Mohamed Wahed

متصاحبش إبليس، بمعني خلص وقف متكملش وتقول مني وعملت مرة يبقي اتنين وتلاته وعشرة.. لأ، وقعت مرة وقف اغتسل انوي التوبة حتي لو بتحس أنك هتقع تاني متخافش ربنا صبور وباله أطول مني ومنك متخليش منظورك الصغير الفقير يقارن مع الله في الصبر وطول البال علينا، بعد كده صلي ركعتين لله وأهم حاجه تصلي سلح نفسك بأي عبادات ضد ابليس متسبش نفسك له عريان وتقول أصل مش عارف مهو متروحش تخش حرب وأنت ممعاكش حتي قصافة تحارب بيها وربنا يوفقك

كتير من الرجالة مبنبقاش محتاجين اللي يهون علينا المشكلة ممكن بنحب اللي يحل معانا المشكلة اكتر من التهوين + أنه لما بنعاني من هم معين بنبعد لفترة مش بتبقي طويلة بس بنحب نبعد عن الكل لحد ما نجمع شتات اللي في دماغنا، فلو مش عارفه تهون عليه أو بيبين أنه مش محتاج مساعده حاولي بس تحسسيه بأنك مهتمة دايما حتي لو مش عايز بيني بس أنه لو أحتاجك هيلاقيكي، اتمنى أكون فدت

بص أنا هقترح عليك قناة أحمد بحيري خصوصاً سلسلة فيديوهات إسمها عيانيين بالإبداع هتكون حل إن شاء الله لمشاكل أنت مؤكد بتمر بيها ف حياتك

بصي هو الطبيعي منكونش دائما فرحانين الطبيعي أننا نكون عادي الطبيعي هو الروتين اللي لا فيه فرح ولا حزن لكن من وقت للتاني لو حاولت أعمل حاجه بحبها فتبسطني "في الحلال" ده هيكون جميل جدا، حبيت أكد على المنظور ده اكتر من الطرق اللي تؤدي للفرح

الشاهد إن أنتي مهتمة والطرف التاني رامي طوبتك، ف... guess what نعمل إيه، يا إما نبعد ونحاول مع أشخاص جدد يا إما نقعد مستنين بس ساعتها اضمنلك إن القيمة والكرامة هيقعوا بالتدريج

حاولي تفهمي اكتر من والدك عن اللقاء اللي ما بينهم ولازم لو عرفتي أنه مفيش حاجه من ناحيتكم ف ده ترمي طوبته للأبد لأن الراجل يسيب الدهب لو مش عايزه ويمسك ف حتة بلاستيك لو نفسه فيها