Habiba Mohamed

لازم تعرف انك ملكش ذنب في كل اللي بيحصل ده لكن كل اللي انت حاسس بيه دا شئ طبيعي ومفهاش مبالغه خالص بس بيفرق بين شخص وشخص تاني في بيقاوم الاكتئاب ويكون احسن وفي اللي بيستسلم للاكتئاب فبلاش تستسلم للاكتئاب هيدمرك وهيضيع اي تعب انت تعبته فحاول تفضف مع شخص تكون واثق فيه ومرتحله او لو مفيش تقدر تكتب كل اللي بتحس بيه او ترسمه مثلا لو بتعرف ترسم اه والله زي ما بقولك كده يمكن تكون مستغرب لكن لا اعمل بس كده وحاول مثلا تعمل حاجه انت بتحبها متخلكش تفكر في الاوضاع دي حاجه بتكون مبسوط وانت بتعملها وانت شخص ناجح مشاء الله اللهم بارك فمينفعش تضيع تعبك كل دا كده في حاجه انت ملكش زنب فيها لازم ترجع تاني وحاول تركز حتى لو هتنجز حاجه صغيره مش شرط حاجه كبيره ووحده وحده هترجع زي الاول واحسن كمان وان شاء الله ترجع كل حاجه زي ما كانت وتكون كويس

بصي بلاش تقولي للمس لان لو صحبتك عرفت ممكن الصحبة اللي بينكم تتحول لكره انك روحتي قولتي للمس لكن انتي انصحيها تاني وقولي لها بلاش تاخدي من اجابات الكراسه حاولي تحلي مع نفسك ولو في حاجه وقفت معاكي تعالي وانا هشرحهالك لكن بلاش غش لانك كده مش بتستفادي وقولي لها انكو تذاكرو سوا ولو بعد دا حصل منها نفس الحاجه قولي لها انتي لو غشيتي الاجابات تاني انا هقول للمس هدديها يعني فممكن تخاف ومتعملهاش تاني بس بلاش تقولي لها كده الاول الاول بس اعملي اللي عليكي وحاولي معاها انك تشرحلها وتذاكروا سوا وبعدها تبقي تقولي لها كده وان مكنش ممكن تقولي لوالدتها

هي مساله وجهة نظر بس لكن المفروض لو بتحبو بعض زي ما قولت تحسن نفسك وتتعب عشانها وهي تكلم والدها مش تستسلموا من اول الطريق انت مش قليل انت معيد وشويه وهتكون دكتور ان شاء الله فكل اب بيحب يشوف لبنته الاحسن ودي حاجه اكيده ممكن متعرفهاش لانك شب لسه مبقتش اب انت وهي اعملوا اللي عليكوا والباقي على ربنا ولو ليكو نصيب في بعض هيكون لو اي .وربنا يقربلك اللي فيه الخير ليك وليها

ركز فاللي جاي ومتفكرش في اللي فات وحاول تذاكر السنه دي اول بأول وتعمل خطه ليك وتمشي عليها عشان تجيب تقدير كويس في السنه دي وبعدها متفكرش فالتقدير بتاعك حتى لو مكنتش راضي عنه بعد ما تتخرج ان شاء الله تقرأ كتير وتسأل وتتثقف عن الموضوع اللي انت عايزه لان التقدير الكليه هو مهم لكن مش هيكون مهم قدام ثقافتك وشطارتك.

عندها حق مش كل الناس زي بعض ومينفعش حياتك تكون كلها شغل وبس لازم تتدي لنفسك وقت يكون خاص بيك ميكنش للشغل وان يكون ليك صحاب فعلا هيفرق معاك

انك تهرب دا مش حل خالص والله لازم تواجهه اي حاجه تتعبك اما الهروب هتفضل كده اللي بتهرب منه هيفضل وراك وهتلاقي نفسك بتابع وبتعرف كل حاجه وهتتعب بردو انت حاول تفصل من السوشيال خالص يعني متبعش حاجه الفتره دي وحاول تعمل اللي قولتلك عليه وان شاء الله هتكون بخير وهتتحسن