Abrar Amat Allah

بصى أنا حابة أنصحك إنك تتجاهل كل حاجة وكل الناس وتكبرى دماغك وتبقى باردة جدا لو حد قالك انتى غلطانة قولى : والله ، انت أدرى ايوا ايوا انت صح وحاولى متاخديش كل حاجة على أعصابك و قربى من ربنا واتآنسى بيه أنا بحس أن ربنا بيبتلينا بالوحدة دى عشان نقرب منه ويكون كل حديثنا معاه حاولى برضو تبقى ناجحة فى حياتك و اجتهدى و متشغليش بالك ابدا دا عمل اى أو سوى اى المهم انتى وبسسسس

انا عارفه انها اجابه غريبه حبتين بس بنصحك ان انت كل فتره والثانيه لما تحسي بايلاف النعمه ا حرمي نفسك منها والمده كبيره كمان بجد هتحمدي ربنا وتفضلى تتذكري دايما نعمه عليكى طول الوقت

اول حاجه ربنا معاكي تقدري تتحملي هذا الإبتلاء وتحمدي ربنا وتصبري ايوه انا مش متخصصه في حاجه من دي بس انا قدك في العمر تقريبا عايزاك تحاولي وتعافري ده ان ما كانش بالدكتور فكوني طبيبه نفسك حاولى مش من مره ولا من اتنين ولا من ثلاثه حولي عادي جدا وعدي وقولي ايوه دي هتبقى المره المليون ودي هتبقى المره مليارو مليار وواحد مليار واثنين عادي المهم تسعي وفي الاخر هتوصلي وتيقني ان كل حاجه بتعدي ممكن تعملي alarm كل خمس دقائق مثلا على حسب انت درجه اكلك للاشياء قد ايه

انا ما زلت سني صغير ومش اهل اوى للنصيحة بس حابه اوصلك كام حاجة اولا انت آه المفروض تلبلها احتياجاتها بس الاحتياجات فقط والمهمه كمان لان اي رفاهيه هتؤدي لكارثة لان ربنا قال في كتابه الكريم وكلوا واشربه ولا تسرفوا بنصحك تبقي دايما حازمه في امور الفلوس فبابا دايما بيقول المال السايب بيتعلم السرقه وهي لما تشوف حاجه نفسها فيها عند حد تقولي لها مثلا الحاجه دي انت المفروض تطلبي مني ولما تطلبي هنحدد كل شهر نجيب حاجه وخليها تقرب من اخواتها جامد حاولي على قد ما تقدري تحضنيها دايما و تحسيسيها بالامان وتسمعى ليها حتى لو بتقول كلام مش بيهمك وتحاولي دايما تقربيها من ربنا وتخلي ما بينها وما بين ربنا علاقه قويه وطيدة هتخاف منه ومن عقابه وان حد السرقه ده المفروض قطع اليد وتحببيها فيه وتعرفيها رحمته الواسعه وانه هيغفر لها ذنبها اللي مضى بس المفروض تتوب وتعزم على انها مش هترجع ابدا للمعصيه دي لان غضب ربنا ما حدش قده وكمان لازم تحسسيها بقد ايه انت بتتعبوا عشان توفرولها الفلوس دي وان برده الناس بره بتتعب عشان تجيب لعيالها اللي نفسهم فيه فهي مش المفروض ابدا تاخد تعب حد بدون حتى ما تستاذن وعاوديها تصلي تشكي لربنا وتدعي له وانت برده احكي لها قصص للصالحين والانبياء والسلف الصالح والصحابيات والصحابه وقد ايه هم كانوا كويسين وبيخافوا ربنا وبالنسبه لموضوع المذاكره فانت عليك بس ان انت تحاولي تحببيها في المذاكره دي وتعرفيها ان هي بتسعى وتذاكر عشان سبب معين وهو يبقى ليها شان في المجتمع والناس تحترمها ويقدروها وتقدر هي بنفسها تجيب اللي هي عايزاه لما تكبر وتنجح وتجيب فلوسها بنفسها من غير ما تتذل لحد او تطلب من حد مش من اهلها يعني واظن والله اعلم انها تستجيب مع المحاوله وأخيراً انت لازم بعد كل ده تحسسيها ان انت واثقه فيها وانها مهما عملت انت بتحبيها بس انت بتتمني انها تكون احسن واجمل وارق انسانه في الدنيا

بصى انتى مش لازم مع كل مشكلة تقولى انتحار لأنه غير إنه حرام فانتى تستاهلى تعيشى وتقدمى لحياتك بالنسبة للمشاكل ف والله دى الدنيا ومش عايزه احكي عن نفسي في ان عمري من مشكله غير وتابعتها مشكله أكبر منها وأكبر من أن واحده فى عمرى تستحملها وعمر يوم ما عدى حلو كلو خالص بس الحمد لله دايما كنت متيقنة إن إحنا فى الدنيا دى عشان نبتلى و الدنيا هى اى غير إختبار ونتيجته يا جنة يا نار (ولقد خلقنا الإنسان فى كبد ) دايما افتكري الناس اللي اهاليهم ماتوا وهم صغيرين والناس اللي مبتورين واللي مرضى وحياتهم إزاى جحيم وألا هنا في غزه اللي بيستشهد أهاليهم ومش لاقيين لا أكل ولا شرب ولا مأوى وحياتهم مهددة دائما احمدى ربنا دائما على نعمه من صحة ومسكن وأمن وأكل وشرب وغيره واستغلى النعم دى عشان تنجحى وأهلك مش دايمنلك انتى اللى عليكى اتجاههم انك تطيعوهم فى الأمور اللى تخصهم بس لو عايزينك تعمل حاجة أو كدا غير كدا لو حاجة تخص دراستك زواجك ف ينصحوكى بس وانتى اللى تقررى والوجع اللي جواكي ده والله حاسه بيه انت عارفه حد يروح امتى لما تقرب من ربك وتحقق إنجازات وتشغلى نفسك بعظائم الأمور زى حفظ القرآن الكريم وتعلم العلم الشرعي ودراستك وكروسات ولغات ومهارات مش لازم تنجحي من اول مره في ايه يعني لما تنجحي من المره المليون وواحد عادى جدا لو حابه تكلمين في اى وقت أنا موجودة وهدعمك ونمشى الطريق نحو تغيير حياتنا للأفضل

بجد على حد علمي ملهاش علاقه بالجيل ولكن احتياجات الطفل عموما تتمثل في كونك دايما جنبه انت انت وباباهم وبتمنى بجد اخواتها يبقوا جنبها دي حاجات بقى جميله جدا وهتساعدها نفسيا وكل حاجه حاولي تعملي لحظات سعيده مع بعض وتكون دي السعاده الحقيقيه بجد من غير كلفه بقى و مش لازم نكون فى حته معينة عشان نسعد المهم نكون مع بعض

عايزاك تتيقن وتؤمن إيمان تام إن ربنا لا يضيع تعب حد وحابه اقول أنهم هيقعوا متخافش فى شر أعمالهم دا كفاية كونهم مبيخافوش ربنا وبيجهروا بالمعصية و ابقى افتكر كلامى يوم النتيجة وهتلاقى كل الغشاشين يا إما جايين درجات شبهم يا إما لو حد شاطر فى الغش ممكن يدخل عادى كلية حلوة وهتلاقيه يسقط وهياخدها فى ١١ سنة وألا حاجة ، لازم تعرف إن كلو هياخد نصيبه وهيدخل اللى مكتوبله وعمر ربنا ما هيوفق حد غشاش فى حياته اعمل انت اللى عليك ومتشغلش بالك بحد نهائى نصيبك هتاخده متقلقش وطول ما انت مبتغشش هتدخل المجال اللى هتنجح وتتميز فيه وأن شاء الله تكون بتحبه كمان