فاعلة خير

لا هذا ولا ذاك أنا اقف ف المنتصف فلا هذا المجتمع الذي بات غريبا يعجبني ولا افكاري واضحة بل في حالة تشتت اقف عاجزة عن فعل اي شيء ! إلى أين الطريق؟ إلى المجهول...

السهر ممكن يكون السبب السهر بيخليكي طول اليوم حاسة بتعب وكسل لو بتسهري بلاش حاولي تنامي بدري وتصحي بدري

توبي تاني وتالت وعاشر الله لا يمل من توبتك جاهدي نفسك وادعي ربنا يبعد عنك الطريق دا وافتكري قوله سبحانه: (والذين جاهدوا فينا لنهدينهم سبلنا وإن الله لمع المحسنين)

لما تجي تذاكري تبعدي الفون عنك او تفصلي النت منه ولو احتاجتي تسمعي محاضرة اسمعيها على أي فون غير بتاعك ولما تخلصي المذاكرة المطلوبة منك كافئي نفسك وامسكيه بقى+ونصيحة مني عايزة يومك يبقى منظم صلي صلاتك في وقتها هتلاقي كل حياتك منظمة وكمان ف حاجة غلط الاغلب بيعملها لما تصحي من النوم متمسكيش علطول التلفون لأن ده اللي بيبوظ اليوم وهيشدك ويضيع وقتك ابدأي يومك صح صلي افطري وابدأي ذاكري علطول

لو مذاكرتك اونلاين حملي المنصات بتاعت المدرسين على تلفون والدتك ذاكري على أي تلفون غير بتاعك لو بتروحي سناتر يبقى لما تذاكري تفصلي النت خالص والاستراحة بين المذاكرة اعملي أي حاجة غير انك تمسكي التلفون لأنه هيشدك وهيضيع وقتك الفون امسكيه براحتك آخر اليوم بعد ما تخلصي مذاكرة اللي كانت عليكي في اليوم

متعمليش أقصى ما عندك كل واحد عامليه بقيمته متزوديش اوي في الاهتمام و الود إليه لأنه هيغتر وهيشوف نفسه عليكي وهيتغير تعامله معاكِ دا أغلب الناس كده قلة قليلة اللي لما تقدم لها كل الاهتمام والحب ميغترش ويفضل معاكِ زي ما هو ومتثقيش في حد بسهولة كدا

الاونلاين مميزاته اكتر من عيوبه هو بس خلي حد من اهلك يتابع معاك وكن رقيب على نفسك انك متقومش غير لما تخلص المحاضرة اللي عليك

لماذا تحاولي ان تغيري من شخصيتك الانطوائية انا لا أراها صفة سيئة الانطوائي يكون حذر ف اختيار أصدقائه وهذا جيد الانطوائي يكون قليل الكلام مع الغرباء لكن مع عائلته وأصدقائه المقربين يكون اجتماعي فهو يرتاح لهم لا تحاولي ان تغيري من نفسك فمن يريدكِ سيتقبلكِ بطبيعتك وأخيرًا ثقي بنفسك و اهتمي بها لا تنتظري أحد أن يهتم بكِ

من رأيي بدل ما تدعي عليه ادعي ربنا يهديه واصبري لعله يتغير ولو متغيرش اقنعي والدتك بالطلاق وعرفيها قد أيه هترتاحوا نفسيا من غيره ومش مهم كلام الناس اهم حاجة راحتكم

هقلك عن تجربتي : سماع القرآن من قارئ صوته حلو بيفرق جدا والسورة بتتحفظ وبتثبت مع المتابعة مع المُحفظة والافضل لو تكوني مع مجموعة مش بتسمعي وتحفظي لوحدك وتتدبري الايات اللي بتقرأيها وطبعا مع كل حفظ جديد جيبي مراجعة من القديم وادعي ربنا يثبتك و يعينك وان يكون حفظك خالصا لوجهه الكريم

أكثري من قول لا حول ولا قوة إلا بالله العلي العظيم والدعاء الدعاء الدعاء ادعي الله يثبتك ويصبرك ويفرجها عنك دايما وما ضاقت عليك إلا ولها فرج قريب اصبري وتذكري جزاء الصابرين وتذكري الجنة وبإذن الله لا تأتي لكي هذه الافكار والله يفرجها عنك يارب وابتسمي الدنيا والله ما تستاهل زعل هي دار بلاء نصبر ولنا الجنة بإذن الله

الله يحميكم ويرحم شهدائكم 💔

الشكر لله

ربنا يوفقك ويعينك على طاعته

خدي معاكي مصلية اي جامع قريب صلي فيه اول لما تخلصي او قبل الدرس جاهدي وحاولي مضيعيش صلاتك ولو قدرتي تغيري مواعيد الدروس هيكون احسن برضو والدرس بيبقى فيه بريك تقدري تستأذني تنزلي تصلي محدش يقدر يقلك حاجة واعرفي ان محاولاتك على انك تحافظي على الصلاة في وقتها دي حاجة كبيرة عند ربنا والصلاة مقرونة بالفلاح ف ازاي هنفلح من غير الصلاة ربنا يهدينا ويغفرلنا

ربنا يوفقك❤

هي من الضغط اللي حاصل حواليها بقت مش مرتاحة تكلم مع حد كلامي كان عن انها ليها الحرية ومش مجبرة تكون صداقات هشة وهي مش مرتاحة لهم اما عن التواصل فالحياة هتجبرنا نتعامل مع البشر سواء ف العمل أو الدراسة وهنتعلم منها كيفية التعامل وفن التواصل وإن اخطات فأعتذر عن ذلك انا اقول وجهة نظري لا أكثر ولا أقل

يا ادمن فدني اريد نشر سؤال في التطبيق ويقول لي بأن اشارك بإجابة مفيدة على الاسئلة الموجودة شاركت بإجابة ف اكثر من سؤال وايضا لا يريد نشر سؤالي ماذا افعل🙂

كل مدرس بيحل الواجب وبيشرح كل سؤال بالتفصيل وانت بتصحح لو عندك اخطاء و الامتحان بيعملوا جوايز مادية لو قفلت الامتحان وفي الأول والآخر القرار لك سواء مرتاح للسنتر او الاونلاين

في أقارب تشعري انه من الصعب فهمهم والحوار معهم صعب حاولي ان تجدي شيء مشترك بينكم تتحدثون فيه لتتحسن علاقتك بهم أما عن الصداقات إذا أنتِ لا تريدي تكوين صداقات لا تفعلي واخبري اهلك أن هذا يريحك وأنكِ تفضلي الاكتفاء بنفسك وضحي لهم أن هذه طبيعتك وأنكِ لا تريدين ادخال الكثير من الناس في حياتك

ناقص الحل اهم من سماع الدرس كذا مرة وحاول متخليهاش تاخد منك اليوم كله الحصة ف جلسة واحدة خلص المحاضرة كأنك ف السنتر بظبط ولو محدش بيتابعك تابع نفسك وكن صادق معاها

العفو أختك زيك ف تالتة ربنا معانا🙂❤

في ناس كتير بدأوا ف الوقت دا وجابوا أعلى الدرجات تقدري تكوني زيهم واحسن منهم بس ثقي في نفسك وخلي عندك يقين أن ربنا هيعينك وابعدي عن الفون نهائي الفترة دي كثفي مذاكرتي واهتمي بصحتك ونومك وابعدي عن الصحاب اللي بيدوكي طاقة سلبية واهم حاجة طبعا الصلاة في وقتها لأنها هتنظملك حياتك ويومك ربنا يسعدك ويوفقك

ما يمكن ربنا مخبيلك شخص عمرك ما كنت تتخيل تلاقي زيه بس الصبر والدعاء والله يرزقك الصحبة الصالحة اللي تاخد بإيدك للجنة

الله يفرجها عليكي عاجلا وليس آجلا

ايه ذنب نفسك حتى تأذيها الضغوطات لازم تواجهيها وتشوفي لها حل اما الهرب و أذى النفس ما بيساعد وخلينا نفكر كدا لما تنتحري هل بترتاحي الجواب لا وانت عارفة كدا فالحل تقعدي مع نفسك وتكتبي كل مشاكلك وتحاولي تشوفي لها حل ومتمليش من الدعاء ادعي ربنا بس (بيقين) ربنا ييسرلك أمرك يارب❤

اقرأي قرآن او اسمعيه هتحسي انك في عالم تاني بعيد عن هم الدنيا وخلي عندك يقين تام انها ستفرج ويكفي أن الله يعلم بحالك وهو القادر على ان يبدل حزنك لفرح فاستبشري ولا تتركي الدعاء الله يسمعك وسيجيب دعوتك ادعي بيقين والله ستفرج بس الصبر