Dida Bakr

متشغليش بالك بالموضوع ده مدام وصلهم اعتذارك وكوني مطمنة لو فيه خير اكيد هيرجعلك تاني ولو مرجعش يبقي ربنا اعلم بيكي من نفسك هو ادري انه مش مناسب ليكي فوضى امرك لله وهو يتولي امرك

انا عارفه ان الواقع اللي عايشينه ده مش كله جميل واننا ممكن نعيش ف الخيال حاجات جميلة ممكن متحصلش ف الواقع او منقدرش نحققها اوقات الحياة اللي بنعيشها في خيالنا فيه منها صعب يتحقق في الواقع ده احساس طبيعي جدا خصوصا في فترة المراهقة لكن مش تسترسلي معاها لفترة طويلة يعني اول ما تحسي انك ممكن تتعمقي في تخيلاتك فجأة استفيقي واستعيذي بالله من الشيطان الرجيم واكثري من ذكر الله وداومي النظر في القرآن 🤍

الف لا بأس عليكي اسأل الله ان يفرج همك ويصرف الحزن عن قلبك ويعافيكي ويعفو عنك تسمحيلي اعرف ايه الأسباب اللي وصلتك للاكتئاب واللي خلتك تلجأي للعلاج النفسي وتمري بالمراحل دي ايه اللي وصلك لكده؟ احكيلي كل اللي عندك ونا هسمعك🤍

العلاقة اللي بينكوا دي علاقة سامة ومرهقة واخرتها ضياع وتوهان وعذاب وهتفضلي طول الوقت تداوي وتعالجي وتخسري كل طاقتك وعمرك وفري نفسك لشخص سوي وابعدي عن الشخصي ده واقطعي علاقتك بيه بشكل نهائي واقفلي كل المنافذ اللي ممكن توصله ليكي لأنك هتتعبي كتير اوي لو استمريتي معاه. المشكله فيه هو مش محتاجه سؤال ابعدي عنه فورا.

عشان ده كان حب مش حلال انتي دلوقتي بتدفعي تمن حبك ومشاعرك اللي معرفتيش تحافظي عليها واهدرتيها في علاقة بدأت غلط وكان واضح انها مش هتكمل. استغفري الله كتير ده اولا ثانيا اتعلمي ان الحب الحلال جميل متقبليش حب شخص غير اللي يجي يخبط علي بابك ويطلبك من اهلك غير كده ربنا مش هيبقي راضي وإهدار في مشاعرك ووقتك وعمرك.

اعتقد ان السبب الأساسي نفسي اكتر من انه يكون سبب صحي ممكن حضرتك تتابعي مع متخصص نفسي هيساعدك كتير بإذن الله

ايه الراجل المريب ده

العفو حبيبتي

العفو يا جميلة 🤍

انا حاسة بيكي قد ايه عانيتي ومريتي بمواقف صعبة جدا يمكن محدش يقدر يتحملها غيرك عشان انتي صبوره ومتماسكة . بعتذرلك عن بشاعة العالم والناس وعن سوء معاملة اهلك بس انتي بجد انسانه قويه جدا انك قدرتي تمري بكل ده ولسه ثابتة ف مكانك وبتحاربي وبتحاولي تتعالجي وتبقي افضل ونا متأكدة انك هتبقي افضل من قبل بس انتي خليكي قوية ومتماسكة وتابعي تاني مع طبيب نفسي وواظبي على العلاج واستعيني برب العالمين هو القادر الوحيد اللي يقدر يصرف عنك كل هم وحزن ويعوضك عن كل اللي الايام الصعيبة اللي عيشتيها ف حياتك. الله يجبر قلبك الجميل ده جبرا يتعجب له اهل السماوات والأرض ويعوضك عوضا يليق بكرمه وعظمته 🤍

حضرتك لو صارحتها متوقع رد فعلها هيبقي عامل ازاي؟

اي متعة حضرتك بتتكلم عنها ؟ وانك لما تشوف زوجتك مع رجالة غيرك ده بتسميه حب !! طب هي عارفه انك بتنظرلها بالطريقة دي وموافقة ومكملة معاك ولا انت مش بتصراحها بالكلام الخطير ده

انا شايفة انك تعتق زوجتك لوجه الله وتنفصل عنها لحد ما تبذل قصاري جهدك انك تتغير وتتعالج وتقرب من ربنا وتدعيله وتحضر جلسات علاج نفسي اكتر وتحارب لعند ما تبقي كويس وسوي. اسأل الله ان يعفو عنك ويهديك