Fatima Wael

بودكاست وعي/ وبودكاست اسمه دروس بودكاست لأبو زيد/ بودكاست مصطفى حسني/ بودكاست فنجان/ بودكاست مهارات / بودكاست السيرة النبوية لأحمد عامر ... وغيرهم كتير طبعا

بودكاست معالج نفسك هيفيدك جدا.

ده مش صحيح أبدا ، إجابة سؤالك ده هتلاقيها في فيديو على يوتيوب لمحمد أبو ريحانه بيتكلم عن أحداث غزة، كمان أمير منير مجاوب على سؤالك، انا مش قصدي ابدا أحكم عليك ولكن ده سؤال بيدل على نقص إيمانك وقلة معرفتك اوي اوي بأمور دينك، وربنا يصلح حالنا جميعا ان شاء الله

الخمار فرض قولا واحدا مفيش خلاف فيه،ووفرض معناه مش درجات وحسنات ، معناه جنة أو نار زي الصلاة كده.

والزم دعاء اللهم اعني على ذكرك وشكرك وحسن عبادتك، ودعاء "يا صاحب الحول والقوة لطفك بمن لا حول له ولا قوة إلا بك" وربنا هيعينك ان شاء الله.

اسمع بودكاست وعي هيفيدك جدا، تقدر كمان تستفيد من محاضرات الشيخ حازم شومان أو محمد الغليظ أو علاء حامد أو خالد الراشد، ومحاضرات وخطب كتير جدا أجمل من بعض على اليوتيوب تديك عزيمة للصلاة ، كمان الإستعانه بالله أهم من ده كله انك تدعي، الإنسان بيحصل على اللي هوا عاوزه بالدعاء ، قول اللهم اجعلني من أهل الصلاة ومن اهل القرآن

أيا كان بتحبيه قد ايه أو هو بيحبك قد ايه انا مقدقاكي ومشاعرك دي حقيقية ومن حقك تماما ولكن كلامك معاه طول الوقت حرام يا بنت الناس وربنا حطلنا حدود نمشي عليها ، وهي انه وقت ما يكون جاهز يتقدم يبقى ييجي وساعتها بس تكلميه، كلامك معاه طول الوقت ده حرام ويمكن كبيرة كمان، ، الحاجة اللي بدايتها مترضيش ربنا مستحيل أبدا ترضيكي وعاقبتها مش هتكون أبدا كويسه،،لما ييجي يخطبك ابقي كلميه، لكن الصح دلوقتي انك تثوليله مش هنتكلم لأن كلامنا ده حرام لحد ما تيجي تتقدملي، والله لما بتتركي حاجه بتحبيها لوجه الله مش هيخذلك أبدا وهيعوضك عنها ولو فيها الخير هتكون ليكي، بلاش تعلقي نفسك بمجرد احتمال وتربطي حياتك بيه، لأن حياتك مش هتقف عليه أساسا.

في دعاء انا حرفيا من غيره بضيع جدا وبحس اني مش قادرة أعمل أي حاجه أي حاجه حتى أبسط الحاجات، "اللهم أعني على ذكرك وشكرك وحسن عبادتك ". دعاء مهم جدا ، والحوقلة كمان مهمة جدا لأي حاجه خلي على لسانك دايما لا حول ولا قوة إلا بالله، ربنا عايز يشوف بس صدقك وصدق رغبتك وانها خالصة لوجهه وهو هيعينك ان شاء الله.

مفيش حاجه اسمها حاولت كتير وفشلت ورجعت أعمل الذنب ده تاني، كلنا هنفضل نحاول ونتوب ونرجع ننتكس وهكذا لحد ما نموت، دي طبيعة الإنسان أصلا احنا مش ملائكة ، اوعي تزهقي من التوبة أو تيأسي من رحمة ربنا "يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا" حاولي بس وافضلي حاولي ولو وقعتي ارجعي قومي تاني عادي دي طبيعتك أصلا وطبيعتنا كلنا متتوقعيش من نفسك أكتر من قدرتها، ربنا عارف اننا هنفضل نذنب مهما تبنا عشان كده قال "وعزتي وجلالي لأغفرن لهم ما داموا يستغفرونني" أبوابه مفتوحة طول الوقت لكد ما نموت ، ف ظتخليش الشيطان يضحك عليكي بالفكرة اللي مفهمالك انك متقدريش، لا انت تقدري ، محتاجه بس تتوكلي على الله وتؤمني بقدرتك وانك أقوى من شيطانك

احفظي قرآن بدايةً، أول حاجه وأهم حاجه تستغلي فيها وقتك، اقرإي كتب مفيدة في مجالات بتحبيها عشان متزهقيش من القراءة وتكون مناسبة لسنك او اسمعي بودكاستس ، في بودكاست كتير مفيدة جدا جدا جدا وتغير حياتك كمان،تقدري كمان تتعلمي مهارة جديدة أو تدرسي لغة أو تمارسي هواية مفيدة زي الكتابة، وطبعا حاجات تانية كتير تتعمل بس الإنسان يلاقي وقت

ربنا لسه رايدلك خير والله، لسه بيبعتلك إشارات وعايزك ترجعيله وعايز يستخدمك في عبادته، مفيش إنسان سيء بيقول اللي انت بتقوليه ده، كونك عارفه ان الأغاني أو أي ذنب عموما هو اللي مسببلك مشكلة ف دي إشارة من ربنا عشان ده وقت انك تتوبي توبة نصوح أساسها هو الندم وعزم انك مترجعيش للذنب دا تاني.