شَا𓂆م عَبْدُالرَّحْمَن

طول ما انت مش مبسوط باللي بيحصل ده ومضايق من طريقتك يبقى أنت لازم تتغير ومش محتاج نصايح علشان لو نصحت من هنا لبكره مش هتستفاد لو أنت مثلاً عجبك حالك انما أنت مش راضي يبقا إن شاء الله هتتغير وبعدين بص على كل واحد من قرايبك وصحابك وحبايبك واعرف قيمتهم وقيمة أن دول ممكن يروحوا في أي لحظه دي لوحدها هتخليك متزعلهمش ولا تضايق عليهم وبعدين خليك من الأشخاص اللي ربنا ذكرهم في القرآن (والكاظمين الغيظ والعافين عن الناس) وبعدين بصراحه مفيش حاجه تستاهل أن احنا نتعصب او نحرق دمنا علي الفاضي المفروض ناخد كل حاجه ببساطه حتى لو الدنيا بتشقلب وبعدين لما تحس انك اتعصبت وأنت واقف اقعد، قاعد اقف، ثابت امشي احسن من ده كله استعذ بالله من الشيطان الرجيم وقوم اتوضأا بس اهم حاجه تبعد عن العصبية وربنا يريح بالك ويهديك يارب

الفتره الي انتي بتمري فيها دي أنا متاكده أن هيا صعبه قوي كمان لانك من جواكي تعبانه ونفسك ترتاحي أنا هقولك حاجه انتي عايزه تقوليها وتعبانه منها روحي وقوليها لشخص ده وعاتبيه بس كلوا باحترام وذوق شديد علشان لما حد بيكون غلطان في حد والشخص ده جه وكلموا بأسلوب محترم بيحرجوا واهم حاجه وانتي بتتكلمي طلعي كل الي جواكي ولو مش قادره تعملي كده او مش قادره تسامحيه قولي حسبي الله ونعم الوكيل وسعتها اقعدي واقسملك ب الله ربنا هيجبلك حققك لو مظلومه بس اهم حاجه مش تقعدي وتزودي الغيظ الي جواكي عشان ممكن يقلب في الآخر يا اختي بحاجه واحشه وحاولي تفرغي مشاعرك ولو عندك حد قريب منك وواثقه في احكيلوا وفرغي كل مشاعرك وكل الحجات السلبيه والأفكار الي تعباكي وأسأل الله أن يريح بالك

السلام عليكم أولا اعتقد أن كل إلي حضرتك فيه مر علي ناس كتير والمشكله أن بيبقا إحساس مش حلو خالص لما تكون عايز تعمل حاجه أو عايز تنجح ومش عارف وبرضوا مش عارف تعيش مجرد إنسان بائس في الحياه بس هل إحنا سألنا أنفسنا قبل كده ده بسبب اي ؟؟! أولا كده دي بتبقي وساوس من الشيطان وده عايز يحبطك ثانياً عقلك بيبقا مركب أن أنا مش قادر اعمل الحاجه دي فانت بتقول أنا بجد مش قادر ومش عارف واخره بس ده كلوا اصلا من عقل الباطن لإنسان ثالثاً وده الأهم أن ده اوقات بيكون بسبب كثره الذنوب الي إحنا بنعملها في حياتنا اليوميه يعني تعال مثلا نجرب نبطل ذنوب يوم كامل نصلي ونقرا الورد ومنشتمش ومننشرش اي حاجه وحشه زي اغاني او كده ومنزعقش لحد من الوالدين أو صوتنا يعلي عليهم ونستغفر ربنا وشوف بقا اليوم ده هيكون عامل إزاي حرفياً هتكون طول اليوم فرحان هتحس أن شغفك رجع تاني وانك حابب نفسك والدنيا نورت قدامك وبجد هتكون فرحان وفي الاخر برجوا من الله أن يوفقك وأن يزيل عنك كل هم وحزن

السلام عليكم الأول بصي ياحبيبتي كل اللي أنتي فيه ده عباره عن اختبار من ربنا سبحانه وتعالى عشان يشوف قوة صبرك وتحملك على المصايب وبعدين اللي ربنا بيختبره في شخص بيحبه يبقا كده نعرف أن ربنا سبحانه وتعالى بيحبنا وعشان كده بيحطنا في اختبارات صعبه وبعدين خليكي ديما فاكره أن الدنيا إحنا مش هنطول فيها فنعمل فيها حاجه حلوه وعمل صالح وندعي ربنا يتقبل وتدعي لباباكي ديما وتطلعي ديما صدقه على روحه وابذلي جهدك كله واتعبي علشان تجيبي مجموع حلو وعشان تكوني عارفه إن باباكي لو كان موجود كان هيبقي فخور بيكي وديما افتكري أنك هتشوفي والدك في الفردوس بإذن الله تعالى وربنا يوفقك يارب

بصي انتي هترجعيلوا لوبتحبيه تمام وبرضوا متكونيش ماسحه الاكونت سبيه معاكي وكلميه من الاكونت الفيك التاني وانتوا مخطوبين ازا كان معملش بلوك وافضالي ومتخشيش تكلميه من الاكونت الفيك كل إلي عليكي هتعملي ايه هينزل صوره تعملي عليها ليك واستوري وتنزالي كلام حلو في الصفحه بتاعتك وكده لحد مهوا يدخلك وتتكلموا وتقعدي علي كده حوالي شهر وتحببيه فيكي من الاكونت الفيك ولما يقولك بحبك بعدها بشويه تقوليلو انتا لازم تتجوزني انا مبكلمش حد فيقلك ماشي قبل مايجي ويفركش معاكي هتكوني أنتي سبقتيه وبعتيله كل شئ قسمه ونصيب وهوا هيتقبل عادي هيبقي مش عايزك انتي هيبقا عايز الاكونت الفيك تمام ولما يدخلك ويقولك أنا سيبت خطيبتي وعايز اجي اخطبك قوليلو لأ أنا كنت بهزر معاك أنا مش عايزه اتجوز اصلا وبعدها هوا هيحس أن هوا خسر فا هيجيلك ويقولك ليه ونرجع والكلام ده كلوا قوليلوا لأ واهم حاجه متعرفيهوش خالص انك الاكونت الفيك وبس كده وربنا يكتبلك الي في الخير والي احسن من ده كلوا بقا صلي استخاره

ممكن تتعلمي احكام القرآن كامله من علي اليوتيوب. وبرضوا ممكن تتعلمي ازاي تزرعي النباتات الي انتي عيزاها

بصي أنا أقترح عليكي تتعلمي لغة الاشاره لأن هيا هتخليكي عارفه تتعاملي مع الاشخاص ذوي احتياجات خاصه وهتحسي أن انتي متعلمه حاجه مش كله متعلمها ومش كله عارف يتعلمها وهتلاقي كورسات كتير علي اليوتيوب هتفيدك جدا

دولينجوو برنامج ارشحولك بصراحه حلو جدا

عادي تقدري تصومي وتصلي حتى لو الاعراض بتقول أن هيا هتنزل وإن شاء الله لو صمتي مثلا ونزلتلك يوم صيامك بيكون اجرك اكبر إن شاء الله