Ahmed Elsayed

فيه معايير للجواز اكبر من مجرد انت عايز ترتبط ولا لا الجواز مش مجرد مشاعر او سبب علشان تستقر انت بتختار شريك لحياتك حرفيا ، حد هيعيش معاك طول الوقت جزء منك اولا لازم تبص عالمصدر (الأهل) لو ناس كويسة و مش طماعة يبقي كده اول خطوة عدت ثانيا العروسة ، قبل ما تفكر فيها بمشاعرك فكر فيها بعقلك ، اعرفها و شوف بتفكر ازاي و هل حياتها وطريقتها هتمشي معاك ولا لا ثالثا نقطة الفلوس دي اصعب حاجة في الموضوع وخصوصا انك بتقول انك دكتور في بداية المشوار فأنت بجد ربنا يعينك علشان مشوارك طويل بالتالي لو شايف ان هي واهلها مش هيقدروا يستحملوك في وقت ضيقتك يبقي يا ابن الحلال بلاها احسن

تحديد جودة الفيديو في المونتاج عمره ما هيعلي عن جودة الفيديو الاصلية بل بالعكس ده ممكن يقللها مثال بسيط هيوضحلك ، لما تجيب كوباية مية مليانة وتيجي تفضيها في كوباية اكبر هتلاقي فيه فراغ اكبر ، نفس الفكرة لو عدد البكسلات زاد عن الجودة الاصلية فيه احتمال تلاقي ان الصورة مش زي ما انت متوقعها

في المواقف اللي زي دي الموضوع بيبقي محتاج الرجوع لأصل المشكلة انتي تايهة علشان مش عارفة انتي عايزة ايه افضل حل انك تجيبي ورقة وقلم و تبتدي تتعرفي علي نفسك من الصفر كل حاجة من ابسط الامور حتي لو هتبتدي بإسمك وسنك ، الموضوع يبان تافه بس مع زيادة الاسئلة هتلاقي نفسك بتوصلي لإجابات عن اسئلة جواكي و مع الوقت هتعرفي انتي عايزة ايه و مش هتبقي تايهة زي الاول هي طريقة رخمة شوية و هتاخد وقت بس مفعولها كويس

فيه عاليوتيوب قناة دور محمد دياب ده افضل حد ممكن يساعدك ويحطك علي الطريق بجد هتستفيد

الحب زي مابيكون مصدر سعادة وقت الفراق بيكون مصدر وجع ووجع رزل اولا خليك مقتنع لو كان فيه نصيب مكانش حصل الفراق ثانيا اوعي تفكر انك تخش في اي علاقة مع حد علشان تنساها بالعكس انت كده بتصعبها علي نفسك و بتيجي علي الحد ده ثالثا قرب من ربنا و ادعي انه يصبرك ويعديك من الفترة دي واخيرا حاول تلهي نفسك بشغل او بدراسة او حاجة بتحب تعملها و ركز معاها ومع الوقت هتلاقي نفسك بترجع للحياة عادي وارجو اكون قدرت اساعدك

طيبة القلب مش حاجة وحشة بس محتاج تقدر تميز امتي تكون كويس وطيب مع حد وامتي تتعامل بحزم علشان هيتقال عليك انك ساذج وغلبان في اوقات كتير ، بس اوعي تيجي علي حد حتي لو يستاهل ، لأن ربنا اداك نعمة الطيبة ودي حاجة نادرة دلوقتي وربنا معاك