هاتيلها هدية عادي ومتندميش على اي حاجه حلوه عملتيها لحد سواء هي بعد كده جبتلك هدية يبقي كويس ولو مجبتش عادي متزعليش عشان انتي كنتي شخص كويس واتعاملتي بطبيعتك وبدأتي بالحب والاهتمام ف متندميش انك اتعاملتي كويس مع حد ابدا عشان ده بيحببك ف نفسك ويخليكي راضية عن العالم قدام ربنا ودي اهم حاجه
تم النشر الجمعة، ٧ يونيو ٢٠٢٤
متزعليش هما اللي خسروكي وهيفهمو ده بعدين لما ميلاقوش حد يقف معاهم زي ما كنتي بتقفي انتي ..وربنا هيعوضك في صحابك الجداد هيعملو معاكي نفس اللي انتي عملتيه مع صحابك القدام والدنيا هتبقي لطيفة ان شاء الله
تم النشر الأحد، ١٩ مايو ٢٠٢٤
يمكنك التكلم معهم بهدوء وتفهم ومحاولة إقناعهم بأنك لن تخرجي عن كلامهم وأن الموعد الذي سيقولونه للعوده ستكوني في البيت خلاله حتي لو قالو ساعه واحده ستوافقي لكي تكسبي رضاهم
تم النشر الاثنين، ٢٩ أبريل ٢٠٢٤
يمكن ده بسبب تأثير مضادات الاكتئاب اللي وقفتيها مرة واحدة بدون الرجوع لطبيب
تم النشر الأربعاء، ١٧ أبريل ٢٠٢٤
مش لازم دايما تعملي حاجه ممكن تدي لنفسك فتره متعمليش حاجه خالص ولا تفكري ازاي تعملي حاجه لحد ولا ازاي تسالي حد ولا تحسي انك مقصره مع حد وتركزي على نفسك وازاي تقدري تهتمي بنفسك وتعملي الحاجات اللي بتفرحك وبس مع الوقت ان شاء الله تلاقي اللي بيعاملك ويديكي زي ما كنتي بتعملي مع الناس بالظبط ♥♥
تم النشر الاثنين، ٢٩ أبريل ٢٠٢٤
حاولي تركزي ف حياتك دلوقتي وان تغيري النمط اللي عايشه عليه حاولي تتعرفي ع ناس جديده وتتعلمي حاجات جديده جربي تشغلي نفسك بنفسك وان مثلا لو بتذاكري تركزي في مذاكرتك عشان بعد كده هي اللي هتنفعك حطي قدامك دايما هدف انك عايزة تتخلصي من الوضع ده ومن. جروح الطفولة ولو خلصتي تعليم ممكن بردو تجربي حاجات جديده زي انك تشتغلي او تروحي الجيم خلي ليكي دايره تاني جديده تلهيكي عن القديم هو مش هيخف بنسبة ١٠٠%بس طول مانتي مركزه مع نفسك وحوليكي ناس وداما مشغوله ده ممكن ينسيكي وممكن مع الوقت متفكريش خالص او لو افتكرتي يبقي بالنبسبالك عادي ومش بتحط باي جرح
تم النشر الاثنين، ٢٩ أبريل ٢٠٢٤
لو شايفه ان الدروس بتضيع وقتك ومش بتستفادي اوي ف خليكي اونلاين احسن توفير للوقت وللمجهود اللي هتبذليه عشان تنزلي الدرس وتروحي وترجعي
تم النشر الاثنين، ٢٩ أبريل ٢٠٢٤
لعرض الملف الشخصي في فدني اضغط هنا