من حوالي 7 شهور توفي أحد أقاربي اسمه أدهم في حادث قطار ومن وقتها بدأت ألاحظ تغيرات في حالتي النفسية يوم ما عرفت بالخبر اتصدمت ومكنتش مستوعبة وفضلت أتأكد من هويته وبعدها عرفت إنه كان بيبيع عسلية ووقع أثناء عبوره من قطار للتاني وتوفي وبعد فترة عرفت تفاصيل أصعب عن إصاباته وظروف وفاته في البداية مكنتش بعيط وكنت بكمل يومي عادي وفضلت حاسة إن مش من حقي أحزن عليه بسبب درجة القرابة وبعدها دخلت في فترة فقدت فيها الشغف والطاقة وكنت بهرب للمذاكرة حاليًا بقيت بتوتر جدًا بمجرد ما أسمع صوت القطر أو أشوفه وده بيحصل بشكل يومي لأن بيتي قريب جدًا من السكة الحديد وبسمع صوته طول اليوم وبشوفه كذا مرة حصلت مواقف خوفت فيها جدًا من عبور السكة الحديد رغم إن القطر كان واقف وكنت عارفة إنه مش هيتحرك وفي مرة عديت بسرعة وعيني دمعت من الخوف وفي مرة تانية فضلت أقول لنفسي إني مش عايزة أموت بنفس الطريقة ولما ركبت القطر مع والدي حسيت برهبة شديدة وفضلت أفكر في أدهم أحيانًا لما ببص على السكة الحديد بييجي في بالي إن دم أدهم ممكن يكون لسه موجود هناك ودي صورة ذهنية في خيالي مش حاجة بشوفها فعلًا من كام يوم كنت بتكلم مع صاحبتي عن القطط وافتكرت قطة شفتها ميتة فده فكرني بأدهم والحادثة وبعدها دخلت في تخيلات قوية عن مشهد القطار والحادثة استمرت حوالي عشر دقايق ومكنتش قادرة أوقفها رغم إني كنت عارفة إنها مجرد تخيلات كمان بقيت بتجنب الكلام عن الحوادث والقطارات وفيه أغنية مرتبطة عندي بفترة الوفاة ولما بسمعها برجع أحس بنفس الحزن وفقدان الشغف اللي كنت حاساه وقتها وممكن الحالة تستمر لأيام عايزة أعرف هل الأعراض دي ممكن تكون مرتبطة باضطراب ما بعد الصدمة أو الحزن المرتبط بالصدمة وهل محتاجة تقييم أو علاج نفسي معين
تم النشر الخميس، ١٩ نوفمبر ٢٠٢٦
حاول/ي ان تخلي كل يوم ولو ساعة حتى تذاكري فيها حتى لو مش قادرة حتى لو ملكيش نفس اقل حاجه بحيث الواحد ميتعبش او يحس بارهاق وفي نفس الوقت ميسبش نفسه وكمان يتعلم الاستمراريه كمان اريطي روتين معين بالمذاكرة مثلا هعمل قهوة وهقعد في المكان المعين خلاص مدام عملت كده يبقى هذاكر وجربي تذاكري ٥٠ دقيقه مثلا و١٠ استراحه وهكذا وربنا يوفقكم دايما يارب
تم النشر الخميس، ١٩ نوفمبر ٢٠٢٦
لعرض الملف الشخصي في فدني اضغط هنا