السلام عليكم ورحمة اللّٰه وبركاته.. هو أولا خليكي ومترجعيش ابدأ وجاهدي نفسك أكتر واشغلي وقتك أكتر دي تعتبر فترة انسحاب زي المدمن كدا بيقعد فترة طويلة في أعراض انسحاب ف هو نفس الكلام انتي ادمنتي الأفلام دي ف بالتالي هتاخد منك وقت انتي مدخلتيهاش في يوم وليلة وهتتخلصي منها في يوم وليلة بل البعد عنها أصعب من القرب منها .. ثانياً تفكيرك في أهلك وانتي بتتخيليهم اعتقد دي حاجة طبيعية وخصوصاً في وانتي كدا بس الفكرة إنك دايما تفتكري ربنا وتفتكري إنها مامتك أو اختك أو أيا يكن وخلي معاكي سبحة دايما سبّحي عليها وكل لما تيجي تفكري في كدا متسبيش دماغك إنها تبدأ أصلا لا ابدأي سبحي على طول وبالوقت هتلاقي المشكلة دي قلت لحد ما تختفي ثالثاً احنا نعفّ نفسنا وقلبنا بعد كدا ومنكلمش ولد نهائي مهما كان و أو لما حد يبعت اعملي بلوك متستنيش تعرفي هو مين أصلا عشان مينفعش تحطي النار جنب البنزين وتقولي مش هيولعوا رابعاً شوفي اى الشئ اللى أول ما بتعمليه بتفكري في الشهوة دي وتكوني تتفرجي على الأفلام وابعدي عنها نهائي خامساً لو تقدري تبعدي عن السوشيال ميديا الفترة دي وتقفلي كل حاجة اعمليها وابدأي يومك من الفجر عشان صدقيني صلاة الفجر هتساعدك جدا في الإقلاع عن الأفلام من غير ما تحسي وبعدها لو بتدرسي ذاكري اللى المفروض تذاكريه واحنا داخلين على امتحانات أصلا واتعلمي لغة مثلاً جديدة لو انتي ليكي شغف باللغات أو اتعلمي الطبخ أو كروشيه وخدي دروس دينية وارمي نفسك في أي حاجة واسمعي أحمد عامر وعلاء حامد وأي حد واسمعي عن حرمانيتها وبردو عن عذاب النار عشان في الفترة دي نفسك محتاجة اللى يجلدها ويذكرها بالعقاب على طول ومقابل دا هتسمعي عن الجنة وجمالها عشان متيأسيش بس لازم تربي نفسك على الخوف من ربناونامي بدري لأن الوقت المتأخر من أهم الأسباب اللى هتخليكي تفكري في الافكار دي واهلكي نفسك طول اليوم واعرفي إن فترة بعد رمضان بيحصل فيها انتكاسات كتيرة لناس كتير وشوشو بيعوّض الفترة اللى كان متسلسل فيها ف اعملي على نفسك أكتر واعرفي إن القابض على دينه كالقابض على جمر من نار وفي الآخر متنسيش إن دي مجاهدة نفس وهوى وإن شاء اللّٰه مأجورة عليها ولو وقعتي مرة وسمعتي قومي تاني وجاهدي نفسك تاني المهم إنك متيأسيش وبعد فترة الشيطان هيوهمك إنك اتعافيتي وهيسيبك فترة تتعبدي وتصلي وتعملي كل حاجة ربنا أمرنا بيها بس هييجي في مرة وهيضرب على الحديد وهو سخن وهيوقعك تاني وهتبدأي تاني ف متوصليش للنقطة دي وتفكري كدا وخليكي على نظامك حتى لما تتعافي وخدي خطوات في الدين مثلاً توسعي لبسك تلبسي خمار وحتى لو انتي لسه بتسمعي وربنا يهدي ياربّ ويرشدك للطريق الصح ويغفر لكِ ما تقدم من ذنبك وما تأخر💗
تم النشر الجمعة، ٥ أبريل ٢٠٢٤
لعرض الملف الشخصي في فدني اضغط هنا