شوفي ،انا بدرس بكليه طب ،وقضيت سنه كامله بعيد عن البنات ،وكنت مقتنع بحياتي ،يعني كنت بتكلم مع واحده بس ابدا م فكرت بالحب او اي شي ،كانت زي صداقه وما كان بينا لي شي ،بس بعد اول سنه ،وفي بدايه سنه تانيه ، اعجبت بفتاه من دفعتي ،و والاه انا للان ما عارف اللي عاجبني فيها ، بعد شوي حبيتها ،لا ممكن تقولي عشقتها ،وهي دفعتي ،وانا كنت زيك ،بضحك على المسلسلات والافلام الرومانسيه لانو م جربت الشعور ده قبل كده ،بس بعد اتواصلتا معاها ، كنت بحس بسعاده شديده ،والله حاجه ما حسيت بيها قبل كده ،وكنتعارف انو ده غلط ، وحاولت ابعد كتير ،حظرتها ،وانقطعت عنها طبعا من دون م تعرف بس كنت تاني برجع ، م قدرت قدرت م حاولت م قدرت امرقها من عقلي وقلبي، وهو كان حب من طرف واحد ، من جانبي انا بس ،كان مؤلم جدا ، بس م كنت قادر اسيب ،بس حصلت مشكله واتفصلنا ،وانا هسا في حاله الم وتعب ،وارهاق ،وضياع ، حقيقي ،كرهت بعدها البنات ، والعلاقات من اصلها ، ف بنصحك اياك والطريق ده ، لانو اللي ما يرضهوش ربنا حتتعذبي بيه
تم النشر السبت، ٥ أغسطس ٢٠٢٣
في مقوله بتقول انو ادمان الاشخاص لا يقل عن ادمان المخدرات ،. وده حقيقه وانا مريت بالحاجه دي ، المشكله انك مليتي عقلك اللاواعي بخيالات وافكار ايجابيه عن شخصيه وهميه ، انتي ابدا ما لاقيتيه او اتكلمتي معاه ، انا عارف كويس كيف احساس انك تحبي انسان وما تقدري تطلعيه من حياتك ، بس كمان عارف انو الانسان لو حاول بقدر يتخطى اي شي ، اولا انتي لازم تكوني صادقه مع نفسك ،انك حبيتيه وهو ما قدم لك اي شي ، حب خيالي ،تاني شي ، انتي لازم تعرفي نفسك وتحبي نفسك اكتر عشان تقدري تتخلصي منه ،في طرق زي انك تكتبي عن مساوي الرجال مثلا وتحاولي تتخيليه بعملها معاك ، مثلا بخيل ، عنيف ، غير عطوف ،فوضوي ،جبان ،و زي ما مليتي نفسك خيالات جميله ، املي نفسك خيبات امل ، يعني اتخيلي انك بتتخانقي معاه كل يوم وفي اته شي ،وانو م بحسن ليك في اي شي ،واخيرا حاولي تقريي من ربنا ده اول شي مش اخر شي ، تحاولي تقربي من ربنا وتدعي انو ربنا يشيله من دماغك وقلبك ، وتعرفي انو فترة التعافي من الادمان ما ساهله وتحتاج لي عزيمه وصبر ،وربنا يعينك
تم النشر الخميس، ٣ أغسطس ٢٠٢٣
لعرض الملف الشخصي في فدني اضغط هنا