Sabela Ayman

وعليكم السلام عادى جدا جسمك وعقلك يحتاجوا الراحة بعد فترة ضغط وتعب طويلة بس ده مش معناه انى اكبر الأفكار السلبية فى دماغى زى انى فقدت الشغف مش قادرة اكمل وكل ده ... لا عادى افهم أن دلوقتي انا محتاجه شويه راحه وبعدها هرجع اكمل وخلاص مبقاش كتير فمتضيعيش تعب شهور بأفكار سلبية وعلشان تتغلبى على ده كله انتظمى فى الصلاة واذكار الصباح والمساء و ورد القران هيفرق جدا معاكى نفسيا هتكونى مطمئنة وكمان توكلى على الله واستودعى مذاكرتك وتعبك عند ربنا سبحانه وتعالى و أن شاء الله ربنا يوفقك 🩷

خدى نصيحه منى الاب و الام واقع فى حياتنا سواء رضينا بكده أو لا واحنا علشان وبيكون اهلنا هما اول حب لينا أو حبهم بالفطرة كده ف بتكون متوقعين أنهم مش بيغلطوا لا عادى اهلنا ناس بتغلط وكمان بيكابروا أحيانا ومبيعترفوش أو مبيشفوش غلطهم ،اول حاجه تعلميها علشان سلامك النفسى انك تعرفني أن طاعتهم واجبه بس متجيش على نفس عرفيهم انك ليكى حدودك و لكى شخصيتك ومميزات وعيوب زى اى حد مفيش مشكلة كده وانتى مش هتكونى تفصيل على مزاجهم انتى لسه صغيره لسه فى مرحلة تكوين نفسك ممكن متكونيش دلوقتي فاهمه نفسك حبى نفسك حتى لو أهلك مش شايفن انك كويسه قربنى من ربنا و أدعى دايما ،طالما مفيش دعم من الأهل انتى تدعمى نفسك اتعلمى حاجات كتير اسمعى محاضرات عن تنظيم الوقت جربى تقرأى كتب ممكن تلاقي شغف فى القراءة ....تقبلى نفسك زى ما انتى ربنا خلقنا كلنا بمميزات وعيوب عادى جدا و مش معنى ان ماما وبابا قالوا انى كذا أنى كده فعلا ممكن بيكونوا بينصحوا بس بطريقه قاسية شويه نصحية منى حاولى تتكلمى معاهم عارفيهم ال مضايقك معرفتش تتكلمى معاهم أو عارفه أن الكلام ممكن ميجبش نتيجة أدعى ربنا أن علاقتك بيهم تتصلح اتمنى اكون ساعدتك والله عندى كلام كتير بس اهم حاجه من ده كله حبى نفسك طورى الحاجات الحلوه ال فيكى والعيوب نحاول نصلحها بس اهم حاجه اعرف الاول ده عيب فيا ولا ده ال الناس شايفه أنه عيب بس كده اتمنى اكون فدتك يا جميلة

خلاص متفكرش مين الظالم ومين المظلوم انسى هى اتجوزت وانت ربنا كرمك بزوجه اتقى الله فيها وانسى اللى فات اصل مش نصيبك ف خلاص متفكرش فى الموضوع هى زوجه لراجل تانى سواء قبل كده كانت عاوزه تتجوزك أو حاولت تكلمك وخالها كدب عليكوا بس انت لو بتسأل على مين الظالم ومين المظلوم ف ماشى انت وهى اتظلمتوا بس فى الاول والاخر ده نصيب وقدر عند ربنا مش مكتوبالك بس خلاص

فكرة بقا تدعى عليه مش عارفه اقولك ايه بس لو حاسه أنه ظلمك قولى حسبي الله ونعم الوكيل

بصى يا جميلة اهم واصعب خطوه وهى انك تبطلى تتواصلى معاه ودى بفضل الله حصل بعد كده تشغلى نفسك قربى من ربنا وتوبى واستغفرى على العلاقه دى وقللى تفكير فيه اشغلى نفسك بأى شكل علشان تنسيه لان فى اغلب الوقت بيكون تعلق مش حب زى ما قولت قربى من ربنا و التزمى فى الصلاة و ورد قران و قوى علاقتك بالله عز وجل

ممكن تنزل تشتغل أو تقرأ كتب حط لنفسك روتين ثابت مواعيد نوم منتظمه صلى دايما فى المسجد متقضيش اليوم كله على التليفون حدد عدد ساعات معين لاستخدام التليفون انزل الجيم أو اى رياضه اسمع محتوى لتنظيم الوقت أو ابحث عن قنوات يوتيوب بتقدم محتوى تعليمى وثقافى فى حاجات كتير ممكن تعملها

اسمع فديوهات عن تنظيم الوقت خصص ورد القرآن كل يوم وانتظم عليه والصلاه اهم حاجه

العفو على ايه 🤍🤍

ارجع ل ربنا وتشكيله كل حاجه تعباك سبب ال وصلك لده انك محتاج اهتمام وحب بس لما دورت عليهم دروت بشكل غلط واذيت نفسك ال حصل معاك اكيد مش سهل انا على فكرة ثانويه عامه زيك وفاهمه قد ايه فكرة انك محتاج حد يفهمك من غير كلام بس عقليه الضحية وانك تستنى المنقذ أو الهيرو ال هيظبط كل حاجه مش موجود انت المنقذ الوحيد لنفسك قرب لربنا اشكيله تعبك حاولت تقرب من أهلك اشغل نفسك بالمذاكرة أو برياضة أو اى هواية ابعد كل الأفكار دى عن تفكيرك اشغل نفسك لدرجة ميكنش فى وقت تفكر فى مشاكل او اى حاجه تشغل تفكيرك عن هدفك اكيد ليك حلم وهدف عاوز تحققه فكر فى هدفك حب نفسك وادى الاهتمام اللازم اتعامل مع نفسك كطفل صغير بطل تلومها اهم حاجه تركز على مذاكرتك و على نفسك وبس وصدقنى اكتر حاجه هتساعدك وتبارك لك فى وقتك قربك من ربنا وطالما طلبت المساعدة انت كده فى بداية طريق التغير كمل وان شاءالله ربنا يوفقك