Zain Ahmed

الناس تسامح على مقدار الوجع الكثير من الناس أو اغلبهم يسامحون بس خالتي الله يرحمه كانت عايشه مع أهل الزوج فزوجة حماهه كانت ماذيته لدرجة فخالتي وهي على فراش الموت طلبت زوجة حماهه انو تسامحه بس رفضت وماسامحت رغم الناس قالوا ليش المسامح كريم بس انا قلت الظاهر انو تاذت هواي لدرجة المسامحة مستحيلة. صحيح المسامح كريم بس مو كل شي يتسامح عليه وهذا الشي بأيد الإنسان ورب العالمين كذلك يعتبره بأيد الإنسان وهو أعلم شكد الإنسان تاذئ الناس شاطره فقط بالكلام وقليل من الناس تقدر تحس بمعاناة غيره

الحياة يوم تضحك بوجهك ويوم تنطيك كف الحياة رغم صعوبته وشكد الإنسان يتحمل ويعيش بس تبقى رب العالمين وجدهه لأجل الإنسان ينضج ويتعلم وأعتقد رغم قسوة الحياة بس اللي يهون عيشه هو وجود الناس بحياتنه مثل ما المثل يقول (من رأى مصيبة غيره هانت عليه مصيبه) اقتنعي بالحياة اللي كتبه رب العالمين لكِ رب العالمين أعلم بأنك قوية وتقدرين تتحملينه ورب العالمين يحب الإنسان اكثر من حب والديه اليه خلي ثقتج برب العالمين كبيرة مثل ماهو يثق بيج تقربي من الناس اللي تحبينهم ويحبونج وعيشي حياتج واللي يبقى ينظر إلى الخلف والماضي راح لو مهما عاش ايام حلوة بالحاضر راح يبقى عايش بالماضي بس هو غافل وهذا ظلم بحق نفسج امشي على مقولة (اللي فات مات) وارضى بقسمة رب العالمين الج من الحياة واقتنعتي وارضى والله يريح بالج🙏🏻🙏🏻🙏🏻

طبعا تقريبا كل إنسان يكون طيب وبس تصير مواقف توجع قلبه يبدأ يتعلم من أخطائه ويبدأ قلبه يقسى شوي مايبقى ينطي ثقته ولايصير يتأمل كثير بالناس بالنسبة الي انا كنت انسان كذلك مايتعلم من أخطائه وكل مرة أعيد الكرة لسنوات بقيت بس بعدين وصلت لمرحلة قلت أهم شي اني ونفسي وراحتي النفسية القلب دائما أعمى فيبقى دائما يسامح بس العقل يشوف ويرفض انو ينعاد هذا الشي فتعلمت بعد سنوات اسمع لعقلي واتجاهل قلبي والسر اللي خلاني اصير هيج هو الألم على قد ماتألم قلبي قلت مااريد بعد ألم كافي الألم قسى قلبي وان شاء الله تتعلمين من تجاربج واخطائج الإنسان تاتيه فترة يحس بأنه صحى وفتح عيونه وان شاء الله تحسين بهذا الإحساس عن قريب فكري انو أهم شي أنت وبس اهم شي راحتج النفسي والعقلي وكلشي

دائما افكر بالاصدقاء اللي يغارون على اصدقائهم بفترة الصداقة نقول ماشي بس اول وتالي مصير الصديقة تزوج وهنا شلون؟؟ اول وتالي راح تجي مفترق طرق بالحياة بس انتي ضلي صديقة وياه أوقفي وياهه بالمواقف السلبية والإيجابية وان شاء الله صداقتكم تستمر اذا انتي ردتي تصيرين انتي مفضلة فخليج واثقة بنفسج وسوي اللي ممكن اي صديقة محبة تسويه لصديقته ومكانتج راح تبقى محفوظة محد ملك أحد بس تكدرين تتملكين قلب الصديق بوقت المواقف وتقديرج لكلشي يخصه

خلي ثقتك بنفسك عالية واذا كانت درجتج اقل من الباقين فهذا اللي قدرتي عليه وقولي الحمدلله والشكر الإنسان إذا أصابه الغرور راح تعمى عيناه بس اذا رضيتي بكلشي يجيج من رب العالمين واقتنعتي راح ترتاحين نفسيا اهم شي بالتأكيد راحتج النفسية وراحتج تجي من قناعتج بكلشي يصيرلج بحياتج سواء سلبي او إيجابي (القناعة كنز لايفني)

أكيد من وضعت الحدود ارتاحي. بس اذا تحتاجني أكيد اني موجودة بأي وقت تريد

هو اني لاازال احترمه واقدره والا صداقة وحب احترام ١٠ سنوات يروح؟؟؟ مستحيل الا اذا كانت صداقة مصلحة لااحترام ولاتقدير ولاشي بس رسمت حدود حتى لااذي نفسي لان متأكدة نفس المواقف اللي صارت قبل واذتني وبقت تتكرر راح تتكر بمرور الوقت بس ماراح اخليهن يصيرن لذلك رسمت حدود مااترك صديقتي بالعكس بالواجب وبوقت الحاجة شنو تحتاج عيوني الهه بس همين اريد راحتي

أكيد لا مو شي طبيعي. بس احنه عدنه فروق بالتفكير وهذا شي ياذيني وياذيه من استوعبت انو هي راح تبقى بهذا تفكيره واني كنت مستعدة اتغير علمود نوصل لحل وسط بسوء التفاهم لو كل مشكلة تصير حتى نجلس ونتناقش بس هي ماتريد هيج تكول هذا شي من الماضي وتريد تستمر اني ماافكر بهالطريقة اني تفكر صارت مشكلة لو سوء تفاهم لازم نجلس ونتكلم ونتناقش ونحاول ان مانكرر اللي صار مرة ثانية بس هي ماتريد تتناقش لان تحس ملكو شي مهم صار بس بالنسبة الي ماأحب يمشي الموضوع او سوء التفاهم بلا نقاش بعد مانتصالح لان شبه طوال سنوات صداقتنا شبه نفس المشاكل او سوء الفهم يتكرر لذلك وصلت لمرحلة قلت الهه لازم نتكلم ونتناقش بس هي كذلك رفضت هذا الشي وانا ماكنت مستعدة انو أكرر نفس الشي كل ونفس الوجع انا انسان يبقى يفكر باتفه الأشياء وهذا شي ياذيني بس هي تعرف ومع ذلك تكتفي انو تقول انسي الموضوع وماصار شي بس هذا الشي اكيد مو صحيح

انا مجرد مابدات اقتنع انو مافي مشكلة ان اعطيهم كل شي بس بالمقابل مالازم انتظر منهم شي بالمقابل راح اتقبل سواء بقى الشخص او يتركني التقبل والتغيير يبدأ من داخل الشخص وانا بدأت استوعب هذا الشي ببطئ بس المهم استوعب واتقبل حتى لايخيب ظني الإنسان إذا ماقدر الشي اللي يجيه بس رب العالمين يقدر كلشي وهذا هو المهم والحمدلله

الأصدقاء الجدد يرادلهم طاقة وانتي وحظج بينما اني مااصادق ناس مااعرفهم على أمل يكونون جيدين او لا ماعندي الثقة اصلا اني صادقت من المدرسة واستمريت وياهم وحتى بعد ماصادقت خارج إطار الدراسة والدوام ماكانت الصداقة المتينه من الطرف المقابل وبقت صداقة باردة وابتعاد شوي شوي. الحمدلله على كل حال

بالإضافة إلى ذلك احس أحرج صديقتي لمن احاسبه واتكلم لان هي ماتستحق انو ازعله ابدا انسان محترم هي ووفي فبديت اتعلم انو أسكت بس هذا الشي ببعض الأحيان يكون صعب واحس نفسي مختنقة لذلك بالفترة اللي حسيت انو مختنقة نشرت هذا السؤال وطلبت النصيحة

قبل كم سنة تكلمت واعتذرت مني وقالت انا مقصرة فقلتله ماراح أكرر كلامي مرة ثانية لان احس كأني استجدي الصداقة والتواصل بينما هذا الشي اذا انطلب بعد مايصير اله طعم هذا شي ينعطي بس كل ما تمر الحياة كل ماتنشغل اكثر واكثر انا احس اني بكل وقت يحتاجني الصديق اكون موجودة دائما بس وقت اني احتاج أخجل اجي لناس مشغولة واقول انا احس بالوحدة بس فعلا بديت احس بالوحدة مع كثرة انشغال الناس اعتقد او شبه متأكدة الخطأ إني اريد من الناس يعاملوني بمثل مااعاملهم بس هذا شي صعب ولازم اتقبل انو مثل هكذا شي لايوجد

حياتي ابدا مو فراغ اني اعمل خارج البيت واطرز واحوك احب اتعلم اشياء جديدة واتابع مسلسلات واقرا كتب بس الصديق اله مكانه مااكدر امليها اذا هو ماملاهه

الله يرزق الجميع بالإنسان اللي نرتاح وياه🙏🏻🙏🏻

الحياة علمتني بكلشي طرفين بس هناك طرف ينطي اكثر من الطرف الثاني وهنا اعتقد يبدي التفكير والمقارنة رغم خطأ هذا الشي بس الانسان يحتاج شخص مساوي له

اني معاناتي من سنوات كذلك بسبب الصداقة مو قلك ثقة وإنما اختلافات بالشخصية وكل شخص وتفكيره واني اصادق كله صداقات تدوم لسنوات نفس صديقات الاعدادية تخرجت وياهم الجامعة والخ تفكير زايد وسوء فهم وكثير امو ثانية 😔

حاولي اكثر من مرة تتكلمين وياه وتشرحيله واذا ماصار شي اتركيها فالصداقة ليست بالاجبار بس انتي حاولي وياهه على الاقل حتى لاتحسين بالندم بعدين انك تركتيها من دون ماحاولتي وان شاء الله يصير اللي كاتبه رب العالمين 🙏🏻

لو كان يعتبر صداقة ولو الصداقة اعتبره اذا ويه رجل خاطب او متزوج تحرق قلب الشريكة وتحس باهانه بينما المرأة تحب تخلي حدود مع أي رجل على العموم إذا كان كلام بغير الصداقة فهذا انسان اصلا مايحترم انو هو شخص مرتبط واحس كانوا فرصة من رب العالمين حتى تشوفين خطيبج بصورة ثانية وأكيد الخيار اول وتالي لكِ. ان شاء الله رب العالمين يهدي بالج ويريحج🙏🏻🙏🏻