Sabreen Ayad

مفيش حاجة اسمها كدا إطلاقًا، كل الناس بتُخطئ ومش معنى إن البنت دي أخطأت يبقا نعلّق ليها المشنقة ونقول مابقتش تنفع، النبي ﷺ تزوّج السيدة خديچة وكانت أكبر منه وتزوجت قبله وفي بعض العلماء قالوا انها تزوجت قبل النبي أكتر من مرة، ومع ذلك كانت بالنسباله أحسن زوجاته، ف مينفعش تحكم على حد لإن دا مش من حقك إطلاقًا.

إنزل چيم واشغل وقتك بعادات مفيدة، المُزاحمة نِعمة، والفراغ هو اللي بيجبلك الافكار دي، وعمومًا أي حاجة بتبدأ بفكرة، والأفكار السلبية بتيجي بسبب الفراغ، إسمع بودكاستس في مواضيع مختلفة وإلعب رياضة كتير سواء في البيت او الجيم وانزل صلي في المسجد واتعرف على ناس صالحة.

الصيام جُنّة.

ممكن تشتري جيبة سودا وكل البلوزات اللي عندك تلبسيها على الجيبة وتلبسي عليها الخمار.

مش لازم تجيبي ملحفات ولا إدناءات، كفاية دريس واسع شوية او اتنين وطوّلي طرحتك، أو ممكن تجيبي متر ونص قماش وتخلي اي ترزي يتنيهيه من الأطراف وهيبقا عندك خمار، اسألي جوجل عن اقمشة الخمارات، وكل فترة هاتي حاجة، أنا اول مَ لبست خمار جبت اتنين وفضلت ألبس فيهم حوالي سنة، فاللي هو عادي يعني مش لازم تجيبي حاجات أوڤر ولا لبس شرعي، مشّي حالك ياصديقيي، وربنا يثبتك يارب ياحبيبتي. 💗🫂

الشَبّه أفضل مُزيل عرق ومع الوقت بتفتّح المنطقةدي، موجودة عند العطّار عادي، وممكن تخلطها بماية او زيت عطري وهتخلي ريحتك حلوة حتى لو ظهر عرق بسيط هيبقا ريحته حلوة بسبب الزيت.

إشغل وقتك وزاحِم يومك، دا هيخلّيك مش فاضي تفكّر فيه ولا هيبقا عندك وقت تهتمّ بوجوده.