Shalapy Sollivan

طيب بص يا عزيزى ، ربنا يباركلك فى بنتك و يبارك فيك لبنتك ويقويك عليها وينبتها نبات حسن وتفرح قلبك ❤️❤️ حاولت اركز فى كلامك و اوصل للسبب الجذرى للمشكلة و دعو الله التوفيق ف القول وبأكد عليك ان كلامى قد يكون غلط كله لانى مش شايف الصورة كاملة زيك،،، انا شايف و بعتقد ان المشكلة انك بتختار غلط يعنى مش صدفة ان الاختيار مرتين مكنش موفق انا مش قلقان على بنتك ربنا يخليك ليها وحسك ف الدنيا معاها لكن انا هكلمك ف اللى جى وده الاهم ب النسبة للحالية ف مشكورا طلقها و تسريح ب إحسان و ف اسرع وقت قبل م يحصل حمل و تتورط معةعيلين مش عيل واحد العيوب والملاحظات اللر ذكرتها ف الزوجة الحالية مينفعش تستمر معاها بغض النظر فى بنت او لا و دى عيوب مش هتتغير ولا تتعالج و مش مطلوب منك ك زوج انك تربى مراتك المفروض انك تنقيها متربية من البداية ، ف وفر وقت ومجهود معاها و انسف حمامك القديم . نيجى بقى ل اصل المشكلة من وجهة نظرى و هيا معايير اختيارك بصى نجاح و استقرار اى علاقة حتى علاقتك ب موبايلك مبنية على التوافق مش الحب او الاعجاب ، و يعني ايه توافق يعنى يكون الطرفين شبه بعض قدر الامكان شبه بعض ماديا و اجتماعيا و علميا و اخلاقيا و ثقافيا و الثقافة دى مش المعرفة و المعلومات العامة لكن ثقافة الواحد فى التعبير عن نفسه ومشاعره و حتى طريقته في لبسه و اكله وحتى الكلام وطريقته فى الاختلاف و الزعل و الفرح ودى حاجه بيكتسبها من بيئة النشأة والوسط بتاعه مثلا مثلا لو واحدة ريفية عادى عندها انها تخدم حماتها وبالنسبالها ده عرف طبيعى و عادى مع ان ده ف نظر واحدة تانية من المدينة هترفض وتقول انا مش خدامة حد ف ده اختلاف ثقافى. كل ما كان الطرفين شبه بعض كل ما كانو هيريحو مع بعض و هنقلل فرص الاختلاف بينهم ولو حصل خلاف هيعرفو يتفاهمو ويكون فى لغة حوار بينهم بشكل او ب آخر والكلام بتاعى ده يشمل كمان اهلها مش الزوجة بس. نيجى بقى ل اختياراتك معلش يعنى 😅 ومع كامل احترامى للسودانيين بس انت اتجوزت واحدة ثقافة مختلفة وبلد مختلفة ومفيش اى تشابه معاك ، مش هقلك وحشه بس مفيش اى توافق ولا حتى لغة حوار ، هيا مش شبهك ف حاجه ولا حتى الاهداف والشخصية ، انت بتتكلم معاها ف "أ ب" أمومة وومعندهاش مشاعر تجاه الاطفال و مش سوية وبتغير من بنتك و بالمناسبة احب احذرك عادى جدا تأذيها ف غيابك و مقصدش اخوفك لكن للأسف ده حال الدنيا. ده حصل قبل كده عادى اخرهم من يجى سنة او اقل واحدة قتلت عيال جوزها بتاع ٤ ولا ٥ عيال عشان غيرة احسن يرجع ل مراته الاولانية . المهم انك محتاج تاخد وتدى مع نفسك فى انت ليه بتختار غلط و ايه معاييرك ف الاختيار ، الدنيا فيها بنات حنينين كتير و حس الامومة عندهم عالى تكون ام ليك انت شخصيا مش بس لبنتك ، ممكن تحب بنتك انت وتلطف بيهت اكتر من عيالها هيا . بالنسبة ل بنتك و خوفك عليها ف ربنا يخليك ليها طلعها قوية تعتمد على نفسها ف الدنيا ، قوية ف دراستها وقوية ف الرياضة لعبها العاب قوية زى الجودو مثلا بتحسن الشخصية ، خليها تطلع كده عارفه مصلحتها وتزاكر لو حابب نتكلم وناخد وندي تحت امرك

هيييح بص ي عزيزى وطول نفسك معايا ف الكومنت عشان هفصص كلامك حتة انك مش كفايا جايز تكون فعلا مش كفاية بس نسأل نفسنا مش كفاية ف ايه ؟! يعنى اللى حوليك مستنيين منك ايه ، يعنى مثلا مثلا زمايلك فى المدرسة او الدروس او فى منطقتك منتظرين ايه من عبدو ؟! هركن حتة صحابك دى دلوقت وهرجعلها بيتك منتظر ايه من عبدو؟! والله منتظرين منك انك تكون مؤدب مجتهد شاطر ف دراستك مبتعملش مشاكل متعاون معاهم ف البيت وخدوم يعتمدو عليك فى قضاء المصالح ، لما تقصر ف حقهم سعتها هتكون مش كفاية ، مش هطبطب عليك ف الكلام فعلا هتكون مش كفاية بل و عبء عليهم ومصدر تعب مش شايف مصلحتك بقى و مش بتساعدهم الخ و اهم حاجه عند اهلك انك تكون شاطر ومتفوق . نرجع لصحابك بقى و دول قصتهم مختلفة شوية فى مرحلتك الحالية زمايلك والمحيطين بيك عايزينك تكون مميز يعنى ايه؟! يعنى عشان يهتمو يتعاملو معاك ويقربو منك لازم تكون مميز ، ازاى بردو؟! مميز ف اى حاجه تكون شاطر ومتفوق مثلا سعتها هتلفت نظر الفئة الشاطرة اللى بتحب المذاكرة هيحبو يقربو منك ، تكون مميز مثلا ف انك شقى وبتعمل مشاكل ف سعتها هتنجذب ليك الفئة بتاعت المشاكل ويقربو منك ، مثلا تكون بتعرف تلعب كورة ف بردو هيقرب منك الفئة اللى بتحب الكورة ، حتى لو بقيت قليل ادب و بتاع مشاكل وخناقات هينجذب ليك الفئة دى وهتعجبهم وهيصحبوك ممكن تكون مميز ان مظهرك حلو و كوول بقى و بتاع بنات سعتها هتنجذب ليك الفئة دى و هنا بقى هخدك لحتة تانية و هيا انت عايز ايه من نفسك ؟ عايز نفسك كويسة و تشرف و عايز تكون عيل قليل ادب و وحش ، عايز اهلك تحبك ويبقو فخورين بيك ولا عايزهم بيكرهو سيرتك حتى ؟ اختار ، ملكش دعوة ب الناس انت اختار الاوبشنات انا قلتلك عليها لو عايز تكون كويس شوف الشخص الكويس ده بيعمل ايه واعمل زيه . وسعتها اللى زيك هينجذبو ليك مش هيقربو منك عشان انت شبههم وبتحب اللر بيحبوه على حد وصفك لكن هيجذبو لانك مميز فى شيء ، شخصيتك انت ارسمها ، ارسم الشخصية اللر تحب تكون عليها مش اللر حوليك عايزينها ، متحاولش تقلد حد لان سعتها هتكون مسخ لا عارف تكون شبههم ولا عارف تكون شبه نفسك و هتكون بلا هوية . و هلفت نظرك ل شيء مهم ،،،،، خد بالك من حاجه المرحلة العمرية بتعتك دى مرحلة بتحاول تكون فيها شخصيتك و ابعادها ف اللى انت بتحاول ترضيهم دول وتكون شبههم هما اصلا شخصيتهم لسه متكونتش 😅 ف مينفعش تخدهم مرجع ليك تقول انا عايز ابقى شبه ناس ملامحها لسه متكونتش اصلا و عشان كده كون ذاتك ، كون نفسك انت اللى تحبها وملكش دعوة بيهم عبدو حد شاطر وبيزاكر ود و نضيف و مبيعملش مشاكل . خلى الناس هيا اللى عايزة تتعامل معاك و مهتمة بيك وانها تقرب منك مش انت اللى عايز ترضيهم . هقلك مثال عنى انا ، انا كبير شوية للأسف يعنى 😅💔 انا مواليد ١٩٩٤ كان عندى نفس مشكلتك مش مميز ف اي شيء ومش عارف يكون ليا صحاب و هما كانو بيحبو الكورة و انا مش بحبها ولازلت ف على ايامى كان الكومبيوتر اختراع شوية و غالى وانا بحبه ف قررت اتميز فيه فى ٢٠٠٣ كان عندى ف البيت وعندى نت غ بقيت اذاكرو و افهم فيه مش استخدام عادى لا افهمو ك صيانة و تعامل و اوفيس و هارد وير الخ و هما اخرهم بيشغلو لعبة ولا فيلم ف لفت نظرهم و قربو منى بقيت ف ابتدائى كده لو حد الكومبيوتر بتاعه باظ ولا اتفيرس يجيلى اعملهوله ولا ارحله انا و اهله يكونو مش مصدقين صاحب ابنهم بيصلح الجهاز و بتاع ،،، ف بقيت عنصر ابهار سعتها ، طيب ولما كبرت بقيت حد بيحب المعلومة يعنى بجتهد ان يبقى عندى معلومة ف اى مجال او نشاط بالاخص ان طبيعة شغلى تخص الصناعة ف ديما بحب اكون الشخص اللى لو كلمته ف حاجه تلاقى عنده معلومة فيها ف بعرف الفت النظر ب انى عارف معلومة و اتكلم مع الطبيب واجادل معاه و اتكلم مع الصنايعى و اجادل معاه الخ طيب لفت النظر و زمايلك اهتمو يقربو منك و يتعاملو معاك هنا بقى المرحلة التانية انك تخليهم عايزين يتعاملو معاك تانى وده هيحصل ازاى؟! هقلك انك تظهر الحلو اللى انا قلتلك فى اول الكلام اختار لنفسك ولشخصيتك الصفات اللى تحبها يعنى يتعاملو معاك يلاقو شخصيتك حلوة لطيف شاطر مش رخم مش قليل ادب ، انسان نضيف و انك م بتدايق حد يعنى متتريقش على زميل و ديما تسمع الناس الكلمة الحلوة وتشكر فيهم لو حد شكلو حلو قله لبسك حلو ، لو حد فيه صفة حلوة قله عليها سعتهاا انت هتلمسو من جواه اثناء وانت بتعمل ده انت هتتعامل معاهم و هتلاقى منهم ناس وحشه سعتها ابعد عنهم ناس مش شاكرة مثلا او قلبلة ادب ابعد عنهم و متدخلهم حياتك لان دول هيأثرو عليك ويخلوك شبههم ، خليك ديما وسط الشباب الكويسة اللى تحب تكون شبههم ومتصنف معاهم. و هديك تركاية تانية مهمة متحاولش تثبت لحد انك مميز و اد ايه انت حد حلو ، خليهم هما اللى عايزين يكتشفوك ويقربو منك و معجبين بيك ، متبقاش انت اللى بتتمحك فيهم و عايز تحشر نفسك فى شلة معينة بطريقة خدونى معاكم جمع الصفات الحلوة اللى تحب تكون عليها وسعتها هيبقى عندك شخصية حلوة و هكررلك فى اخر كلامى اعمل شخصيتك انت متحاولش تقلد شخصية حد ، خليك انت النسخة الافضل منهم كلهم يارب اكون احسنت القول و قدرت اوضحلك حاجه تساعدك 🙏🏻❤️ ، و تعديل : اكتر حد مميز وبيلفت النظر ف الدنيا كلها مش فى عمرك بس هوا الانسان الشاطر الناجح اللى مبيأذيش ، و عايزك تلعب رياضة قوية مثلا بوكس او تايكوندو هيفرقو جدا ف نظرة اللى حوليك وهيفيدو شخصيتك و تلعبها يعنى تستمر فيها مش تروح شهرين وتمشى

بص نجاح و استقرار اى علاقة حتى علاقتك بموبايلك مبنية على التوافق مش الحب و يعني ايه توافق يعنى يكون الطرفين شبه بعض قدر الامكان شبه بعض ماديا و اجتماعيا و علميا و اخلاقيا و ثقافيا و الثقافة دى مش المعرفة و المعلومات العامة لكن ثقافة الواحد فى التعبير عن نفسه ومشاعره و حتى طريقته في لبسه و أكله وحتى الكلام وطريقته فى الاختلاف و الزعل و الفرح مثلا مثلا لو واحدة ريفية عادى عندها انها تخدم حماتها وبالنسبالها ده عرف طبيعى و عادى مع ان ده ف نظر واحدة تانيةهترفض وتقول انا مش خدامة حد فده اختلاف ثقافى. كل ما كان الطرفين شبه بعض كل ما كانوا هيريحو مع بعض و هنقلل فرص الاختلاف بينهم ولو حصل خلاف هيعرفو يتفاهمو ويكون فى لغة حوار بينهم ، و وفقا لكلامك فى اختلافات كتير ثقافية و أخلاقية و مادية الخ ، فأيا كان قرارك عرفها بيه ، و كده كده ده حب مراهقة مبيكملش

طيب بص يا صديقى عايز اقلك اشكر الله ثم اخوك ، انا كنت زيك كده وتحايلت على الامر لكن هلفت نظرك لشيء ، خبرة التواصل مع بنات مش انك تعرف تتكلم او تتعرف وتتقدم ، التقديم لبنت ملوش علاقة بإنك حبيت قبل كده او كان عندك علاقات مع بنات يعنى السكتين غير بعض ، حتة انك تتقدم وتتكلم دى حلها ان اسرتك تجيبلك اقتراحات ومعارف مباشرة لكن الجزء الاخطر من وجهة نظرى فى مشكلتك هي انك مكتشفتش ذاتك و مكونتش خبرة مع الجنس الاخر اللى تحكم بيها على بنت يعنى لما اسرتك تجيبلك عروسة و قعدت معاها فأنت متعرفش تحدد انت احتيجاتك ايه وبتدور على ايه وهي عجباك ولا لا وتناسبك ولا لا و عجباك غير تناسبك على فكرة خد بالك ،،، أنت كولد اتكون عندك من غير ما تحس خبرة فالحكم على الشباب يعنى لو في الشغل جالك حد جديد معاك ممكن ف يومين تحكم عليه وتقول حلو ولا وحش و ارتحتله ولا لا ولو حصل بينكم خلاف ممكن تديره و تاخد وتدى معاه و تشد عليه و تتخانق كل ده هيحصل بناء على الخبرة اللى عندك ، فأنت بقى معندكش خبرة التواصل دى مع بنت ، بالاضافة إلى إن الولد بيكون عنده شوية افكار خرافية خزعبلية عن البنت بتتغير من خبرة التواصل و التعامل ، وخلينى اختملك كلامى بأسئلة مهمة ، انت عايز تتجوز ليه ؟ وهل شايف نفسك تصلح للجواز وليه؟ -لا أقصد التقليل- بتدور على ايه فالجواز؟ ومتوقع ايه من شريكة حياتك ؟

طيب خليها دردشة كده بنا ،،، ايه شكل العنف الجسدى و ليه بيخدو موبايلك ومصروفك ؟

بصى يا رقية ما لا يدرك كله لا يترك كله ، اى حاجه بتشتتك او تفصلك او تاخد وقتك ف هيا مش اهم من مستقبلك ومن مصلحتك ، متستخسريش ف نفسك انها تكون احسن و اشطر متستخسريش التعب ف مستقبلك ، بعد الامتحانات هتفضلى تندمى انك معملتيش اللى عليكى بعد م يكون الوقت عدى ، ف لو مساعدتيش نفسك محدش هيقدر يذاكرلك او يديكى برشامة تخليكى تذاكرى

العفو ، ربنا يوفقك لكل خير

طيب هوا اظن انك محتاجه محامى معرفة يتعامل او عالاقل يقلك تتحركى ازاى ، احنا نصايحنا كلها هتكون غير دقيقة لاننا غير ملمين ب تفاصيل الوضع و قدراتكم ف الفعل ورد الفعل و قدرات الطرف البلطجى اخره فين ، و كمان مش ملمين ب احراءات القانون ، مقصدش اقفلك لكن ده تصورى عن الوضع ،

ربنا يوفقك للى فيه الخير ليك

الدين زى العلاج كده مينفعش تخده من غير مختصين او بالنقاش ، تخيل حد بيستخدم علاج ضغط عشان صاحبه جربه و ريحه جدا 🤔

فى حلين ، الحل السهل انكم تمشو من المكان ، الحل الصعب انكم تعملو محاضر فيه و تتعاملو قانونيا

الحلال والحرام ليه المختصين بتوعه مش بناخده من متسولين و أوصياء الدين ، اتفضلى اتصلي ب ١٠٧ ده رقم دار الافتاء

الحل ف حاجتين ، الغى اى حاجه ف يومك غير ي بتذاكرى ي نايمة و مفيش موبايلات ،،، محدش هيفيدك زاكرى قبل م تخسرى كل حاجه

مهو ده تعريف الشخص التوكسيك ، نصيحة ليك متقطعيش معاها اتدربي فيها عالبرود ، اه بكلمك جد طوري مهاراتك فيها ، اتعاملي عادى ولما تطلب حاجه قولي لها مش فاضية مش معايا ولما تتغير معاك زى م بتقولي تجاهليها جدا و اتعلمي تهزري مع غيرها و متبصيلهاش حتى كأنها مش واقفة ، ولو بعتتلك واتس مثلا اتعودي مترديش على طول حتى لو فاضية مفيش مشكلة تخليها تانى يوم عادى وقولي مخدتش بالى كنت مشغولة ، هي بتلعب عليك نفسيا و دى خبرة مطلوبة ف الحياة هتلاقى بيئات عمل توكسيك ومديرين وزمايل عمل توكسيك. و صحاب كده بردو ، فأنت شكلك محترمة ف فرصة ليك تتدربي فيها وانا معاك ف الكومنتات لو حبيت توجيهات

يبقى متزعليش لو اهلك ساعدوكى تبعدى بأنهم يحرجوكى ادامها ولا يصغروكى ويعلملوكى ك عيلة 🤷🏻‍♂️

مهو مش صح نحب حاجه هتأذينا 🤔

اجمعيهم مع بعض ف وش بعض وقوليلهم اللى جواكى بشكل واضح ، او كلمى كل واحد لوحده

الحل الوحيد اللى مفيش غيره تخدى اسكريناتك و حوراتك دى و الاذى اللى سببهولك و من سكااات كده تموتى قلبك و تلغيه وتطلعى على القسم و تستاهلى اللى يجرالك لو اتنازلتى

امممم ربنا يسعدك و يريح قلبك، انت محتاج طبيب نفسى و اعمل ده ب اسرع وقت عشان توفر وقت وتفوق ل نفسك ، مشكلتك مش صعبة ان شاء الله لكن لازم متخصص ، و عن اذنك متتخاذلش و روح

متجوزين كام سنة و الطفلة كام سنة و ايه سبب انه قال كده ولازم تقولى اسباب حقيقية ودقيقة لان مش منطقى راجل يفكر ف طلاق بسبب خلافات عادية على حد قولك ، وكونها متكررة زى م انتى وصفتى تبقى مش عادية خالص .و هل بيحصل بينكم حوارات و فضفضة فى المشاكل دى ولا لا و مين اللى بيبدأ فضفضة انتى ولا هوا ، معلش سؤالك مش بسيط اوى كده عشان نرد ب أه او لا

مع كامل احترامى لكل التعليقات فما هى الا اجتهادات بحسن نية من وجهة نظرهم ، اللى استنتجته من كلامك ان سنك صغير يعنى اقل من ٢٠ فانا معدى ال٣٠ وعندى نفس مشكلتك من الطفولة وتجاهلتها وشغلت نفسى و بتاع الموضوع تطور معايا لما كبرت لحاجات أسوأ ف هقلهالك بوضوح ان أى حل غير انك تروحى لمتخصص تعتبر مخاطرة على حسابك ، انا رحت ل متخصص بعد م عديت ال٣٠ و الموضوع تفاقم و بقى ليه توابع مش حابب اقلك مسميات حتى ولا اقلك اعراض عشان معملكيش وهم

محتاج اعرف عندك كام سنة

بصى المعارف ف حياتنا ي بتفيدنا ي بتضرنا ، كل علاقة و كل شخص ف حياتك بتكتسبى منه ويكتسب منك و بتأثرو على بعض من غير م تحسي ، و بناء عليه ديما ي تصاحبى اللى شبهك ي الاعلى منك ، غير كده يبقى قلتهم احسن ، قلة الصحاب افضل قبل سن الكلية ده هيساعدك تركزى ف مستقبلك ، و وفقا للى قلتيه ف هيا كلها عيوب ومتناسبكيش ف ليه تحشريها ف حياتك و هيا سحباكى لتحت وتبقى محطوطة معاها ف نفس التصنيف

دراستك ايه و طموحك ايه و ايه شغلك ف المصنع ب الظبط و نشاطك ايه ف المول ، عايز اعرف شكل الخبرة المكتسبة

محتاج اعرف عمركم انتو الاتنين كام سنة