Ahmed

ممكن تعملى وجبات واكلات وتبيعى اون لاين ممكن حضرتك تدرسي اى شئ بتركيز وتتمكنى منه زى لغات او مواد دراسيه وتدى حصص و كورسات ممكن تشتري بضاعه بأسعار جمله زى شنط طرح ميك اب وتبيعيها اون لاين وربنا يوفقك ويكرمك ويساعدك واكيد ربنا هيكرمك عشان عاوزه تقفي جنب جوزك تمنياتى بالتوفيق

غالبا بيكون في اختلاف فى وجهات النظر بين الاباء والامهات تجاه الابناء لكن تأكدى ان الحب والعطاء الوحيد في حياتك اللى بدون مقابل هو حب والدتك ليك وبعد كده اى حب او عطاء فهو بمقابل فحاولى تكسبيها وتقربي وجهات النظر وربنا يبارك لك فيها

ركزى على اللغات وخصوصا الانجلش وكل مازادت اللغات كل مازادت فرص عملك وتعلم الصينى اصبح مهم جدا ف وقتنا الحالي وايضا كورسات البرمجه وتعلم التنميه البشريه ايضا مهم جداا ودايما بنقول تعلم شئ عن كل شئ افضل تعلم كل شئ فى شئ واحد وربنا يوفقك

لا مفيش حاجه في الدنيا تخليكى تاخدى منوم معلش استحملي لكن بلاش منوم عيشى طبيعى والله ما مستاهله في مشكلات كتييير ضخمه و صعبه بس الواحد بيتخطاها

ركزى فى دراستك اهم حاجه حاليا وهو لو متمسك بيكى هينتظر ويتقدملك وربنا يكرمك