Hana Abdelkareem

حاسه بيكي من ناحيه الصحاب لأنها حصلت معايا مع اعز صديقه ، بس الحياه مبتقفش علي اي مهما كان ، واللي مشي بالسلامه وهو الخسران طالما كنت كويسه مع الناس دى وهما اللي بعدو بإرادتهم هل هتجري وراهم وتتوسلي عشان يفضلو! طبعا لا ، اعرفي طالما مغلطيش في حاجه ودا كان قرارهم في لما يرجعو يتكلموا القرار هيكون بايدك انتى وساعتها المفروض ترفضين ترجعيهم لحياتك ، غير كده ربنا بيبعد عننا الناس الوحشه لاانه اعلم بالنوايا ، والمفروض متزعليش ، غير كده جدك اتوفي الله يرحمه ويجعل مثواه الجنه يارب حقك تزعلي وتعيطي وتعمل اللي نفسك فيه وتعبري عن زعلك بس متخلهاش نهاية الدنيا وتوقفي حياتك ، نظمى حياتك استغلي وقتك ادرسي اهتمي بدراستك انزلي الجيم أخرجي الوحدك تتعلمي ازاي تبسطي نفسك بنفسك من غير ماتستني حد يعمل دا ، حبي نفسك دلعيها متزعلهاش ، روحي واتفسحي عيشي سنك ومتخليش اي حاجه تأثر عليكي ، اعملي الحاجات اللي بتحبها ، اتعلمي متسبيش الزعل يتمكن منك ، واعملي حدود لكل حاجه ، واعرفي ايه هو الصح وايه الغلط ، دا وقت تتبسطي وتتعلمي فيه ، اللي يروح يروح مع الف سلامه المهم انتى ونفسيتك واللي يدخل حياتك مره ميدخلهاش تاني، والفرصه بتتاخد مره واحده ومدتيش لااي حد اي فرصه طالما مقدركيش ولا اقدر انك سمحتيله بدخوله حياتك ، هاتيلك نوته تكون للسنه اكتبي فيه كل اللي مدايقك ومزعلك واللي مفرحك واعملي جدول فيها للصلاه وقسميها وكل ماتصلي اعمل علامه صح هتحسي انك مبسوطه اوي قربي من ربنا هتلاقي الدنيا جميله بجد واحده واحده لما تعملي جدول الصلاه هتبقي مستنيه بفارغ الصبر الصلاه اللي بعدها علشان تملي العلامات الصح اللي في الورقه جربي وفكري

طالما مش متقبله يبقي ارفضي ، لاان عمرك ماهتتقبليه ، وعشان متأذهوش بعدين أو تجرحيه

لو عندك اخوات بنات ممكن تخرجي معاها ومع صحابها مثلا وتشوفي بتتعامل ازاي ، وتتكلم ازاي واحده واحده هتلاقي نفسك بتتفاعلي تدريجيا مع الموضوع من غير ماتفكري هتقولي ، أخرجي مع مامتك كده يعنى

متسكتيش عن الموضوع ، وعرفي مامتك عن اللي بيحصل ، ياسجليله أو صوري اللي بيحصل من غير ماهو. يعرف ولو مامتك قد الثقه وهتساعد عرفيها بالكلام دا ، ولو لا ، في شوفي حد تعتمدي عليه وقد الثقه في الموضوع دا وفعلا هيساعد ، لو ملقتيش روحي عالشرطه ، لو سكتي الموضوع هيكبر اوي ، وانتي الخسرانه والمتضرره الوحيده ، أو في لينكات لحمايه الطفل ابحثي عنها وكلميهم وهما اكيد هيساعدوكي

وصحيح طالما قال جملة ايه غصبك فهو في الأساس مش مقدر حبك ولا هو شايفك اصلا ، وكل اللي بتعمليه في ده كله في البحر ، لاان مفيش راجل بيقول الجمله دى لو مقدر ومحترم اللي معاه وبيحبها وبتحبه ، ولو اتجوزتي وضربك وعرفتي اهلك هيقولك استحملي وعيشي ، وطالما في اهانه في الضرب مش بعيد ولا صعب عليه ويكون انتى اللي اخترتي وساعتها الغلط كله عليكي لاانه ايه كان غصبك قبل الجواز فعلا ؟ وازاي تسمحي بالإهانة ومخدتيش موقف وبتصالحيه كمان ؟؟؟؟؟؟؟؟؟ ازاي قبلتي حاجه زى دى بجد ؟ اعرفي قيمة نفسك وان كرامتك واحترامك اغلي من اي حاجه سواء هو ولا عشره غيره

مينفعش انتى اللي تدي وأراضي طول وقت اصل عشان العلاقه تنجح العلاقه مبنيه علي طرفين والتقديم لنجاح العلاقه بيكون علي الطرفين ، وموضوع أنه يشتمك وتراضيه دى اهانه كبيره ليكي جدا وميتسكتش عليها نهائي ولا عشان اصلي بحبه ولا غيره انتي كده مش مقدره قيمه نفسك وده بيكون تقليل لكرامه ومن جهه هو مقصرش معاكي في دا اصلا واجبه اتجاهك في انك ميقصرش دا مش إنجاز أو خارق عن الطبيعه دا واجبه أنه ميقصرش ، والتنازلات الكتيره اللي كانت بتحصل زمان في دا عشان صغيره أما دلوقتي بما انك كبيره ف اكيد عارفه أن التنازلات والحاضر والنعم عالفاضي عشان ترضي الطرف التاني ملهاش اي لازمه غير انك بتخسري حقك في انك بتتنازلي وضحي بحقك وطلباتكم مقابل الطرف التاني ودا غلط ، والتضحيه للخرفات وانتي مش خروف العيد 😒، حددي اي هي طلباتك أولوياتك وحدودك في العلاقه وعرفيه بيها ، والطبيعي منه هيستغرب ويقولك اصلك اتغيرتي ومعرفش ايه ، عرفيه انك كنتي صغيره ومتعرفش الموضوع كان بيمشي ازاي في العلاقه وايه هي حقوقك وطلباتك وايه المفروض تقبلي بيه ومتقلبيش بيه واظن هو لو واعي كفاية هيعرف دا من غير ما يقول حاجه علي كلامك ويتفهم ، أما لو عارض فهو مش قابل فكره أنه يبقي ليكي راي وانه عايزك دائما اللي بيقدم في العلاقه ، تقبل دا اهلا وسهلا متقبلش تقدري تفسخي الخطوبه حتي لو قعدتي ٦؛ ٧ سنين ، لسه علي البر وكرامتك واحترامك في العلاقه اهم بكتير من الحب + الحب مش هيفضل بعد الجواز اللي هيفضل التقدير والاحترام والموده لا اكتر ولا غيره ، فكري وحطي حدودك في العلاقه واوعك تقبلي بالقليل لاانك لو قلتي مره هيبقي ملكيش لا شخصيه ولا وجود ، والعلاقه أساسها الشراكه مش مين يعلي علي التاني هتدخلؤ في مناهده ووجع قلب اللهم بلغت اللهم فاشهد وفي الاول والاخر قرارك واختيارك وبردو فكري من كل الجوانب

بيحصل بسبب انك مفتقده الشعور دا ومحتاجه اهتمام من حد ، أو عايزه تحسي انك متشافه ومحبوبه أو حد مهتم بيكي ، الحل في انك تهتمى بنفسك اكتر وتديها اللي هي محتجاه ،بمعني متقصريش في حق نفسك وتهتمى من ناحيه تقدير لنفسك ، وانبساطها ، وتهتمى بمظهرك زى مثلا نفسك في حاجه تجبيها بصي اي حاجه لتقدير نفسك اعمليها عشان ميحصلش انجذاب من برا ، وان لو حد قدماك اهتمام تعجبي بيه أو تحبيه + اقراي عن الموضوع دا كتير هيساعدك بردو ، وهتعرفي الحل اكتر من كده

يكون اخصائي مش طبيب ، حاولي وجربي طالما عايزه حل ، ودوري علي حد ثقه ومعروف

اعتقد دا اضطرابات في الشخصيه ومحتاجه مساعده من اخصائي نفسي + الجانب الروحاني بردو مهم لهدوء نفس ، في شوفي اخصائي كويس يساعدك

متخافيش ، إن شاءالله خير بس كلميهم واطلبي منهم زى ما قالك أن الموضوع يكون سر عشان اهلك وكده ووضحلهم الموضوع قبل ماتديهم بياناتك لو طلبو مثلا بيانات أو أي حاجه تخصك وكل حاجه هتتحل إن شاءالله

اللي عملتيه غلط كبير جدا وباين ووضح جدا أنه كداب ، الراجل اللي بيحب بيجي من الباب افهمي دا لقدام ، ومهما عملتي خلاص خد اللى عايزه ومستحيل يكلمك ، المهم لو كان في عمليه بتعمل اعمليها اشتغلي وحوشلها ، وتوبي، واياكِ تعرفي حد بالموضوع دا حتى لو اتجوزتي بما أن ربنا سترك فمتروحيش تفضحي نفسك بنفسك ومتسمعيش كلام اللي يقولك عرفي جوزك عشان متكونيش بتخدعيه والكلام الفاضي دا ، طالما ربنا سترك فمتروحيش تفضي نفسك بايدك ، ولو سنك أقل من١٨ قدمى فيه بلاغ وعرفي خطيبته باللي حصل وعمله لو معاكي إثبات أو دليل

ده نرجسي وبيقلب الطربيزه عليكي بانك انتى المشكله وهو كده مبيعملش حاجه ، خصوصا أن مش محترم وجودك وشايف انك انتى السبب ، اظن مش مضطره تسحملي قرف زي دا لاانه تأثيره قدام عليكي انتى وحش جدا وخصوصا لو خلفتي ومتتوقعيش أنه يتغير أو تفكري انك انتى هتغيريه، خدي موقف كبير من الموضوع عشان يحس بحجم المشكله اللى هو فيها وأنه حاجه زى دى ميتسكتش عليها لقيتي نتيجه كان بها ملقتيش انقذي نفسك وفكك من المجتمع لو بتفكري فيه هو كمان

حاولي علي قد ماتقدري تفصلي نفسك خالص علي اللي انتى فيه ومكانك حاليا ،اتفرجي علي كذا حاجه فيها المكان اللي نفسك تعيشي فيه وتخيلي نفسك بعد خلصتي دخلتى طب انتى دلوقتي في المكان دا ، هتلاقي نفسك بقيتي احسن بكتير + الدراسه المواد المتراكمه هطلعي من الفهرس المواد وتكتبيها علي كل ورقه وعدد الفصول يعني مثلا العربي قراه الفصل الاول كذا والتاني كذا فاهمه وكل يوم تخلصي فصل من ماده والى كنتى مذاكراه قبل كده راجعي واعملي امتحان فيه ، وخلي كل ورقه مثلا العربي بالفصول بتاعته لورقه لوحدها الاحياء كده والزقبهم علي الحطيه والفصل اللي تخلصيه اعملي جمبه صح هتلاقي نفسك مبسوطه وانجزتى وعايزه تكملي ، اصحي الصبح من بدري ظبطي المكان اللي هتقدى فيه وقوللهم انك هتذاكري عشان محدش يفضل يناديكى ظبطي القاعده حطي باخور اتفرجى علي المكان اللي نفسك هتروحيه اعملي كبايه نسكافيه ، واقعدي في رواق وملكيش دعوه باللي حواليكى خالص ، أو ذاكري من الساعه ١٢بليل لحد ٦ الصبح دا الوقت جامد اوي لو بتحبي الليل ونفس الكلام ظبطي الدنيا ، وتعرفي انك انتى اللي باديكى هتخرجي نفسك من اللي انتى فيه ودا اظن اكبر حافز ليكي يخليكي تذاكري ،وتصري انك تكملي ومتحبطيش دا شعور عادي ، بس استغلي علي نفسك هتلاقيكي مبسوطه والشعور دا راح ومتستسلميش ليه ، ومتشغليش بالك باي حد نهائي وقت المذاكرة انتى ف عالم تاني غير الواقع اللي انتى فيه جربي وعرفيني

صحتك وراحتك اهم بكتير من اللي انتى فيه دا ، والخبرات والأماكن كتيره جدا ، وطالما اشتكتيى ومعملوش حاجه يبقي دى عالم مش عارفه تفرق بين الشغل وعلاقات القرابه فى الشغل وميستاهلش انك تقعدى تحرقي في دمك واعصابك عشان خاطرهم طالما اساسا مفيش حد مسؤول زى العالم والناس يوقفها عند حدها ، لكن اللي فيه دا شبه جلد الذات بالظبط وتعكير مزاج والنفسيه تتعب ودا كله ليه فكري فيها ؟ حاولي تدوري علي غيره وانتى فيه وبعدين قوليلهم باي باي ، يااما خلاص مش قادره تكملي ارتاحي في البيت وهتلاقي غيره واحسن كمان متضغطيش نفسك وتتعبيها علي حاجه ممكن تلاقي الاحسن منها مليون مره

المفروض بما انك خدتى القرار تكونى علي اقتناع ، ومش شرط اللي حواليكى يقتنع باللى انتى مقتنعه بيه ، المهم انتى مقتنعه بايه وشايفه نفسك ازاي مش مهم الباقي ، أما اللي حواليك ف انتى نصحتى ومسمعوش الكلام في دا قرارهم وهما حرين مع نفسهم ، المهم انتى بقي هل انتى مرتاحه بصحبتهم ولا معاهم عشان مش لاقيه صحبه صالحه ؟ ولو مستنيه من حد التشجيع عشان تاخدي اي خطوه في حياتك أو علي اي قرار ف انتي عمرك ماهتتحركى وهتحسي نفسك دايما مش عايزه تعملي حاجه اصل محدش مقتنع باللي أنا مقتنعه بيه ومحدش بيشجعني + الغلط موجود والصح موجود ، وكلنا بشر وبنغلط قبل اي موقف مع نفسك تراجعي نفسك أو بعد ماتروحي فكري في اليوم ايه اللي حصل معجبكيش ومش عايزاه يتكرر والمفروض كان ايه يبقي ردك فعلك وايه رد فعلك لو حصل تاني ؟ كل يوم اعملي كده هتحسي براحه عالاقل شويه ؛ لكن لو خايفه من الغلط دائما بتفكري في انى لا انا خايفه اغلط ، انتى هتغلطي دا كده كده بس خوفك من زياده عن اللزوم دا اللي هيخليكي تغلطى اكتر + اعملي حدود ايه اللي ينفعك وايه مينفعكيش بكل حاجه حطى حدود واضحه زى مثلا اول حد انتى حطتيه انك مبتكلميش ولاد دا حلو كملي ايه الحدود التانيه طريقة الكلام الصحبه ، وحطي مبادئ لنفسك ، انتى مش عارفه ايه حدودك ومش عارفه اي مبادئك أو مش واضحه عشان كده خايفه تغلطي وعشان كده شايفه انك مختلفه وعايزه الكل يقتنع باللي انتى فيه المهم انتى مقتنعه بايه فاهماني؟؟

متقدرش تغير تفكير كل واحد ، لكن تقدر تبحث عن الموضوع اكتر وتنصحهم مرتين وتلاته ، لكن لو مافي نتيجه ، تغاضي عن الموضوع ولا تتحمل مسؤولية أحد ، واذا قدرت غير مكانك ، وإذا ماقدرت افصل نفسك عنهم بمعني انك متتاثرش بكل حاجه بتحصل في البيت ايا كانت المشكله وكلتا الحالتين هما واعيين وناضجين وعندهم عقل وعارفين الصح والغلط وايه اللي مفروض يتعمل وايه لا