shahd hany

عامة انا دفعة ٢٠٢٦ ولسه قدامك فرصة ، هرد نقطة نقطة لان حالتك غريبة انا لاحظت انك لما بتذاكر او تشد على نفسك بتنجح ، بس انت رميت نفسك للفشل والغلط والعادة او البعد عن ربنا او تأجيل او الكسل ودا غلط عامة ، انت اول حاجه تعملها انك متسبقش الاحداث انت اه عايز تنجح عايز تطلع حد مهم عايز تبقى غني يمكن انت حاسس بالنقص من الناحية دي ف بتتخيل في الحتة دي دايما ، انت لو اتعلمت ترضى باللي ربنا قسمهولك كان حالك هيبقى احسن ، دا غير انك لما تفوت ٣ جمعات متصلهمش انت كده واعوذ بالله كافر ويمكن حالك ده بسبب البعد اللي انت فيه ، صلي بجد اول ب اول صلي واتكلم مع ربنا وتفضفض معاه بجد دا هيحسن من نفسيتك وتفكيرك كتير كمان العب رياضة واشغل نفسك واعمل جدول مذاكرة حاول تلتزم بيه وجدول انت هتعمل ايه متفكرش في شغل او متفكرش مستقبل فكر في الحاضر اللي انت فيه صلح سلبياتك حرام عليك عيلتك ومامتك متعشمة فيك وعشان شكلها قدام خالتك خالتك لو من النوع ده هتعايرك قدام والدتك ساعتها ايه احساس والدتك ؟ ليه تقبل ان حد يقلل منك ومن والدتك لا قدر الله وانت بايدك تنجح ليه بدل التخيلات ميبقاش واقع ؟ ليه بدل ما تسمع اغاني وتتخيل انك نجحت ليه متسمعتش قرآن وتنجح فعلاً مش تخيلات وصدقني ربنا هيوفقك ارجع له انت التصرفات اللي بتعملها غلط وانت كده بتضيع نفسك وبتعوض النقص اللي انت حاسه ماديات مثلا ف عايز ترضي النقص انك تشتري من اماكن غالية انك تتخيل مع ان ممكن تبقى كده فعلاً لو ضغطت على نفسك سنة بس تذاكر وتشد حالك احسن ما تفضل عمرك كله ضايع. ومتخليش حد يشمت فيك ويقلل منك ومن عيلتك لو مش عشانك فعشان عيلتك دي وعيلتك اللي انت هتكونها في المستقبل اكيد مش هترضى ان مراتك تبقى قليلة قدام حد وابنك يبقى قليل قدام حد وحد يشمت فيك ف ربنا يوفقك ويهديك صلي الاول وبطل افكار سلبية كلها وساويس الشيطان انا عارفه انك ممكن تكبر دماغك من كلامي زي ما كبرت دماغك من كلام اللي حواليك لما كانو بيقولولك صلي الجمعه بس عامة انت اللي محتاج ربنا مش هو اللي محتاجك عايزو يوفقك ازاي وانت مش بتعمل اي حاجة صح ؟؟! ، صلي وذاكر ربنا يهديك عشان عيلتك ونفسك هيبقى منظرك ايه قدامهم هيبقى منظرك ايه قدام ربنا هيبقى منظرك ايه ؟؟ مستني منه التوفيق والنجاح وانت كل حياتك ذنب وبعدين انت اللي رامي نفسك للفشل وبتقنع عقلك بكده ف اقنع عقلك انك تقدر وحاول وشد حيلك بجد

جربي تصلي وقربي ربنا شوفي ايه اللي مخليكي توصلي لكده هل هو احساس الملل والزهق هل هو بسبب الجو هل هو بسبب فراغ هل هو عشان مش بتخرجي شوفي ايه السبب وحلي الموضوع لو زهق وملل اخرجي جربي حاجات جديده ارسمي روقي اوضتك كلي حاجات بتحبيها اسمعي مسلسل بتحبيه الحياة حلوه لما تعيشيها حلو بس قبل دا كله صلي واتكلمي مع ربنا وهو هيخفف عنك اكتر من الكل واحسن من الكل

قولي لها لو الموضوع اتفتح تاني ان كنت صغيرة او مش ناضجه ومكنتش فاهمه حاجه انا دلوقت علاقتي كويسه مع بابا وبتمنى انها تفضل كويسة وبحبه وبيني قدامها انك بتحبيه فعلاً ، يعني من بين كل الناس راحه تحكي مع عمتك اللي هي اخت ابوكي

ابعدي ! ، انا ك واحده معرفكيش ومش عارفاني انا ممكن اقولك كلام حلو وكلام احلى منه اتمنى تكون وصلتلك فكرة انه الكلام سهل واي حد بيتكلم وازاي يتكلم معاكي في مواضيع مينفعش تتكلموا فيها مثلا ، هو واخدك ك اداة عشان يسد الفراغ اللي حبيبته سببتهوله انا عارفه انه صعب خصوصا انك بتحبيه بس انتي لسه متعلقتوش ببعض ملحقتوش عامة دا انتوا اربع شهور يعني لسه ملحقتوش كمان عمره ما قالك بحبك ؟ وخايف حبيبته القديمه تشوفكم ؟ اسألي نفسك سؤال هل ياترا لو حبيبته القديمه رجعت هيفكر فيكي ويكمل معاكي ويقولها لا انا حاليا بحب واحده ؟ لو الإجابة ب اه هيعمل كده يبقى خليكي الاجابه لا مش هيعمل كده وعقلك بيقولك كده بس قلبك رافض ابعدي قبل اما تتعمقي معاه وتتعلقي اكتر الموضوع هيبقا صعب في الاول بس هترتاحي بعدين لما تبعدي انما لو فضلتي معاه الموضوع هيبقى صعب دايما دا غير ان الموضوع حرام اصلا وكمان مش هو الكائن الوحيد اللي في الكوكب في احسن بكتير واصبري وهتلاقي الاحسن ، اتمنى تكون وصلت الفكرة فاهماني ؟

انت لو واثق انها بتحبك يبقى ادي للموضوع فرصة وروح تاني واسألها عن سبب انها رفضت لو حسيت انه فعلا بدون قصد وانت واثق وعارف انها بتحبك فعلاً وانت بتحبها ومش عايز تسيبها جرب تتقدم وتدي للموضوع فرصة يمكن حصل ظرف روح جرب ولو اترفضت ف خلاص فكك وربنا يعوضك

اعملي اعلانات ليكي وانشري على الفيس وشحن لجميع المحافظات بس خلي اسعارك معقولة شوية عشان الناس تبدأ تطلب منك واحده واحده وخليهم هم يختارو السعر اللي محتاجينه وانتي تعملي على اساس السعر المناسب ملكيش دعوه ب اراء الناس لان بجد بوكيهات الورد مطلوبة جدا خصوصاً الفترة الجاية عشان المناسبات بتكتر في شهر 8 و 9

دوري على مستشفيات محتاجة ثيرابيست او افتحي عيادتك الخاصة لان في مراهقين كتير او في ناس كتير محتاجين في حياتهم ثيرابيست حطي منشور على الفيس مستشفيات محتاجه ثيرابيست او افتحي عيادتك الخاصة واعملي اعلانات ومثلا في ناس بتبقى محتاجة السرية في العلاج ف اكتبي في الاعلانات مع السرية التامة للي محتاج خصوصية أو مش عايز حد يعرف

مش شايفة ان انتي تخينة للدرجة دي عامة بس لو كده ريحيه وشوفي اخره وخسي شوية يعني القوام اللي هو عرفك قبل الجواز حاولي تكبري نفسك وقيمتك قدامه وقدام نفسه وخلي عندك ثقة بنفسك اللي هو انت مش هتأثر عليا انا حاسة انه بيعمل كده عشان زهقان شوية وعايز يتجوز عشان يثبت انه راجل او ك تهديد ليكي ان انا هتجوز لو مخستيش لا هتجوز لو مبطلتيش كلام ف انتي ريحيه وشوفي اخره وشوفي اخرة الحجج الفاضية بتاعته دي ايه حاولي برضو تخليه خاتم بين ايدك اللي هو دلعيه لقب مثلا لطيف من اسمه تنادي له بيه مثلا اسألي كل شويه اكلت انت فين طمنى عليك بصي خليكي انتي زوجته التانيه يعني غيري وهو عايز زوجه تانيه عشان تخفف عنه او تكون مكان تاني مريح عن النقاشات معاكي ف انتي خليكي انتي الزوجة التانية عايزه تتناقشي معاه وفي حاجه ناقشيه براحة وبطريقة ترضيه بس اكيد بعد اما قعدتي تتطمني عليه ودلعتيه شويه وبعدين شوفي ايه مضايقك واتكلمي معاه بس لو فضل مصر على الجواز التاني يبقى هو عايز كده فعلاً وكل اللي قاله حجج ف بيني انه عادي اتجوز وانا هتطلق منك واتجوز برضو اللي هو لو واحد بيغير عليكي او بيهتم او بيحبك مش هيتخيلك مع حد تاني ولو خسيتي مثلا وبطلتي نقاشات معاه ورضيتي الحجج بتاعته ممكن يكبر دماغه من فكرة الجواز وسافري عنده برضو واتكلمي معاه واخرجوا ، ولو صحابه مأثرين عليه قوليله صحابك متجوزين جوازات تانية ؟ اشمعنا انت تتجوز لمجرد ان اي حد يحاول يفرق بينا ويخليك عايز تتجوز ، ف اللي هو شوفي هو بييجي ازاي وبيترضى ازاي وارضيه وحسسيه انه راجل وخلاص

صلي قيام الليل لان ليها تأثير حلو احنا مش حاسين بيه حاولي تتكلمي مع ربنا وتفضفضي معاه وتدعي انه يقرب قلبك له اكتر حاولي تقرإي قرآن وآيات تحسي ان ربنا بيكلمك فيها حاولي تصلي الصلاوات بوقتها الصح اول ب اول عودي نفسك تصحي للفجر نقي قلبك وتأملي في خلق الله وقولي اذكار وادعي ربنا وربنا يجعلك اقرب له ويهديكِ للطريق الصح

الموضوع فعلاً قاسي وصعب على اي حد انا زعلت عشانها وقعدت افكر في حلول مش عارفه بس ممكن هي تفوق لنفسها وتشتغل على نفسها اكتر وتشتغل وتعتمد على نفسها وبعدين تسافر برا وتشتغل برا عشان انا لاحظت انها بتبقى كويس برا البيت وبعيده عن البيئة بتاعتها انتي برضو حاولي كل يومين خليها تيجي تقعد معاكم اخرجوا سوا هو فعلاً اللي بيتأذى من اهله مش بيعرف يتخطى ، خليها هي كمان تصلي وتقرب من ربنا ويمكن ربنا هيعوضها بحاجات احسن بزوج حنين ب عيلة حنينه ب اطفال بارين بوالديهم وحنينين اللي هو خليها تصبر اكتر وتحاول تبعد عن اي اذى نفسي اكتر من كده

قابلك موقف في حياتك اهو طبيعي هتفكري بقلبك وعواطفك ، لكن حاولي مثلا تشوفي سلبيات وإيجابيات الموقف قدامك حاولي تدرسيه حاولي تشوفي انتي هتستفادي ايه وهتنضري في ايه حاولي تلاقي حل حاولي تشوفي بطريقة بُعد نظر متشوفيش بطريقة مؤقتة عشان مشاعرك بس فكري بعقلك ايه الحلو في الموضوع وايه الوحش طب لو حصل كذا ايه اللي هيحصل طب لو محصلش عودي نفسك على التفكير بالمواقف وانتي واحده واحده هتقللي من انك تمشي ورا عواطفك وحطي حدود لكده اسمعي فيديوهات يوتيوب لكده ممكن تفيدك اكتر برضو

محدش هينقذك غيرك سواء الأحداث كانت حلوة او وحشة ف انتي بنفسك قولتي انه ماضي ف مفيش حل غير انك تتأقلمي وتصنعي ذكريات احسن تعوضي بيها الماضي واحنا بنقول انه ماضي ساعدي نفسك وحاولي تعديها لان كله بيعدي سواء حلو او وحش ف بايدك يبقى حلو 💘

العفو 🤍

اتكلمي معايا انا يستي 🙂🤌🏻

مش لازم تتكلمي مع حد لان كلامك مع اي حد هيجيبلك مشاكل وممكن سوء فهم زي ما حصل مع عمتك وكده ف اتكلمي مع مامتك الوحيده اللي مش هتفهمك غلط او مع اختك

العفو دا واجبي

بتمنى تعملي بيه بجد لانها واضحه للكل يعني مش انا لوحدي اللي بقولك ابعدي احنا خايفين عليكي لان باين عليكي لسه صغنونه وجميلة وهو عايز يملى فراغه بكده وانتي عشان بتحبيه بتتعاملي بنيتك مش في بالك وانتي لو عارفه ان اللي بيحصل طبيعي مكنتيش كتبتي السؤال ده احنا هنا كلنا اخوات بننصح بعض للاحسن بتمنى ربنا يهديكي ويعوضك ويبعتلك اللي يستحقك

مش هتظلميه لو تخطيتي الشخص الاول وعرفتي تحافظي على مشاعرك لحد اما ربنا يبعت الشخص الصح وتوبي وقربي لربنا وبلاش استنزاف لطاقتك ومشاعرك لشخص ممكن يكون مش كويس فعلاً ولو كويس ومن نصيبك وعايز يتوب وعايزك انتي ربنا مش هيضيعكم من بعض ف اصبري واستني نصيبك واشغلي نفسك

اشغلي نفسك وتجاهلي ده كله اشتغلي على نفسك واعرفي ان مش عشان واحد بس وحش يبقى الكل وحش احفظي قلبك ومشاعرك وطاقتك لحد يستاهلك قربي من ربنا وطمنى قلبك بوجود ربنا

خلاص طالما انت عارف انها انانية مثلا وعارف ان خلاص معتش في فرصة يبقى فكك وان شاء الله ربنا هيعوضك بالاحسن 🤍

لا شركة البريد اللي هي مشتركة معاهم جمب بيتها ف سهل عليها شوفي اي مكان جمب بيتك او اعرفي ناس تعرف من عندكم ونزلي بوست ع الفيس بتسألي فيهم

هزود على الدكتورة مي حاجة كلامها صح و حرفيا نفس الكلام اللي كنت هقوله هو قرر انه يتوب حتى لو بيقولك كده وخلاص هو قرر البعد ويتوب ف خلاص انتي كمان ابعدي وتوبي بجد هو لو بيحبك وفعلاً كان في وعد بالزواج ف استني لان ربنا طالما شايف انه بعد عشان يتوب في نيته انه هيتجوزك ف ربنا مش هيضيعكم من بعض أنا عارفة ان الموضوع ممكن يكون صعب عليكي فعلاً بس انتي مفيش في ايدك حاجه غير تنسي وتقربي من ربنا وبلاش تدخلي في علاقات تانية استنزاف لطاقتك ومشاعرك انسي احسن لانك هتفضلي مكملة في ذنب وهو اصلا هو اللي قرر يبعد وشايف ان دا احسن انتي ليه تطلعي انتي الوحشة مثلا ؟ ف انتي توبي انتي بجد وابعدي عنه ولو حصل دخلك تاني قوليله عايزني انت عارف عنوان البيت اكيد عندي ناس في البيت اقعد معاهم واتقدم عشان انا قررت اتوب وربنا هداني واعملي كده بعد اما تكوني واثقه من نفسك وتشتغلي على نفسك اكتر وقربي من ربنا هو اللي باقي لك دايما ومش عايز منك حاجه غير القرب والطاعة عارفه انه صعب عليكي بس دا الاحسن ليكي 🤍

سألتها هي متعاملة مع البريد مشتركة معاهم يعني

هسأل صاحبتي لانها زيك وكانت بتوصل برا هسألها وهقولك

بالتوفيق ليها وخليكي معاها برضو 💘

ممكن تقومي كاتبة في السيرش كيفية الانضباط وعدم السير خلف العواطف