Menna Mahmoud

العلاقة السطحية الي هي مفيش فيها تعمق والتعامل ف اضيق الحدود يعني مش قرب جامد بقى ونحكي اسرار وخصوصيات وكلام من ده لا ..الكلام فيها سطحي وع القد خالص وع فكرة العلاقات لما بنسطحها دا بيكون افضل مليون مرة من إننا نعمقها وافضل من القرب وافضل من كل ده ومبيبقاش في زعل فيها ولا حاجة ولا ندم بعدين ..فهي عبارة عن كلام ولكن بحدوود

لما يكون مفيش تفاهم ولا تقدير ولا قادرين تعبشوا مع بعض بشتى الطرق اما اذا في ود وحب بس في شوبة مشاكل عادي دي ممكن نمشي الدنيا فيها لان كل البيوت مليانه مشاكل لكن لما الموضوع يكون كبير وتوصل كمان للاهانة مثلا او الكرامة هنا بقى يبقى لازم الانفصال

كل ده من الشيطاااااان حطي تحتها مليون خط اقسملك ان كل ده من الشيطان هو الي بيعمل معاكي كده بيشككك ف نفسك كانت بتحصل معايا ف بدااية توبتي وقُربي من ربنا ..اصل هو لازم يشككك ف نفسك ويخليكي مش دريانه بنفسك ويتعبك وتفضلي تعيدي الحاجة مليون مرة بس اوعي تطيعيه عملتي الحاجة مرة يبقى خلاص متكرريهاش ابدا ربنا عايزلنا اليسر مش العسر يحبيبتي

بص هو الانتقاد والكلام الي زي كده والي يحبط دا كله لازم تاخده وتستفيد منه مش تاخده وتزعل منه لا اعمل العكس وسيب الي يعمل حاجة يعملها ركز بس ع حلمك لان دا مستقبلك ومحدش هينفعك ..اهلك مضطر تستحملهم كده كده متخليش حد يحبطك ولا يأثر عليك بالسلب الكلام السلبي خده وحوله لايجابي

بصي انا مقدرة شعورك دا بس ف الاول والاخر دا والدك يعني مينفعش تخاصميه ولا تتجاهليه ولا تعامليه معاملة مش كويسة ولا كل ده ف ابدأي معاه صفحة جديدة كده وانتي بنته حبيبته ودا بباكي حبيبك ياما بيحصل بين الاباء والابناء يحبيبتي ف لازم نعدي ليهم ونفوت وان شاء الله كل حاجة هترجع كويسة زي الاول

والله يبنتي الواحد مقدر كل الي انتي فيه دا بس خليني اقولك انها كويسة او مش كويسة انتي كده كده لازم تستحمليها معندكيش اختيار تاتي ..دا امك يعني مفروضة عليكي ومتقدريش تقولي حاجة ولا تعملي حاجة ولا حاى تبعدي مفيش غير انك تمشي الدنيا وتسايسيها وتستحملي معلش وربنا هيعوضك يحبيبتي دا قدرك ولازم ترضي بيه ربنا يسعد قلبك ويفرحك

بلاش تكملي ولا تهتمي اعملي بلوك غيري رقمك ابعدي ومتخليهوش يعرف يوصلك ب اي طريقة اتصرفي..بغض النظر عن ان معاملته كويسة او لا بس العلاقة حرام ليه مفكرتيش فيها!!..اقطعي الموضوع من دلوقتي قبل م يكبر ومتخاوليش تكرري الموضوع دا تاني عشان البدايات الي مترضيش ربنا ي حبيبتي نهايتها مش هترضيكي نهائي ومن تعلق بشئ غير الله عُذب به ..وع فكرة لو انتي قريبة من ربنا اوي عمرك م هتفكري تعملي كده قربي من ربنا وشوفي هيحصل اي♥️

طبيعي دا يحصل ي قلبي لان ب اختصار من تعلق بڜى غير الله عُذب يعني بتتكلموا ونتو مفيش بينكو حاجة رسمية وباين من الاول انه مش ناويها جد لانه لو ناوي جد كان هيدخل بيتك من بابه ويعززك بس عادي اديكي اتعلمتي ي قلبي وبلاش تكرري دا تاني وادعي ربنا يعوضك بالحلال

متخليش الفكرة دي تسيطر عليكي ي قلبي شيليها من دماغك انتي مؤمنة بالله وماشاء الله عليكي بتقولي ملتزمة اشغلي نفسك بحاجات مفيدة وجبي نفسك وطوري منها وخليكي وسط ناس بيحبوكي انتي عسوله وتستحقي الحياة وتستحقي تعيشيها بكل تفاصيلها الجميلة عيشي ي قلبي وحبي الحياة وحبي نفسك💋❤️

ذكريات اي معلش! طب دا واحد هاين عليه كل حاجة وبايع كل حاجة بايعك انتي شخصيا ودايس ع كرامتك الذكريات اغلى من كرامتك يعني ولا اي؟! دا غير كل ده الموضوع من اساسه حرام لو تاخدي بالك ف سيبيه يحبيبتي واكيد م دا الراجل الصح الي تتمسكي بيه سيبيه وربنا هيعوضك بالاخسن وف الحلال

روحيلها البيت احسن واتكلمو فيس تو فيس دا هيفرق جدا ممكن انتي تكوني عملتي حاجة زعلتها منك جامد وموجوعة منها ف صلحي الامور بينكم

قربي من ربنا يحبيبتي واشكيله هو بس وعيطي ف الصلاة واحكي وطلعي كل الي جواكي وصدقيني مش هتحسي ان الدنيا فارقة معاكي ف حاجة حتى لو جالك اي ابتلاء مش هتحزني لانك عارفة ان ربنا حكيم ومش بيجيب شر ابدا

حاولي تشغلي نفسك يمكن دا عشان مفيش حاجة تعمليها وعقلك مقتنع بكده ف اشغلي نفسك ودوري ع شغل يناسبك وبتحبيه

معلش يحبيبتي حاولي تيجي ع نفسك شوية وتساعديها هما بردو بيتعبو ولازم يحبيبتي نساعدهم وانتي ربنا يقويكي ان شاء الله

عادي الشاطر مش الي مش بيقع لا الشاطر هو الي بيقع ويقوم اقوى من الاول كله بيعدي كل الي علينا نسعى والنتيجة دي مش بتاعتنا بقى دي بتاعة ربنا وعند ربنا بس اهم حاجة نقوم ونقف ونكون اقوى وناخد بالاسباب وفترة وهتعدي حطي اهداف صغيرة لنفسك وحققيها وبعدين حطي اهداف كبيرة شوية وححقي وهكذا

انتي المفروض مكنتيش تدخلي العلاقة اصلا من البداية ربنا سبحانه وتعالى قال "ولا تواعدوهن سرا" المشكلة الاكبر ان مامتك كانت عارفة وممنعتكيش هي بس رفضت ونصحتك تبعدي بسبب حالته المادية! الفلوس مش كل حاجة..خدوهم فقرا يغنيكم الله يحبيبتي ..من ترضونه دينا وخلقا مقالش حالته المادية! الصح دلوقتي انك تبعدي عنه قوليله يبن الحلال انا عايزاك بس مش هقدر اكمل ف العلاقة الي تغضب ربنا دي وهستناك لما تكون نفسك وتكون جاهز تيجي تتقدم وتدخل البيت من بابه زي اي راجل محترم وامنعي اي حاجة توصلكو ببعض وافتكري ان من ترك شيئا لله عوضه الله خيرا منه سيبي ربنا يجبهولك بالحلال دا لو انتي مش فارق معاكي حالته المادية انما لو هتسمعي كلام والدتك ف قوليله انك مش موافقه وابعدي متفضليش تعلقيه ولا تديه امل ع الفاضي

لا يحبيبتي طالما انتي مش مقتنعة بيه يبقى بلاش توافقي عشانك وعشانه هو كمان ..لازم شريك حياتك تبقي شايفاه احسن واحد ف الدنيا ومقتنعة بيه جدا مقتنعة بشكله ومقتنعة بشخصيته وطريقته واسلوبه وبكل حاجة عشان دا الي هتكملي معاه باقي حياتك ي جميلة💗

طب مستني اي ..ما تتوب مستني لما تلاقي الحياة سرقتك وخسرت أخرتك ..ما تتوب ياعم ارجع لربنا وصلي ..توب توبة نصوحة مفيش راجعة بعدها محدش ضامن عمره

قرب من ربنا وحاول تنسى الموضوع لان دا كله هتضحك عليه لما تكبر ركز بس ف دراستك دلوقتي دا المهم ومتخليش حاجة تعطلك ومتحطش دماغك ف الحاجات دي ولو انتو خير لبعض وليكو نصيب ف بعض اكيد ربنا هيجمعكو وتبقى من نصيبك

بص عايزاك اول حاجة تفهم ان مفيش حد كامل أبدا وكلنا بنغلط ..الكمال لله وحده..والي حصل حصل منقدرش نغيره بس في فرق بين الضعيف الي نفسه بتغلبه وبين القوي الي بيغلب نفسه والدنيا والشيطاان ..إيمانه بيبقى قوي وخوفه من ربنا يمنعه من انه يعمل ذنب ف تعالى نبدأ صفحة جديدة نضيفة روح لربنا..عيطله ..اتكلم معاه قوله يارب انا تعبت من نفسي انا كل م بقول اني هبطل اعمل الذنب دا نفسي بتغلبني وبرجع اعمله تاني قوله والله ما عصيتك استخفافا بك ولكن غلبتني نفسي ف اغفر لي ..قوله يارب انا الناس فكرني محترم وانا ف عنيهم محترم ومبعملش حاجة غلط ..لكن انا بعمل غلط قوله انا عايز ابقى محترم ف نظرك انت يارب وابقى كبير ف نظرك انت..خرج الكلام كله من قلبك وعيطله صدقني هترتاح بعدها توب توبة نصوحة م ترجعش بعدها ابدا كل م تيجي تعمل الذنب دا افتكر ان ربنا شاهد عليك وشايفك انت متخيل منظرك اي قدام ربنا وهو شايفك وانت بتعمل كده ..ولما تتوب هتُبتلى ومش ف الذنب دا بس لأ..اي ذنب بتعمله وتوبت منه هتُبتلى فيه ف ابثت ربنا بيكون عايز يشوفك توبت فعلا ولا دا كان كلام وخلاص وانك ضعيف ف اثبت خليك فاكر ان ربنا شايفك كل م تلاقي نفسك عايز تعمل الذنب دا قوم بسرعة صلي ركعتين واقرأ قرآن واستعيذ بالله واستغفر سيب كل الي ربنا حرمه عشان يعوضك بالحلال .. اوعى تخلي نفسك تغلبك ..النفس أمارة بالسوء ..جاهد نفسك وجاهد الدنيا وجاهد الشيطان عشان تكسب رضا ربنا وشوف عوض ربنا هيبقى عامل ازاي😊 تخيل لو ربنا قبض روحك وانت بتعمل الذنب دا ساعتها اي العمل تبقى خسرت دنيتك واخرتك وكل م تعمل ذنب ارجع لربنا وتوب واستغفر ربنا ..ربنا قال نعم العبد انه آواب يعني الي كل م بيعمل ذنب بيرجع ع طول يتوب واهم حاجة انه يبقى ندمان وحزين ع الي عمله .. وحاجة مهمه مهمه جدا اوعى تسيب نفسك للفرااغ اوعى اوعى اوعى عشان طول مانت مفيش حاجة بتشغلك انت كده بتكون فريسة للشيطان وهتقعد تفكر انك تعمل الذنب دا..انزل دور ع شغل اي شغل لو انت ف الجامعة روح جامعتك صاحب ناس جديدة اتعرف ع ناس جديدة وربنا يهديك يارب ويوفقك لطاعته✨

خلينا متفقين ان موضوع الارتباط دا حرررررام اصلا وعايزة اقولك كمان ان حتى الموضوع لو كان جميل وماشي حلو اوي ومفيش مشاكل برده كان هيبقى حرام وهتاخد عليه سيئات وهتتحاسب وكل الكلام دا ف انت ارتبطت ودا ذنب يعني لازم هتتحاسب اديك اهو اتحاسبت عليه ف الدنيا وخدت جزاءك مش قصدي ادايقك والله العظيم بس بفوقك عشان تقوم ومتقعش ف الذنب دل تاني وتتوجع تاني اديك شوفت الموضوع نهايته انك اتوجعت وقولت فوق انا جملة وهي (من تعلق بشئ غير الله عُذب به)..انت محتاج تقرب من ربنا وتقوي علاقتك بربنا وتاخد نصيبك ف الحلال والحلال احلى ومفيهوش وجع قلب ..وخلينا متفقين بقى ان دا مش حب ابدا لان الشخص التاني دا عارف صفاتك من الاول وعارف شخصيتك انت بتقول ٣ سنين يعني درستو بعض بما فيه الكفاية يعني مش لسه هتكتشفو بعض دلوقتي ..ف اقطع العلاقة دي وسيب الطريق دا خالص وخليك ف الحلال وربنا هيعوضك خير بجد وعوض ربنا دايما جميل والله بس قرب من ربنا

التراكم دا غلط جدا لازم اي حاجة مزعلاكي تتكلمي وتقولي الحاجة دي زعلتني او الموقف دا زعلني وتحطي حدود ف التعامل متسبيش الدنيا كده سداح مداح عشان الناس مش هترحمك الي يزعلك قولي عليه وبلاش تسكتي

ثقفي نفسك واقرأي كتب ، خدي كورسات نمي اي مهارة عندك ، اقرأي كتير اوي القراءة هتخلي دماغك ف حتة تانية بجد

ممكن يكون بهاق تقريبا

ذاكر نص ساعة وخد بريك١٠ دقايق مثلا وحاول توقف نفسك عن التخيلات دي والتفكير الكتير

دا طبيعي ان اي حاجة ف اولها نبقى متحمسين ليها كده وعندنا power وبعدين نحس اننا فاقدين الشغف دا طبيعي جدا وكلنا كدخ بس في فرق بين واحد بيقى عنده اصرار انه يكمل ف الحاجة دي الي هو بدأها وقرر انه يمشي فيها ويعافر وبين واحد تاني بيتبع الكسل وينام ويستسلم ويتخلى عن الشئ الي عايزه وبعدين دا بيكون اختبار من ربنا زي مثلا لما بتقولي ببقى مقرررة اصحى اصلي الفجر كل يوم وكده وبعدين مبصحاش دا اختبار من ربنا بيشوفك فعلا قد كلامك وانك هتعمليه بيه ولا كان اي

ربنا يسعدك يارب🥰

انت لازم تكون عندك ثقة بنفسك متخليش كلمة من الناس تخليك تكمل وكلمة تانية توقعك ميهمكش رأي ولا كلام الناس فيك انت كل حاجة كويسة بتعملها فهي عشان ترضي نفسك..ومتحطش ف دماغك انك مش كفاية والكلام دا ..هما اكتر ناس هيفرحوا بيك ويحبوا نجاحك ويتمنولك الخير بس ممكن دي تكون طريقة تعبيرهم مش قصدهم حاجة يعني😊

طالما انت واثق فيها وعارفها كويس يبقى خلاص اطمن بقى وسيبها..بس من الواضح انك هتفضل كده حتى لبعد الجواز ويمكن الموضوع هيكبر والغيرة الي جواك دي تزيد ف الافضل وحفاظاً على علاقتكو وتجنباً للمشاكل قولها انا مش حابب انك تشتغلي وشوف ردها هيكون اي

طب م تبدأ من الاول😊..حاول تغير من شخصيتك..طور من نفسك واشتغل عليها✨..خلي عندك ثقة ف نفسك وخلي عندك امل دايما ..ليه شايف مستقبلك بالشكل ده..اتفائل وحب نفسك وحب الحياة ..اعمل قيمة لنفسك وحس بقيمتها عشان الناس تحبك وتعرف قيمتك ..اشتغل على نفسك جامد متفضلش كده طالما في حاجة مش عجباك غيرها..حط اهداف لنفسك وحققها ..اشتعل وانجح ..كون صداقات واخرج وشوف الدنيا بعين تانية وشيل كل الافكار السلبية دي من دماغك وبكرة ان شاء الله تحب وتتجوز وربنا يرزقك بالذرية الصالحة وتربيهم احسن تربية وتبقى قدوة ليهم ويفتخرو بيك وتعيش حياة سعيدة😊😊✨

بصي ي حبيبتي العلاقة الي بدايتها مترضيش ربنا نهايتها مش هترضيكي ابدا..دنتي حتى لو هتقوليلي دا احنا بنصحي بعض عشان نصلي الفجر ..هقولك برده غلط وحرام ..ربنا قال" لا تواعدوهن سرا"..وقال كمان " ليس البر بأن تأتوا البيوت من ظهورها ولكن البر من اتقى وأتوا البيوت من أبوابها"..متستأذنيهوش انك هتسيبيه اعملي بلوك ع طول من كل حاجة وسيبي ربنا يرجعهولك بالحلال ومتخليش الشيطان يغلبك ويضحك عليكي ولا نفسك وتكملي ف العلاقة وهي كده هو عارف طريق بيتك..والله تمام خلص جيشك وظبط دنيتك وتعالى كلم الرجالة الي ف البيت حتى يفهم انك غاليه