بصي لو في ذنب معين بتعمليه حتى لو بالنسبالك صغير وقفيه لأن بجد اي ذنب حتى لو بالنسبالنا صغير بجد بيأثر على نفسيتنا جامد و حاولي تصلحي علاقتك بربنا و تقربي منه و ادعي بكل اللي نفسك فيه و اللي مخليكي مخنوقه و خلي بالك أن الشيطان دايما عايزك تكوني مخنوقه و تعيسه علشان الإنسان بيكون في أضعف حالاته و هو زعلان فيقدر يخليه يعمل اي حاجه غلط بكل سهولة . ربنا يهديلك قلبك و يصلح حالك ❤️
تم النشر الأربعاء، ٢٨ يناير ٢٠٢٦
اولا الجواز رزق زيه زي الفلوس فمتقسيش على نفسك في حاجه هي اصلا مش بإيدك ادعي كتير ان ربنا يرزقك بالشخص المناسب اللي يعوضك مش يمكن ربنا اخرك شويه علشان تاخدي احسن حاجه ؟! ابدأي اهتمي بنفسك علشان نفسك مش علشان تعجبي حد لما تخسي و تبصي لنفسك هتحسي انك بفضل الله قويه و قدرتي تعملي حاجه كبيرة. ربنا يرزقك كل حاجه جميلة ❤️
تم النشر الأربعاء، ٢٨ يناير ٢٠٢٦
اول حاجه لازم تقول لنفسك أن ده طبيعي و أنك مش لوحدك اللي عندك المشكله ده (انك تحس انك مش لوحدك اللي عندك مشكلة معينه ده بيخليك نفسيًا متطمن) طيب تاني حاجه ابدأ اعمل جدول و نظم انيا مش هقولك جدول محدد علشان كل واحد بيذاكر بطريقته اللي تنفع معاه تالت حاجه متخفش و توكل علي ربنا و ربنا مش هيضيعك طول ما شايفك بتحاوب رابع حاجه اعمل مكافأة لنفسك يعني قول مثلا لما اخلص الحاجه ده هخرج خروجه كان نفسي فيها المكافأة بجد مهمه اوي اوي خامس حاجه و اهم حاجه قرب من ربنا جامد اوي مش بس علشان المذاكرة بس علشان هو أقرب حد ليك و بيحبك اكتر ما انت بتحب نفسك و قرب من باباك و مامتك و قولهم يدعولك . ربنا يوفقك كده كده بفضل الله ربنا هيجبر بخاطرك و مش هيسيبك ابدا و هيرزقك بالكلية الخير ليك ❤️
تم النشر الأربعاء، ٢٨ يناير ٢٠٢٦
لعرض الملف الشخصي في فدني اضغط هنا