leila fayed

لا عادي مش بيبان بس متدخليش علي الملف الشخصي عشان ممكن يكون مشترك وبيقدر يشوف مين دخل علي الملف الشخصي مش متأكده اوي بس تقريبا لا مش بيبان غير لو دخلتي مش راضي يبعت الاجابه فهكتب كتير عشان عاوزه اسأل سؤال😂 يا ليل بجد لسه بيقول الاجابه قصيره

زي ما قالت اكتب وتابع نفسك حتي اشتري من مكتبه الحاجات بتاعت to do list هتشجعك جدا واكتب عن مشاعرك في اخر كل يوم وعن افكارك ومتشاركش كل الناس افكارك ممكن لما انت بتحكي بتحس من جواك أن الحاجه حصلت ودا احساس مزيف فحاول متقولش هتعمل اي غير لو حد هيشجعك ويفكرك بهدفك وفي فكره ساعدتني اعمل مربعات في ورقه علي عدد الايام اللي انت عاوزها واليوم اللي تمشي فيه تجاه احلامك واهدافك بخطوات فعليه لونه بلون تحبه انا مثلا بلون برصاصي واليوم الاجازه بخليه اخضر يعني كسبت وكدا ولو عملت وحش بلون ب احمر .. الحاجات دي هتساعدك تعرف انت فين وكل يوم اسأل نفسك فين المشكله بالظبط وحلل ..وكمان نزل دولينجو وخليه يعد معاك الايام كل دي حاجات ممكن تشجعك تكمل ..انا لحد النهارده بحاول وبغلط وعندي ايام لونها احمر كتير بجد بس بحاول ..واهم حاجه بجد توكل على ربنا وخليه رقم واحد من ناحية الاذكار أو الصلاه او اي حاجه وبقيت الحاجات هتتحل واحده واحده وادعي انك تستقيم وطالما عندك اهداف وطموحات فكر نفسك بيها دايما ارسمها علقها اكتبها بس عشان تفضل فاكر

نفس الوضع بجد مش لوحدك بس لو فضلتي كدا حياتك الواقعيه هتتأثر جامد فحاولي تسيطري بجد وتاخدي الموضوع بجديه حاولي تحليه بأي طريقه لأن انا حياتي جت ففتره واتأثرت وباظت جدا بس انا دلوقت تالته ثانوي وقررت اظبط حياتي الوقعيه عشان توصلني للحياه اللي انا عاوزاها تفتكري دايما لو اتخليتي هتفرزي دوبامين اي بس كل دا كدب أما لو سعيتي انك تخليه حقيقه احلي بكتير

انا عاوزه ازور كل البلاد أو معظمها وافضل دايماً بسافر لإن عندي إيمان ان الأموات هما بس اللي المفروض يفضلوا في مكانهم ..وكمان عشان عاوزه اتعرف علي ثقافات مختلفه وعقلي يتفتح وأتعرف علي ناس كتيره ومختلفه ويبقي عندي تجارب ومعرفه كبيره ومهارات كتير وكمان هعيش مشاعر حلوه كتيره ولحظات مميزه في أماكن مختلفه

لا عادي بالعكس هتفهمي نفسك أكتر ..انا كنت في فتره بتكلم مع نفسي لدرجة اني كنت بضحك نفسي ودي كانت احلي فتره في حياتي لازم ارجع اتكلم معاها تاني حرفيا 🫠✨

لو انتي متضايقه انك بترغي كتير مع أن دا عادي حتي أنا كدا 😂 جربي تكتبي جيبي سكيتش حلو واكتبي فيه كل يوم بليل عن يومك ودماغك هتفضي بجد الكتابه حلوه اوي وبتشفي كمان وبتعرفي تحللي المواقف من خلالها

معنديش اجابه بس عاوزه اقولك أن مش لوحدك وانا برضه داخله تالته وفي مشاكل عندي في البيت برضه بسبب اللي المفروض ماما ..وبتعرض للعنف برضه من بابا بس الحمدلله هو هيسافر لما يخلص اجازته..وعاوزه اعالج كل حاجه قبل ٣ زيك برضه بس بصي محدش هيحل مشاكلنا دي غير ربنا واصرارنا ..بنصحك تقرأي كتب ولو مفيش مكتبه عندكم مثلا بس حاولي تدوري اكيد فيه المهم اسمعي ناصر العقيل هو بيقرأ كتب وبيلخصها حلو اوي ومشهور ..بنصحك بالكتب في البدايه زي العادات السبع للمراهقين هيفرق معاكي جدا بجد وقربي من ربنا بالقيام واقرأي سورة البقره يوميا بيقولو فيها معجزات وبتحل كل حاجه واعملي اللي عليكي في تالته من بداية السنه وخليكي واثقه في ربنا أنو مش هيضيعك وحسني جودة حياتك زي اصحي اعملي رياضه وضبطي أكلك نومك مش عشان تالته بس لا عشان حياتك انتي ..ولما تتعصبي خدي نفس وابعدي عنهم مترديش وجربي التدوين احسن بكتير وهتكوني طلعتي اللي جواكي برضه

جرب تشغل موسيقي عشان متحسش بالملل وابدأ لو حتي بسطر واحد كل يوم مع الوقت هتكتب كتير وهي فعلا كويسه لانك بتفضي مخك من كلام كتير وبترميه علي ورقه ..ولو هتحس بملل جرب تكتب علي الفون برضه كويس وهيساعدك بس الأحسن علي الورق اكتب في نهاية اليوم عن يومك ومشاعرك تحدى نفسك اسبوع مثلا وشوف الموضوع هيفرق معاك ولا لاء

سيبيه سيبيه بصوت رضوي الشربيني 😂 مش فاهمه ازاي يعاملك كدا بس انتي اتقلي شويه بلاش تحسسيه بأي حاجه ومتبدأيش تاني لحد ما هو اللي يبدأ

بقالي كتير فعلا نسيت امارس الشعور دا شكلها علي التذكير

انتي شبهي ازاي كدا حرفيا وكمان نفس سني ..بس ابعدي عن طريق الاولاد عشان حرام

دافعي عن نفسك عادي جدا متسمحيش لحد يقول اسمك حتى الاسلام عمرو مقال نسكت عن حقنا

أنا فهمتك ايوا عادي كلنا بنكراش بس طلع حرام برضه 😂 فإنتي غضي بصرك علي قد ما تقدري يمكن مش هتقابلي الشخص اللي هيكمل معاكي دلوقت فالأحسن نحافظ علي كل ذرة مشاعر للشخص الصح

طيب اسمه اي 😂

فهمتك 🤍

رئيسة مصر عدتيني يفنانه 😂 ولا ثانيه دا انا لو اتجوزت الأمير هبقي اميره برضه 😂😂

عندي ١٦ ونص ..بس لما بدأت أطور نفسي واقرأ كتب لقيت عالم تاني وبقي عندي وعي بحاجات كتير عكس اللي حواليا عشان كدا بقول محدش يستجري حواليا يفكر فيهم ..الكتب هي اللي خلتني اصدق احلامي اللي كنت بتجاهلها ..وعاوزه اقولك اني فعلا جيت في فتره وكنت بعيش احلام يقظه بس وقفت دا عشان لقيت حياتي الاساسيه بتضيع ..وبقيت بسعي دلوقت بس في نص السعي بخاف اني اكون اخترت حاجات مش هتحقق وبخاف اكون بوهم نفسي بحاجات مستحيله ..الكتب عرفتني علي نفسي خلتني اضبط نومي اضبط مذاكرتي حياتي كل حاجه حرفيا ..بس دا مش هيستمر غير لو انا كملت اني اصدق الاحلام دي .. المهم دا السعي اللي بتكلم عنه والحاجه اللي اقدر أعملها دلوقت بس برضه ميجيش حاجه قدام الحاجات الكتير اللي في مخي ..ساعات بطلب مني ميكونش عندي أحلام واكون زيهم وخلاص اتخرج واشتغل واتجوز بس ..مش بعرف مش دا اللي هكون مبسوطه فيه ابدا.. والدليل قبل ما ابدأ اصدق احلامي كنت تايهه في الحياه ومش عارفه انا عايشه ليه وكنت بتعلق بسرعه