Sahar Kassem

مكنش المفروض تضربيه بس حصل من الصدمه من الموقف اللى تعرضتى ليه بس هو ممكن يكون نيته سليمه من ناحيتك ممكن تعتذري له ،وتوقفى معاه كلام

ده رد فعل طلع غصب عنك بسبب التغيرات اللى حصلتلك ، من الواضح انك انسانه حساسه وبتتضايق من أقل حاجه ،،سيبك من نظرة الناس ليكى متركزيش معاهم وخلاص انتى طالما ضميرك منانبك يبقى انت شخص كويس جدا ،استغفرى ربنا ده أهم لان لازم نخاف من ربنا الاول قبل ما نخاف ونركز من رأى الناس فينا ووجهة نظرهم لينا ،وبإذن الله تنسي الموقف ده خالص كأنه لم يكن

الاول صلى استخاره وشوفى مين اللى مرتاحه ليه اكتر مين الى انتى راضية عن نفسك وانتى معاه وبتحسي بالأمان من ناحيته اسأل الله العظيم ان يختار لك الخير حيث كان ويرضيك به

خليك على طبيعتك وعفويتك وابدا اتكلم مع الناس واعمل صداقات ووسع دايرتك الاجتماعيه ،وخطوه بخطوه هتلاقى نفسك بتتحسن وتعرف تتكلم ،اتكلم عن الحاجات اللى بتحبها او اسال الشخص التانى انت مثلا بتحب اى ،اى الهوايات إلى بتفضلها ، ووحده وحده هتلاقى نفسك عرفت تتكلم وبإذن الله تتتحسن ،بس مش معنى كده تكون شخص تانى علشان الناس تتقبلك ،خلى عندك صبر وخد الأمور ببساطه وان شاءالله تتعود تفتح مواضيع مع الاخرين

كبرى دماغك ي جميله وسيبك منهم الشى اللى مقتنعه بيه وحباه اعمليه متركزيش مع أراء الآخرين، المهم تكونى انتى راضيه ع نفسك والباقى شيليه من دماغك ،اكيد هما عايزين يهزوا ثقتك بنفسك ،وبعدين ده بيخلى البنت تزيد جمال عن جمالها حقيقى وبيخليكى وانت ماشيه تحسي انك مميزه ،ربنا يثبتك عليه يارب ويقربك منه محبة وطاعه ياارب