عليكم السلام اول حاجه هو ليه انتي بتقولي كده اصلا ؟ مفيش اي سبب يخليكي تقولي كده لانك انتي المتحكمه في كل ده انتي اللي بتدي إشارات لنفسك انك تحسي كده فبلاش تحطي نفسك تحت ضغط ملوش أساس من الصحه اصلا قربي من ربنا وحاولي ديما تكوني على طبيعتك ولا تكوني عايزه تلفتي نظر حد ولا تكوني مصطنعه خليكي بطبيعتك والدنيا هتبقي زي الفل ولله انا عن نفسي عندي صحاب كتير جدا بس انا حابب اني اكون لوحدي مع السن وتقدم العمر وخبرات الحياة بتلاقي نفسك تدريجيا بتسحبي نفسك من كل ده ولله ربنا يوفقك ❤️
تم النشر الجمعة، ٦ سبتمبر ٢٠٢٤
المشكله هنا في الخجل مش في انك اجتماعي أو لا لان الخجل هو اللي بيخليك عندك مشكله في التعامل بس انا هقولك حاجه عن تجربه حاول تعمل حاجه انت بتحبها زي مثلا ولو يكن انك صوتك حلو من خلال اي مهاره من دي هتعرف تعمل لنفسك كيان فيها ومع الوقت الناس اللي هتبقي عايزه تقرب منك ومش شرط تكون عندك اي مهارات انت ممكن تدرب نفسك على انك متبقاش خجول زي انك تعمل اي تصرف شايف انك مش هتعرف تعمله أو هتتكسف لما تعمله مع الوقت كل ده هيزول وهتلاقي نفسك معندكش نقطه الخجل دي ودي اهم من انك تكون اجتماعي من وجه نظري ربنا يوفقك ❤️
تم النشر الأربعاء، ٤ سبتمبر ٢٠٢٤
عليكم السلام انا حابب اتكلم عن نقطه السنين دي لانها مش مقياس محبه نهائي ممكن تكوني انتي تربيتك في بيت أهلك مختلفه عن تربيه غيرك ف بتبالغي في غلاوه الناس عندك وفاكره انك غلاوتك انتي عندهم هكذا وانا عارف ان بعد السنين دي الحوار يزعل بس اكيد في أسباب تخلي حاجات زي دي تحصل زي مثلا القناع اللي فضلت لبساه كام سنه زهقت منه ! في حاجات كتير جدا ولله بس كل اللي عايز اقوله انك متندميش على اي خير ومتزعقليش على أي حد مهما كانت عشرته هو اللي يزعل أنه خسر شخص كويس وطيب لان الطيبين دلوقتي عمله نادره جدا ف كده كده قيمتك محفوظه مهما عدت سنين على فراقك باي شخص لانك متربيه ف بيت اصول بس كده اتمنالك التوفيق والنجاح الدائم ❤️
تم النشر الأربعاء، ٤ سبتمبر ٢٠٢٤
بص يا غالي اول حاجه ده مش عيب نهائي تاني حاجه الموضوع ده دلوقتي اسهل مما تتخيل السوشيال ميديا عباره عن قراءة وكتابه انت بس ادخل اتعلم الحروف واحفظها وهتلاقي نفسك واحده واحده بتكتب وتقرا والدنيا فل للعلم انا شايف طريقتك في الكتابه حلوة وعلى فكره مسمهاش اعالج اسمها اتعلم انت مش مريض في حاجه علشان تعالجها اتمنالك التوفيق يغالي ❤️
تم النشر الأربعاء، ٤ سبتمبر ٢٠٢٤
حابب اقولك انك هتبقي شخص ناجح جدا وهتعرفي تحققي كل اللي انتي عايزاه ولله وده استشفيته من اللي بيحصل معاكي لان النجاحات مش سهله اقسم بالله عايزك تقرأي عن الناس اللي نجحت في حياتها كانت حياتها عامله ازاي و صدقيني هتفرحي جدا وهتتبشري خير وهتهوني كتير على نفسك صدقيني نصيحتي ليكي انك متهتميش لكل اللي بيحصل ده وحوليه لطاقه إيجابيه علشان تتقدمي وقولي بينك وبين نفسك بصوت مسموع أن كل ده علشان انجح كده كده انتي مع اول فرصه شغل واول مرتب ليكي مفهومك هيتغير ولله صدقيني ولما والدك يشوفك بتعملي كل حاجه لوحدك ومش محتاجه منه حاجه لا بالعكس انتي ممكن تقوليله مش محتاج مني حاجه لو مآثر معاكي هيحس وهتلاقيه اتغير 180° اتمنالك التوفيق والنجاح الدائم ❤️
تم النشر الأربعاء، ٤ سبتمبر ٢٠٢٤
السلام عليكم حابب أوضح حاجه صغيره طول ما انتي بتتنفسي ده معناه أن رسالتك مخلصتش بغض النظر عن الموضوع بتاعك بس انا شايف أن كل واحد مننا ليه رساله ضغوط الحياة خليتنا ننسي احنا اتخلقنا ليه اصلا وبصينا لحاجات اتولدنا لقينا كله بيبصلها ف تلقائي اتولد جوانا أن احنا لو منجحناش في حاجه يبقا فشلنا لا ده خطأ كبير جدا في حاجات بتحلصنا بتهيأنا لحاجات تانيه ومرحله تانيه لو مكنتيش عديتي بالمرحله الأولي ايا كانت هي ايه مش هتوصلي التانيه اللي حابب أوصله أنك تقربي من ربنا واللي ربنا كاتبه هيكون وكده كده خير هوني على نفسك وباذن الله هتعدي وابقي طمنينا اتمنالك التوفيق والنجاح الدائم ❤️
تم النشر الأربعاء، ٤ سبتمبر ٢٠٢٤
بصي يا ست البنات اول حاجه كده العيب مش عندك نهائي واوعي تشيلي نفسك ذنب مش بتاعك وملوش أساس من الصحه علشان متتعبيش الحاجه التانيه انك تسالي نفسك سؤال واحد بس ايه الفرق بين وانا صغيره و انا كبيرة وهتعرفي كويس أن في حاجات بتحصل من صغرنا مش بنتقبلها بس لما بنكبر بنبتدي نشوف الدنيا بطريقه مختلفه ونقول ياااهه كنا صغيرين حتي لو فات شهر انتي دلوقتي اكبر من الاول واعقل وتقدري تشوفي نفسك صح لان الطريقه اللي انتي شايفه نفسك بيها هي اللي الناس هتشوفك بيها وعلى فكره الحوار ده متكرر كتير وناس كتير حصل معاها كده انتي مش لوحدك وربنا حاسس بيكي قربي منه وهتلاقي كله اتحسن تحياتي ليكي ❤️
تم النشر الأربعاء، ٤ سبتمبر ٢٠٢٤
لعرض الملف الشخصي في فدني اضغط هنا