A. YA

في كل الاحوال لو هتقبلي العريس بلاش تظلميه .. لازم تكوني متاكدة انك تخلصتي من مشاعرك من الشخص التاني

فكري ليه اداكي رقمه مكلمش اهلك مثلا؟ وجراة كبيرة انه يديكي رقمه وسط اهلك

حاولي تستغلي رمضان في انك تخسي مش العكس لان الصيام مفيد جدا للتخسيس

دة طبيعي لان المذاكرة مش شئ ممتع بالنسبة لنا حاولي تشجعي نفسك وتحطي هدف او مكافاة ليكي لو ذاكرتي جزئية معينة

الناس كفوا ووفوا في الردود ف انا محتاجة اسال حضرتك عن اختك .. هل هي متذكرة اللي حصل؟

لااااازم الدكتور هو اللي يوقف الدوا من نفسه لان بيكون ليه اعراض انسحاب ارجع للدكتور لتظبيط الجرعة تاني

ممكن حضرتك تكشفي عند دكتور وبيكون ليه علاج وكنترول عليه متقلقيش

لو جد هيتقدم بشكل رسمي لكن جو النظرات دة بدون اي كلام رسمي من ناحيته يبقى مش جاد

ممكن يكون دة بسبب حالتها النفسية وقتها وللظرف اللي كان موجود؟

لازم تمسحي اي فايلات في الموبايل ليها علاقة بالواتس اب الذهبي

اهم حاجة تثبتي على موقفك وانك لازم تاكدي معاه ان الموضوع دة ميتكررش يا اما يشوف حد مناسب ليه

من اكتر الحاجات اللي بتشجع على الصلاة هو الوضوء المستمر حاول تكون متوضي باستمرار بحيث اول ما ياذن الاذان تكون جاهز للصلاة وتصلي ومش هيكون فيه كسل

مستشفى الدمرداش فيها كشف بسعر رمزي حاولي تشوفيه لان لازم دكتور شفاكي الله وعفاكي

الدنيا دار بلاء وانا عارفة ان احيانا كثرة البلاءات ممكن تخليكي تفكري كتير ادعي كتير ربنا يفك كربك ويعديكي من الفترة السيئة دي وباذن الله ربنا هيكرمك

فيه كشف نفسي في الدمرداش سمعت انه كويس وبمبلغ زهيد

حاولي تتكلمي معاها يمكن هي بتتكلم بعفوية ومش مدركة ان انتي كمان محتاجة تتكلمي

جزاك الله خيرا ويارب الناس تفضل تذكر غيرها باستمرار ..

فكر في انك ضيعتلا وقت كفاية وهما 4 شهور وترتاح حط في بالك الندم اللي هتحس بيه لو ظهرت نتيجة تقصيرك وشجع نفسك بانك تحط اهدافك قدامك حاول ترافق الناس اللي مش مستهترة واللي هتساعدك على عدم تضييع الوقت

الاطفال طبيعي جدا يتخبطوا ويقعوا دة طبيعي ... دورك انك تاخدي بالك منه بس مش هتقدري تحميه من كل حاجة

هو بعيدا عن فكرة الارتباط نفسها وان مكانش فيه شئ رسمي .. اي حد عندك مشكلة في علاقتك معاه اتكلم معاه متتجاهلوش او تهمله

الادوية مهمة وتخيل انها حل لتعبك .. بالنسبة للاعراض الجانبيو فمتابعتك مع الدكتور هي اللي بتحدد يغيرلك مثلا الدوا دة ولا لا لو حصل اعراض جانبية شديدة لا قدر الله

حاول تبحث باسم ال error المكتوب وشوف هيظهرلك ايه ..

بلغ عنه واعمل محضر نصب وممكن يجيبوه من حساب الفيس بتااعه

الحل انك تتأقلم انك تستغنى عن الشخص دة ومساعدته وان لو عندك ايه متلجأش له ابدا لو شايف فيه امل او يمكن كان عنده ظروف وقتها فممكن تعاتبه كفرصة اخيرة

حاول تعمل خطة ولو بسيطة وتبدا فيها من دلوقتي زي مثلا ورد ثابت من القران او البدء في تفسير القران والصدقة البسيطة يوميا

عليك بالاستغفار والتوبة الى الله وبالنسبة لتكفير الذنب فممكن تسال دار الافتاء افضل عشان تقدر تعرف ازاي تطهر مالك

هل اتاكدتي من عدم وجود الجرثومة بالتحاليل ؟ لان دة شئ مهم تاني حاجة حاولي لو تقدري تروحي لدكتور سمعته كويسة عشان يقدر يوصل للمشكلة

فيه تطبيقات مخصوصة ممكن تنزلها وهي بتمنعك عن فتح تطبيقات معينة او بتحددلك وقت معين في اليوم تفتح فيه زي ان مثلا تفتح الفيس ساعة واحدة فقط

والله مش بننساكم ابدا من الدعاء والدعوة للمقاطعة لمحاولة المساعدة ب اي شئ ربنا ينصركم ويبعدهم عنكم وتستردوا ارضكم امين

بلاش القروض الله يكرمك لانها والله بتدخل بالخراب لا قدر الله شوفي حد قريب يسلفك وتسدديله على مدة او تدخلي جمعية

تطبيق دوولينجو ممتاز جدا ممكن تجربيه وتشوفيه وفيه بردو قنوات على اليوتيوب زي rachel's english

القولون العصبي بيكون بردو محتاج تهتمي باكلك وهو تعبان انا مثلا منتجات الالبان والبقوليات بتتعبني جدا فلو انا قولوني تعبان ببعد عنهم عشان مستفزوش اكتر

حاولي تقضي على قد ما تقدري لغاية رمضان وبعد رمضان حاولي بالتقريب تحددي عدد ايام الافطار اللي فاتتك وتقضيها وتحطي النية انك عايزة تقضي كل الايام اللي عليكي باذن الله وربنا يقدرك

انا كنت بستخدم سماعة عادية بس افضل نوع هيدفون جيبته كان miniso وبتقعد بس مش عارفة هي حاليا مقاطعة ولا لا

بالدعاء او التبرع للجهات المعنية ب دة زي مرسال والاهم هو المقاطعة وعدم التوقف عن التحدث عن محنتهم في السوشيال ميديا

الافضل حضرتك توديه لطبيب عشان التعب ميتطورش لا قدر الله

تابعي شيفات في اليوتيوب او الفيس مليانين شيفات كويسين جدا عندك مثلا اية حبيب او نادية السيد او محمد حامد او مروة السرجيني او مروة الشافعي لو متذكرة اسمها صح ممكن تكتبي الاكلة اللي انتي عايزاها في اليوتيوب واختاري اكتر فيديو عليه مشاهدات وكومنتاته كويسة ونفذيه

اعتقد مادام بزارير ومفيش فيه واي فاي مش هينفع

ممكن تحاولي تفهميهم ان مش بالضرورة يكونوا هما السبب وانتي محتاجة تروحي لدكتور عشان تعرفي السبب مستشفى الدمرداش بتقدم كشف نفسي بسعر رمزي

ممكن يكون حاجة صحية واحيانا بيكون من الحزن الشديد

لازم يكون معاكي خط

موقع ينفع مفيد جدا وكل فترة بيكون فيه خصومات على الاشتراك

تطبيق duolingo رائع

بيضيع وقت جامد لو سرحت ومحددتش وقت معين ممكن يحسسك ان فيه نقص معين عندك ماديا او امكانيات عامة من كتر ما الناس بتصدر صور وحياة مثالية فقط

لو حاسة ان الاعراض زادت الافضل تكشفي للاطمئنان

دة اكيد طبعا هيفيدك خصوصا لو لغة مش صعبة او مطلوبة كتير زي الالماني مثلا

حقك جدا ان حاجة خاصة بيكي وتعبتي فيها متحبيش تديها لحد بس حابة احكيلك على حاجة كان عندنا في الكلية جروب عامله زمايلنا اسمه " الدحيحة " .. كانوا بيذاكروا ويلخصوا اللي ذاكروه ويعملوا بنك اسئلة كمان لان مكانش عندنا بنك اسئلة ولا امتحانات سابقة لان نمط الامتحان اتغير وكانوا بيعملوا بنك الاسئلة دة عشان نتدرب على الامتحان هل احنا طلبنا دة منهم ؟ لا هل هما لخصوا المواد واحنا اللي طلبنا منهم زيادة يعملوا بنك الاسئلة ؟ لا هل اللي عملوه خلى كل الدفعة من الاوائل والدحيحة دول بقوا في ذيل قايمة الاوائل ؟ لا الاول على الكلية في الدفعة اللي قبلي كان بيعمل قبل كل امتحان ملخص للمواد ومسميه " الزتونة " لاي حد ملحقش يذاكر كويس او اتكاسل ومبدأش مذاكرة اصلا واتزنق سؤالك جميل وبيدل على انك شخص لوام لنفسه وبتخافي تكوني كتمتي علم ودة يدل على انك انسانة جميلة اي ملخص خاص بيكي مش عيب انك متديهوش لحد بس انتي كشخص هتزيدي لو شاركتي مجهودك مع غيرك مع العلم ان ملخصك مش هو اللي هيخليهم هما متقدمين عنك ( مع ان دة مش عيب ) بس انتي ممكن تدي واحد ملخصات الدنيا وبردو ميعرفش يحل ومتزعليش لو حد اخد منك جنب لان دي هيكون فعلا اللي بيتقال عنك للاسف

البريود عامة بتختلف اعراض تعبها من حد لحد فممكن هي تعبها عندك بالقئ وبردو هي احيانا بتأثر على القولون ولو القولون تعبان جدا بيؤدي لقئ بردو

اغلى ما يملكه البني ادم هو كرامته .. لو اي حاجة هتمنع عنك اذى نفسي بس هتهين كرامتك يبقى كرامتك اولا هو واضح وصريح وانتي محتاجة تكوني صريحة مع نفسك

لو تعرف ناس في محيطك يكون افضل لو انت بتشتغل ممكن تديها لعاملي النظافة في المكان نظرا لان الظروف بقت صعبةة

ياريت تكشف على الاقل للتاكد انها قرحة

ممكن تتصلي بخدمة العملاء وهما هيوضحوا لحضرتك كل شئ

اه في القاهرة

لا ارجوكي بلاش التفكير في الانتحار .. الانتحار مش هيحل مشاكلك .. اللي هتعمليه انك هتخرجي من مشكلة لمشكلة اكبر بكبر ومادام وصلتي للتفكير دة فارجوكي اتكلمي مع حد وروحي لدكتور عشان يقدر يتعامل صح

الافضل تكشفي للاطمئنان وباذن الله خير

اتمنى انك متحاوليش ترجعيله تاني بجد

انا روحت لدكتور وكنت عملت تحليل دم وقالي حتى تحليل الدم مينفعش ولا زم تحليل براز

ممكن الاحلام بسبب انشغالك بالامر

التصدق هو انك بتعطي فلوسك لشخص اخر محتاجها

فيه ناس فعلا احلامها بتحقق ودة شئ عادي لا تقلقي

كتاب لكاتب صاعد اعرفه شخصيا بس كتابته كويسة جدا ممكن بردو روايات مصرية للجيب لو هتشارك السنة دي هجيب من اصدراتها بس هي مشاركتش من سنتين ياريت لو فيه اقتراحات لكتب او روايات

دكتور اسمه ايهاب هندي .. ليه عيادتين واحدة في فيصل وواحدة في امبابة وحضرتك لازم تتصل تحجز قبلها 01093988872

هو اعتقد طبيعي بسبب السن بس الافضل تكشفي جلدية

اخر جزء من هاري بوتر انجيل بيسوا

لو مش هيسبب مشاكل ممكن توضحيله هو ان مفيش توافق او تتفاهمي مع اهلك افضل وتوضحيلهم النقط اللي مفيش فيها توافق

لو هتنفصلوا فياريت يكون مش بسبب الحلم فقط .. يكون عشان مش مناسب ومفيش توافق

انا معنديش اجابة لسؤالك بس بما انك عارف هي منين كان الافضل تسال عن موضوع الماديات من قبل ما تبدأ تتواصل معاها وكان الافضل وافضل تكلم اهلها مش هي

الافضل حضرتك تكشف والدكتور هو يحدد

فيه حاجات كتير ممكن تكون سبب لالم المعدة فالافضل انك تكشف لمعرفة السبب تحديدا

العفو

وقفي كلام واتفقي معاه انك الكلام يقف لحين ما الظروف تنتهي وينقدم بشكل رسمي

والدي ووالدتي مدرسين وكانوا لازم ياخدوها وكانت وقتها مهمة لكن تقريبا مستخدموهاش في التدريس لكن هي من شروظ العمل على حسب ما فهمت منهم .. على المستوى الشخصي اكيد هتفيدك كعلومات

انت فعلا في نعمة كبيرة لادراكك دة وعدم تحول دة لنقمة او سخط والابتلاء مش غضب ابدا دة بيكون سبب من ربنا عشان يخفف ذنوبنا ربنا يتمم شفائك يارب والف مبروك لهزيمتك السرطان

هي في اول محنة ليها لجأت لحد بيحبها مش حد بتحبه .. طبعا تصرفك وتصرفها كانوا غلط طبعا قلقك حقيقي بس انت محتاج تكمل حياتك لان حتى لو هي رجعت مفيش امل انكوا تبقوا مع بعض على الاقل عشان اهلها

ليه بلاش دكتور ؟ الافضل ان دكتور هو اللي يتابع معاكي وهو اللي هيقدر يحددلك تعملي ايه الدكتور بتاعي مثلا كان كتبلي منوم وتابع معايا 3 اسابيع واما نومي بدا يظبط بدا هو يحدد الجرعات ايه او يقللها او يوقفها لان لازم في الادوية دكتور مينفعش نحدد الجرعات من نفسنا

السؤال الوحيد اللي جيه في بالي وان بقرأ كلامك ان ليه تمشي وراها للبيت ؟ ايه الافادة من دة؟

ربنا يتمم شفائك على خير يارب ومن نعمة ربنا عليك انك اثناء الابتلاء مدرك نعمة ربنا وبتحاول كمان توصلها للناس

ربنا يا حبيبتي ييسرلك حالك والامتحان ييجي تمام وتحلي كويس

اكيد لو فيه تفاهم وحصل اختلاف هيكون الموضوع افضل

ارشح lenovo جدا واسعاره كويسة

شاومي كويسة انا جيبت واحدة من سنتين ومش متذكرة سعرها بس سعرها كان كويس ومواصفاتها كويسة بس مش عارفة بقى غليت اد ايه دلوقتي

ساعات بفكر فيها كحاجة كويسة وساعات بحس ان ممكن يكون فيه ملل .. التشابه الكامل مش صح من وجهة نظري وطبعا الاختلاف الشاسع مش صح نهائي لكن الوسط شئ جميل اللي هو متشابهين في الاساسيات ومختلفين في الفرعيات

هو قدر ونصيب واهم حاجة فعلا انك عملت اللي عليك ومكانش الموضوع اهمال منك خالص .. سيبها على الله وربنا يكرمك على قد مجهودك

يمكن دة من اللي مريت بيه في الجيش .... حاول تفكر في ايه مثلا الحاجات اللي هترتاح منها اما الجيش يخلص يمكن تشعر بنعمة انكك هتخلصه

لا بلاش كذب خالص وصارحها وسيبها على الله .. انت شغلك كويس جدا بردو

بقيت احاول اكتر ادرك النعم اللي محيطة بيا

راجعي سريعا سريعا وحلي الامتحانات السابقة بقى بس ياريت تنامي بدري

انا عاملة زي الاطفال بيكون عندي مشكلة في بلع الادوية بردو 😅 بكسره لو برشام قابل للكسر او حتى ممكن اقسمه بالسكينة لكن حاجة زي اوميجا 3 مش عارفة كدة فيه ضرر ولا لا بس ممكن تجربي انك تحطي الكبسولة في الجزء الاخير من لسانك وتملي بقك ميا و بعدين تبلعي مرة واحدة وبتنفع

دة شئ طبيعي جدا بس استعيني بالله واعملي اللي عليكي وربنا هيكرمك

اكيد حرام وطبعا لازم تقطع معاها عشان ميكونش مدخل شيطان بينكوا

ربنا معاكي باذن الله ياريت تدعي كتير لو صاحية وتصلي ركعتين قضاء حاجة وباذن الله كل خير

مادام علاقتك بيها قوية فالحوار بينكوا بهدوء هيكون سهل باذن الله المهم تكون او تكوني محتوية ليها عشان متعندش او الموضوع يتسبب بمشكلة بينكوا

Oppo A54 كنت جايباه من سنة وشوية ب 4 الاف على ما اتذكر بس مش عارفة دلوقتي وصل كام

عربيات بولاق الدكرور الكبيرة اوقات كتير بياخدوا طريق جامعة الدول بس اتاكد

التدخين سبب قوي انها متقدرش تتجوزه .. انا مثلا مبستحملش اتكلم مع حد لسة مخلص تدخين حالا فمستحيل هقدر اتجوز حد مدخن غير طبعا انها شئ محرم وانها تخاف على اولادها بعدين من التدخين المستمر في البيت

ممكن تبدأي بالصلاة لانها الاساس ومع الوقت باقي العبادات هتتظبط لوحدها باذن الله

التركيز في الصلاة والخشوع فيها بيكون محتاج انك تكون مركز في اللي بتقرأه .. لو زينا كلنا بتقول السور المحفوظة فمش هتركز اوي لكن لو مثلا بدات تحفظ قران والورد اليومي الخاص بالحفظ بدات تحفظه في بداية اليوم فممكن تقوله في كل الصلوات بحيث تكون حاجة جديدة بتقرأها ومحتاج تركز فيها عليك بالدعاء طبعا ويكفي نيتك

غيري الكلام اما تيجي سيرة جوزك عشان تفهم مع الوقت

احيانا بيكون بسبب الم في الاسنان .. انصحك تكشفي في كل الاحوال للاطمئنان ومش شرط تكشفي اسنان طبعا .. شوفي ايه اقرب تخصص لحالتك واكشفي

ابدأ بالصلاة وشوية شوية باقي العبادات هتستقيم والقرب من ربنا