𝑁𝑎ℎ𝑒𝑑 𝑌𝑜𝑢𝑛𝑢𝑠

حابه اقولك إنك مش لوحدك كده حقيقي كلنا بنمر بفترات زي كدا وبتفضل تأثر علينا فينا اللي بيقدر يتخلص منها بفضل ربنا وفينا بيستسلم لضعفه ويفضل فيها ولكن خطوتك بأنك تتكلمي وتقولي انك عاوزه تتخلصي من كل دا فدي اول خطوة ف حل اي مشكله وهي انك تعرفي المشكلة الحقيقة ثم بعد كده تبدأي تلاقي حل ليها هحكيلك عن تجربتي مع نفس الاعراض اللي ذكرتيها دي اول حاجه انا عملتها هي اني صغرت دايرتي جدا بعدت عن الاشخاص اللي بتقلل مني او بتسخر من شخصيتي قربت من ربنا بالدعاء كنت بدعي ربنا كتير اووي وبالح ف الدعاء لدرجه مغيش مرة دعيت الا وبكيت فيها وكتير اووي ودا كان او عامل ف انقاذي ومساعدتي اني اتخطا مكنتش بتكلم مع اي شهص ومازلت لان مفيش حد هيحس بيكي زي ربنا ثم نفسك ممكن الاهل ميفهموش الحالة اللي انتي فيها ولاننا متعودين منحكيش فبنحس اننا تايهين لكن جربي تتكلمي مع ربنا لو عشر دقايق ف مكان لوحدك لو حتي فوق سطح البيت كنت بعمل كده كنت بشكي لربنا كل حاجه ومن الناس اللي بتتعبني وبتأثر عليا من حاجات مضايقاني من اني عاوزه اتغير واقرب منه كل حاجه كنت بقولها لربنا وكنت دايما اتكلم مع نفسي واحفزها واذكرها ان ربنا مسبنيش ف اللي فاتت فمش هيسبني المره دي كمان واني لازم افضل احاول واصبر عشان اوصل للنسخه والشخصية اللي عاوزه اوصلهم وصغرت دايرتي جدا ويمكن لغيتها وعرفت ناس جديده وبدات اهتم بنفسي وبحياتي واطور من ذاتي وشخصيتي صدقيني كل اللي انتي فيه طبيعي لكن الاهم من دا هو انك تتعامل بعقلك شويه بلاش عواطفك تتحكم فيكي خلي وقت تقعدي فيه مع نفسك هتاخدي وقت ومش من يوم او اتنين لكن هتلاقي نتيجه حتي لو بعد وقت طويل الاهم متياسيش من ربنا والحي ف الدعاء ربنا يوفقك ويخفف عنك وتوصلي لكل اللي بتتمنيه يارب 💗💗💗🌷

في منصات حلوة جدا بتدي كورسات معتمدة ومدي الحياة زي كيان بلان بي بدرس معاهم كوىس تعلم البرمجه والانجلش وكورسات مهارات كتيرة جدا واونلاين يعني بتوفر وقتي جدا وبيكون معايا الكورسات لمدي الحياة ممكن تبحث عنها لو بتفضل الاونلاين او اساعدك توصلهم بالتوفيق يارب دايما

اول حاجه فاختيارك لحاجة زي كده خاصة بمستقبلك فصلاة الاستخارة اول خطوة نعمله وربنا هيدلنا عالطريق الصح تاني حاجة وهي ميولك او رغبتك و مهاراتك اتجاه المجال دا لان دا بيفرق بعد كده ف دراستك لو المجال انت بتحبه وميولك ليه بيكون تطويرك ليه ولنفسك فيه ممتاز جدا وبتشتغل علي بكل طاقتك عكس ما يكون مش حابه تالت حاجه فلو بتتكلم عن سوق العمل والمستقبل ف ف على ما اعتقد وحسب معرفتي قسم مساحه لان علم نفس بقى قليل بسبب الغاء تدريس مادة الفلسفة لثانوية عامة لكن صلي استخارة باذن الله ربنا هيختارلك اللي فيه الخير ليك بالتوفيق يارب دايما 💗💗

اول حاجه حابه اقولك إن اقدارنا مكتوبة من قبل ما نتولد وكلنا عارفين كدا ولكن دايما بنسمع جملة بتتقال الا وهي "اقداركم تأخذ من أفواهكم" ولكن هنا تختلف وتحتمل وجهين بمعني لو دايما بتفكر بنية كويسة وبأن ربنا قادر يغيرها ويبدل حالنا ويكون عندك يقين ف ربنا وكلامك دايما كله تفاؤل و ثقة ف ربنا فدا ممكن يكون سبب ف ان ربنا يغير من قدرك فعلا ودا لحسن ظنك فيه وثقتك وإيمانك الكبير بقدرته ع تغيير حالك ولكن لو لو ربنا شايف ان فعلا اللي بتلح بيه فيه الخير ليك بمعني مش لازم دايما يتحقق ولكن لو فيه الخير ف ربنا هيكرمك بيه عشان كده ادعي دايما بان ربنا يجعلك الخير ف اللي عاوزه يتحقق والجانب التاني هو الخوف زي ماذكرت ف سؤالك وهنا ممكن يكون الخوف دا عدم يقين كافي بقدرة ربنا او انك بتعتمد ع الاسباب اكتر من رب الاسباب او انك مش بتدي فرصه لنفسك تواجه خوفك دا وتفكر ازاي تتخلص منه عن طريق انك بس تسأل ربنا فيه وتطلب منه يخلصك من خوفك ويجعلك الخير ف قرارك او تفكيرك فلازم نتخلص من خوفنا بإيمان ويقين وثقة ف ان قدر ربنا كله خير وربنا يوفقك ويخلصك من أي افكار وحشه او ممكن تاذيك ويكتبلك الخير باذن الله ♥

جمله علاج نفسي او بتعالج نفسيا فهي لوحدها مرض بمعني ان الشخص بيفهمها بطريقه بتتعبه اكتر وبتخليه يحس انه مش طبيعي وانه مختلف عن غيره وانه حد مريض لكن لو هندور عالمفهوم الصح فالمرض النفسي ما هو الا فوضى داخليه فوضي في التفكير في العقل في القلب فوضي داخليه وعاصفه كبيرة اووي نتيجه تراكمات ويمكن اغلب الاشخاص اللي بيعانو منها هما الاشخاص الكتومين والحساسين زياده عن اللزوم بسبب مش لاقيين حد يفهمهم او يستوعب تفكيرهم لكن مش لازم ناخده ع انه مرض بالعكس علي انه فتره طبيعيه في حياتنا لازم نمر بيها بسبب شخصيتنا والمجتمع اللي حوالينا لو عاوزه علاج حقيقي فمفيش غير العلاج الروحاني يعني القرب من الله عز و جل صلي ركعتين قضاء الحاجة بنيه ان ربنا يخفف وجعك والمك وتبقي افضل من الاول ادعي كتير خاصه في الثلث الاخير خلي ورد القران ولو هتستمعي ليه هيريحك جدا من اي تعب وارهاق للتفكير او لقلبك اقعدي في اماكن طبيعيه كتير وخدي انفاسك وتأملي دا كله هيساعدك ترجعي تاني لطبيعتك والاهم تخرجي فكره مرض نفسي دي لانها سبب كبير في تعب وانه يزيد أسأل الله عز وحل ان يرفع عنك ألمك ويزيح همك ويفرج كربك ويجعل القرآن الكريم ربيع قلبك اللهم آمين 🦋♥♥♥

طبيعي تفقدي الثقة فيه بعد كذبه وهو غلط انه كذب من البدايه ولكن هنا لازم تعرفي اي كان الدافع ورا كذبه هل مثلا عشان بيحبك ومش عاوز يخسرك ولا عشان هو عاوز يبان انه شكله وسنه مناسبين ليكي ولا كان غرضه الكذب وانه مش هيكمل يعني هنا بتختلف فلو كان غرضه انه مش عاوز يخسرك وان نيته خير وحابب يكمل معاكي وحقيقي صادق في مشاعره ليكي فحتته السن دي ممكن تتخطيها ولو عالشكل فلو الحب حقيقي ما بينكو صدقيني مش هيفرق ما بينكو حاجه زي دي بس لازم تحددي هل هتقدري تثقي فيه بعد كده او لا وهل مشاعره حقيقه او لا هل هتتأقلمي مع شكله و سنه او لا عشان ميكونش عائق لبعدين وربنا يكتبلك اللي فيه الخير باذن الله ♥

الطلاق من اكتر اسبابه هو عدم التقدير والتفاهم ما بين الزوجين لان علاقه الارتباط طبيعي تكون مبنيه عالحب والتفاهم وتقدير الطرفين لبعض مبنيه عالمشاركه والاحترام دي اساس اي علاقه فعدم وجودها طبيعي العلاق تبدأ تدهور والوضع بيكون صعب جدا للتعايش بين الطرفين فتبدأ تحصل مشاكل اكبر واكتر لحد ما بتوصل للطلاق ويمكن دا بيكون حل مناسب للمشاكل اللي بتحصل دي بس في الاول والاخر كل حاجه نصيب وظا بيكون نصيب ومقدر انه يحصل رغم إن الأبناء اكتر حد بيتظلم في علاقه الاهل مع بعضهم لما بتسوء ولكن دا نصيب

هقولك علي نصيحه من اخت ليكي لو انتي محبتيش نفسك وافعالك وشكلك وكلامك وطريقتك فمتستنيش من حد يجي يقولك كدا لازم تحبي نفسك اولا ازاي تهتمي بمميزاتك ومهاراتك تطوريها دا يخلي عندك ثقه بنفسك اكتر حاولي الابتعاد عن كل حد بيكسر ثقتك بنفسك وقربي من ناس أكثر تفاهم وتحببك في حيانك ومميزاتك مش العكس وانتي جميله من غير راي حد بتمنالك التوفيق دائما ♥️♥️🥰