منار .

اخويا لما كان بعمره انا لما اكتشفت قلت لماما وهي كلمته من ناحيه الدين والأخلاق ومن ساعتها هو مبيكلمش بنات خالص فكلمه من ناحية الدين واقعد زن عليه الزن بيجيب نتيجة مرضيه جدا في الحاجات دي واملو وقته لانه اكيد لجأ أنه يكلمها لما لقي أنه وحيد يعني ملقيش الاهتمام من أهله فخده من مصدر خارجي

مفيش حاجه كده هو انتي بس نصيبك لسه مجاش وانتي لو عايزة تبقي حلوة فحاولي تبقي كده عشان نفسك وحبي شكلك هتلاقي كل الناس حبت شكلك علفكرة وموضوع الشباب بتحب الحلاوه ده فعايزة اقولك أن الجمال نسبي يعني انا ممكن حد حلو غيري يشوفه عادي ولو كان فعلاً كده زي ما بتقولي كان نص بنات مصر متجوزوش

اولا ربنا معاكم...ثانيا حسسوها بالامان ومن رأيي ان اكتر واحد مسؤول انه يحسسها بالامان هو ابوكي ومتجيبوش سيرة الحاجات والاشخاص اللي مش بتحبهم وشغلو قرآن كتير ولو تقدروا ودوها لشيخ واقعدوا اتكلموا معاها وهزروا حتى لو هتقولو نكت بايخه حتى لو هتتشألبو اهم حاجة تضحك

بصي لما كنت في ثانوية عامة حصل معايا اني راكمت شويه دروس حلوين🙂فبقيت باخد كل فترة مادتين وليكن مثلا الفيزيا والاحياء مادة منهم الصبح اول ما اصحى اقعد اسمع شرحها وهو متسرع بس طبعا مركزة واذاكرها واحل عليها شوية اسألة بسيطة بحيث بس اثبت المعلومات واكمل يومي عادي اللي هو بشوف المفروض اذاكر ايه وكده والمادة التانية بالليل نفس النظام ولما اخلصهم ادخل على مادتين تانيين وكده كده المراجعات بتلم اهم حاجة انك تتدخلي على المراجعة وانتي فاهمة المنهج بيقول ايه

اقرأي قرآن كتير وبالاخص سورة البقرة بتحوش كل القلق عن تجربة

بصراحة هو ممكن تقدر لو بدأت من النهارده لو جبت اخر ما عندك وبعدت عن كل المشتتات بس الموضوع هيبقى صعب بس استحمل لان للاسف انت اللي عملت في نفسك كده وربنا معاك