الوقت بينسي اه وعلى حسب شخصيتك بردو بتحدد تقدري تنسي وترجعي تتعايشي تاني في قد ايه بس لازم تساعدي نفسك انك تتخطي، تبعدي عن أي حاجه ممكن تفكرك بيه أو تسترجع ذكريات معاه ، تقربي من ربنا اكتر وتعملي حاجه لنفسك حتى لو بسيطه بس حطي كل وقتك في نفسك ، والحاجات اللي بتحبيها، هتتوجعي شويه فترة وهيجيلك وقت هتحني ويوحشك ووقت هتبقي كويسه ومش شاغلك وهكذا وده طبيعي، بس هترجعي أحسن من الأول. المهم متسيبيش نفسك للزعل. وربنا يعوضك خير بإذن الله
تم النشر الثلاثاء، ٣٠ ديسمبر ٢٠٢٥
خلي عندك صبر وايمان بالله كلها اختبارات من ربنا مفيش حاجة بتفضل علي حالها ومتيأسش كلها دروس وتجارب عشان تكون اقوي وتبقي واعي اكتر ومتقعش ف نفس الغلط وتقرب من ربنا اكتر لو مقصر ف علاقتك بالله وافتكر ان لا يكلف الله نفسا إلا وسعها🤍
تم النشر السبت، ٤ يناير ٢٠٢٥
حاسة بيكي لإني دايما في مشاكل مع اهلي بردو مع اني اكبر واحدة في اخواتي بس بردو بعاني. مينفعش تقطعي معاهم لإن دا حرام ولازم صلة الرحم ، مهما حصل عامليهم بما يرضي الله . بس معاكي فرصة كويسة جداً انك بتشتغلي وكمان في محافظة تانية بعيد عن ضغط البيت ف استغليها كويس أوي ومتفكريش ف اللي فات، فكري ف نفسك وانجحي في شغلك، اخرجي و كوني صداقات . متشيليش نفسك فوق طاقتها وارمي اللي فات وراكي .
تم النشر الاثنين، ٤ نوفمبر ٢٠٢٤
اختاري صاحبة المواقف مش السنين اللي تقف جمبك وقت محنتك اللي تطبطب عليكي وتكون هيا اول حد يهون عليكي الايام الصعبة . اللي متخذلكيش وقت الخلاف وتكون متفهمة مش بتسئ الظن فيكي وتعاتبك وتوجهك للطريق الصح عشان بتخاف عليكي وعشان مش بتغير منك وبتفرح لفرحك ونجاحك ، ممكن تتعرفي علي حد من فترة بسيطة ويكون مخلص ليكي و احسن بكتير من بعض اصدقائك اللي معاكي من سنين .
تم النشر الاثنين، ٤ نوفمبر ٢٠٢٤
لعرض الملف الشخصي في فدني اضغط هنا