوي 64 في أربعة يساوي 256 في أربعة يساوي 1024 دا كان أربعة اس خمسة..ضعفه 2048 دي الإجابة فلو بتدور علي الضعف يبقي هتضرب في 2 تقريبا..

الوحيد في الأكوان كلها اللي مش محتاج واسطة بينك و بينه ربنا، و مش هتحتاج اجرائات و لا تعقيدات.. قوم اتوضي و صلي و حافظ علي صلاتك و اعمل بيها و اقري القرآن علي قد ما تقدر حتي لو مش فاهمه و اقرأ تفسيره و اعمل بيه علشان يبقي حجة ليك مش عليك، و الدنيا زينة و متاع و لهو و لعب و هم و مشقة و ربنا خالقها كده و هو عارف كده انت بقي كل اما تنسي و الدنيا تاخد و تنسيك و توصل لنفس النقطة تاني ارجع افتكر ده. و ارجعله تاني و تالت و عاشر و الف لحد في يوم ما يكرمك بأنه يسكن قلبك بذكره دايما في كل وقت و كل عمل.

ايام اليسر يعني في الأوقات الطبيعية الزبون بيدقق، لكن اليومين دول فيه أزمة استغلها لان الزبون بيدور علي الارخص، بس استغلها بما يرضي الله، ثانيا الاسم مش بيفرق كده كده المصري بيزهق و بيحب يغيير و يجرب، و الناس في الاخر بتختار اللي احسن مش اللي ماركة.. اهم شيء يبقي ليك علامة مميزة تلزق في عين و عقل الزبون و الأهم و انت بتعمل حسابك علي التكاليف تحسب نسبة الهالك يعني زي مثلا لو ماكينة عندك هتحتاج صيانة او بكرة أكياس ممكن جزء منها يبقي بايظ الخ و تعمل حسابك انك تمشي في ورق السجل و البطاقة الضريبيين علشان محدش مضايق منك يروح يبلغ عنك، و داري علي شمعتك و لو ربنا كرمك تطلع شيء لله بينك و بين نفسك، ربنا يوفقك يا رفيق

محدش بيدخل مشروع عمياني لازم تسأل كويس و تحسبها صح و تعمل بنود يعني كمثال بتحسب تكاليف الإنتاج و تشوف عندك طلبيات قد ايه و تحسب أجرة العمال و تكاليف المكان حتي لو بتاعك زي الكهرباء و الوجبات الخ و تطرح كل ده من المكسب المتوقع و تشوف العائد يستاهل ولا لاء

صعب الا لو هتشتغل تبع حد هو اصلا شغال اونلاين و محتاج معاه ناس و هو هيدير الحوار و يعلمهم يعملوا ايه او يطلب منهم مهام محددة، بس دور في اليوتيوب هتلاقي حاجه اكيد.

اعتقد ان الموضوع مربح بدليل ان فيه ناس شغالة فيه من سنين و لسه شغالين، اهم شيء بس يا ريت تراعي موضوع النضافة سواء في عملية للتعبئة و التغليف او من ناحية نضافة العمال نفسهم علشان حرام العامل يبقي واقف علي شوية السكر برجليه و بعدين ناس تانية تحط الكلام ده في معدتها و تتعب و تشيل ذنبهم في رقبتك، اذا عزمت فتوكل علي الله..

انا مواطن مصري عربي و عندي مشاكل مصرية عربية.. دا كان حديث مع النفس محدش يقلق، ايوه دا حقيقي احنا مجتمع مختل الموازين، و مش منطقي و الأخلاق والضمير و العيب و الحرام و اللي يصح و اللي ميصحش عبارة عن زراير بنشغلها وقت اما نحب و علي اللي نحبه و نطفيها وقت اما نحب و علي اللي نحبه، أزمة اخلاق. و مفيش شيء ممكن يتقال فيحل او يصلح المشكلة.. للأسف بس دا كله مش مبرر لاني انا كمان ابقي كده

كلم الشخص اللي بعتلك و قوله يروح للراجل اللي بعت من عنده الفلوس يصور الرسالة و يبعتهالك واتس، انه تم تحويل مبلغ كذا لرقم فودافون كاش كذا.. بعدها لما الرسالة تجيلك روح للأخ اللي معندوش ضمير و وريه الرسالة و قوله كلمة واحدة معاك لحد بالليل او الصبح و بعد كده هطلع علي القسم و اعملك محضر و معايا الرسالة.. و سيب له ورقة فيها رقم موبايلك و قوله لما تجهز فلوس رن عليا لو متصلتش يبقي انا عملت اللي عليا..

قصص و علاقات الحب دي مش موضوع محبب ليا و عندي أسبابي، بس اقدر اقولك الحب اللي بجد الحقيقي يعني بيبقي أوله معروف و آخره معروف و غالبا بيبقي فيه ارتباط نضيف شرعي من الاول و بيبقي في النور كده حاجه تفرح وقتها ده بيبقي حب حقيقي و بيبقي كل طرف بيحافظ علي مشاعر التاني و بيبقي مهتم بيه علشان الاهتمام مبينطلبش 😂 بس الخبر الكويس ان اللي انت فيه ده شكله غالبا مش حب.. اهتمي بنفسك و ده الأهم و كل واحد عذره معاه، و الراجل اي راجل بيبان علي حقيقته لما بيغضب و يتعصب او لما بينطلب منه يتقدم رسمي، في احيان نادرة الراجل بيتصنع التقل و عدم الاهتمام علشان الطرف التاني يهتم اكتر.. ربنا يهديني و يهدي الجميع.

😂 يا بوب الموضوع ده مش محتاج اونلاين، محتاج لا مؤاخذة الحاجه تشوف طلبك او انك و ده الأصلح تختار لنفسك بنفسك حد انت سامع عنه سمع خير أو حد نال اعجابك و حسيت انك قريب منه، ابدء بالبحث في دائرتك و معارفك و جيرانك و اللي حواليك و ربنا يتمم لك علي خير..

اشكركم.. و سعيد اني رجعت معاكم

حياة الإنسان عبارة عن شوية قرارات مهمة بتغير مصير الإنسان بالكامل للأحسن او للأسوء.. اقعد معاهم و ناقشهم في رغبتهم دي و شوف انهي الأصلح لك ولازم تحكم عقلك كويس قوي لان ده واحد من القرارات المصيرية، و لازم لازم لازم تاخده بنفسك بعد اما تحسبه كويس حلو و وحش بمعني تحسب لو الخطوة دي نجحت او فشلت مصيريك هيبقي ايه و تأثيره علي حياتك، برضه لازم يبقي عندك شخصية و القرار يبقي قراراتك لان دي حياتك انت مش حياة ابوك ولا امك مع كامل الاحترام.. بس عايزك و انت في الوسع كده تحسب كل الخيارات بتأني و تاخد وقت و بلاش تختار حاجه علشان هيه الاسهل، الناس بتتعب في شبابها علشان ترتاح لما تكبر و لما تاخد القرار تتحمل مسؤلية قرارك للآخر و متحملش حد النتايج، علشان اصلا القرار قرارك و انت بطل قصة حياتك بس لازم تسأل و تستشير الأكبر منك خصوصا لو انت لسه مسؤل منه، بتمني لك التوفيق.

بأننا نعتبر انه دي قصة و انتهت و نسامح و نحتسب ده عند الله و نقبل علي الحياة من اول و جديد و نشغل نفسنا بتجارب جديدة مثلا تتحدي نفسك في انك تعمل انجاز جديد أو تلاقي حاجه من مجال اهتماماتك تشغل وقتك و تاخد تفكيرك، والأهم اننا نبعد عن الشخص او الشيء مسبب الأذي.. " اعتزل ما يؤذيك "

ايوه طبعا.. دور علي هواية يا بوب او شيء ممتع او نافع شيء متتكسفش لو حد شافك بتعمله شيء تفخر انك بتعمله حتي لو لعب، شيء ميخليش الملائكة قاعدة تكتب سيئات و بس، و ممكن شيء نافع زي اي حاجه فيها خير للجميع ممكن تنزل تتطوع في جمعيات خيرية و ممكن تدور علي شغل اونلاين او توسع مجالات خبرتك و تتعلم لغات برمجة او حتي ممكن تعمل قناة علي اليوتيوب تفيد بيها نفسك و اللي حواليك في حاجه انت بتحبها طالما مش عيب ولا حرام ولا دياثة، تقدر تعمل مليون حاجه غير ده..

مبدئيا ده كتاب بصيغة PDF تقدر تقرأ علي الكمبيوتر او الموبايل اسمه قصة بدء الخلق وخلق آدم عليه السلام ( سجل دخول بالفيس او اعمل حساب و هتقدر تحمل عادي) و تحت هتلاقي رابط التحميل وسط دايرة و تحت اكتر هتلاقي كتب تانية تحديدا فيها طلبك و تقدر تستخدم خاصية البحث، تقدر برضه تدور علي الكتب دي في اي مكان بيبيع كتب.... تعديل مهم واجب علي كل مسلم انه يعرف عن دينه اكتر و يتعمق فيه بس لازم تاخد الشيء من مكانه الصحيح.. مصدر الدين كتاب الله و السنة اما تفسير القرآن و تفاسير السنة فأنه لجمهور العلماء ليهم باع فيه متاخدش الدين من برامج التليفزيون او من واحد صاحبك ع القهوة و لا من كتب مجهولة ولا من شيعة ولا من اتباع طرق صوفية https://www.noor-book.com/كتاب-قصه-بدء-الخلق-وخلق-ادم-عليه-السلام-pdf

للأسف معنديش اي خلفية بس اعتقد ان كافة الأوراق و الطلبات هتبقي معروفة لدي أي حد في مديرية التربية و التعليم الأقرب ليك،

دكتورة منة السيد حد محترم جدا و انا مطلع علي محتواها و هتلاقي حل عندها.. قناتها علي اليوتيوب و ده اللي بتدوري عليه.. https://youtu.be/zKtEdqz2dbQ

آراء أئمة المذاهب القائلين بالوجوب الحنفية قال في الدر المختار، ويحرم على الرجل قطع لحيته وصرح في النهاية بوجوب قطع ما زاد على القبضة، وأما الأخذ منها دون ذلك كما يفعله بعض الرجال فلم يبحه أحد، وأخذ كلها فعل يهود الهند ومجوس الأعاجم.اهـ. (يعني بمخنثة الرجال: المتشبهين من الرجال بالنساء، ومنه الحديث الصحيح عن النبي: أنه لعن المخنثين من الرجال والمترجلات من النساء). المالكية ليس هناك نص عن مالك ولا وأصحابه، لكن الذي قرره أكثر المتأخرين هو التحريم، وبعضهم قال بالكراهة. قال القاضي المالكي عياض في «إكمال المعلم بفوائد مسلم» (والنقل من غيره) عن أحكام اللحية: «يكره حلقها وقصُّها وتحذيفها. وأما الأخذ من طولها وعرضها فحسن. ذهب في شرح الرسالة لأبي الحسن وحاشيته للعلامة العدوي إلى حرمة حلق اللحية وكذا قصها إذا كان يحصل به مثلة، وأما إذا طالت قليلاً وكان القص لا يحصل به مثلة فهو خلاف الأولى أو مكروه. الشافعية. الأَْصَحُّ عِنْدَ الشَّافِعِيَّةِ: أَنَّ حَلْقَ اللِّحْيَةِ مَكْرُوهٌ قال النووي: “وَالْمُخْتَارُ تَرْكُ اللِّحْيَةِ عَلَى حَالِهَا وَأَلَّا يَتَعَرَّضَ لها بتقصير شئ أَصْلًا”وقال في شرح العباب «فائدة» قال الشيخان: يكره حلق اللحية وإعترضه ابن الرفعة بأن الشافعي نص في الأم على التحريم. وقال الأذرعي كما في حاشية الشرواني الصواب تحريم حلقها جملة لغير علة بها. أ هـ. ومثله في حاشية ابن قاسم العبادي على الكتاب المذكور. وقال المناوي: «(وأعفوا اللحى) وفروها فلا يجوز حلقها ولا نتفها ولا قص الكثير منها كذا في التنقيح». الحنابلة نص في تحريم حلق اللحية، فمنهم من صرح بأن المعتمد حرمة حلقها، ومنهم من صرح بالحرمة ولم يحك خلافا كصاحب الإنصاف، كما يعلم ذلك بالوقوف على شرح المنتهي وشرح منظومة الآداب

خالص... ركز/ركزي معايا.. ربنا عز و جل قال أدعوني استجب لكم، بس ربنا برضه بيحب الدعاء بشروط معينة و بيحب قوي اللي يزن و يكرر دعائه و يتضرع و يبكي من قلبه لو قدر كمان.. علشان هو بيحب الإخلاص و بيحب ان عبده يفتكر دايما انه محتاجه قوي و ان قادر علي الإجابة.. نيجي بقي للجزئية بتاعتك بدعيه و مش بيستجيب بيحصل بس مش بالطريقة دي، ربنا من حكمته و معرفته بالغيب احيانا بيأخر الاستجابة علشان عارف انك هتحتاج استجابة دعوتك اكتر من دلوقتي بس بعدين زي مثلا دعوة زي يارب وسع في رزقي او يارب تشفيني.. انت محتاج و عايز فلوس دلوقتي ايوه بس بعدين في يوم تاني هتبقي محتاج قوي و في موقف اسوء من ده ساعتها ربنا هيستجيب لك في التوقيت الأصلح ليك، مريض و بتتمني من ربنا الشفا ماشي و هو مستجبش ليه علشان هو عارف ان مرضك ده مش هيموتك و انت بتاخد بالاسباب اللي هو خلقها و هتخف منه لكن في وقت تاني هتمرض مرض شديد و بجد هتحتاج الإجابة في الوقت ده اكتر من الاولاني، ربنا مش بس مجيب لاء ربنا حكيم و عالم بالغيب، و قريب قوي منك جدا فوق ما تتخيل اوعي تبطل تدعي حتي لو افتكرت انه مش بيستجيب، هو بيستجيب بس انت مش بتاخد بالك و قبل ما بيبتليك بيكون رفيق بيك، " يقولُ اللهُ عزَّ وجلَّ : أنا عند ظنِّ عبدي بي فليظُنَّ بي ما شاء ." احسن الظن بالله.

لا خالص دا يعتبر تجنب مواجهات، ايوه هو هروب جزئي لكن مش ضَعف منك، لكن نابع من فهم بدأ يتكون عندك نتيجة لشوية تجارب مريت بيها مؤخرا او علي المدي الطويل، بس نصيحتي ليك بلاش في كل المواقف تبقي كده خصوصا لو الموقف اللي بيحصل يمسك بشكل مباشر او يخص حد مقرب ليك، النقطة الأهم.. الخبر الكويس كله بيهرب احيانا بس في مقولة بتقول قد تخدع بعض الناس بعض الوقت لكنك لن تسطيع خداع كل الناس طيلة الوقت، لذلك برضه مش هتقدري تهربي علطول.. بس لو اضطريت تواجه خليك عقلاني يعني حكم عقلك و الكلام يبقي طالع من العقل مش من القلب.. هو ده السر في انك تتعامل مع الناس و المواقف و الحياة بدون خساير.. و لو حصل هتقدر تواجه و تكمل.. لكن بلاش الكلام يطلع من القلب مع كل الناس.. لازم يكون متوافر عندك شوية سماحة و يسر في تعاملك حتي لو هيبقي من العقل و بس