سارة الظيظي

أهم حاجة تحضر الماتريال ال هتشتغل منها يعنى مثلا لو هتعمل باور بوينت بالمحتوى ال هتقدمه وتتعلم تستخدم برنامج زوم ميتنج او جوجل ميتنج وازاى تعرض عليه الباور بوينت وتشتغل بيه لو مش بتعرف تستخدم البرامج دى في فيديوز كتير على اليوتيوب تشرح استخدام البرامج دى وكمان فى شخص على الفيس اسمه دكتور تامر الدمرداش بيشرح كيفية استخدام الذكاء الاصطناعي في التدريس الرقمي وبيقدم دورات ف استخدام برامج التدريس الرقمى كمان حاول تعمل العاب في الباور بوينت بتساعد ف ان الحصة تكون تفاعلية ولذيذة الطلاب يحبوها اعمل اعلانات عن نفسك فى جروبات ال بيتجمع فيها أولياء الأمور وعلى صفحتك الشخصية وممكن تبتدى تدرس لأبناء ناس قرايبك وتنزل الفيدباك بتاعهم على صفحتك كمان حاجة ممكن تعلن عن دورة تأسيس في القراءة مثلا مجانية وتشتغل فيها ومن هنا هتبنى معارف بأهالى الطلبة وهيجربو شرحك ويبنو ثقة بينهم وبينك ويحجزو معاك للسنة الدراسية الجديدة وقبل كل شئ توكل على الله وادعى ربنا يرزقك ويوسع رزقك ويفتح عليك

ابحث عن دورات للبشمهندس أيمن عبد الرحيم على اليوتيوب واختار دورة تسمعها وقسمها على أيام الاسبوع كل يوم تسمع شوية منها وابحث عن دورة لفقه العبادات لان فرض على كل مسلم تعلم فقه عبادات يومه وهذا هو الوقت المناسب لتعلم هذا المجال ممكن تستعين بمجموعة من الكتب في حسب المجال ال تحبه بقترح عليك كتاب للدكتور سلمان العودة اسمه مع أبى من التراب إلى التراب بيناقش قصة سيدنا آدم وكذلك بقترح عليك كتاب اسمه كيف ربى الأنبياء أبناءهم في عظة ومناقشة لمواقف أبناء الأنبياء والعبرة منها وممكن تنمى من موهبتك لو عندك موهبة مثل التصوير مثلا او الكتابة او الالقاء او اى كان الموهبة ممكن تنميها ممكن تساعد والدك فى عمله لو عمله حر وتقدر تتواجد فيه وممكن تصل رحمك وتزور اقاربك

أعتقد دا بسبب انك كنتى بتتغاضي عن الحاجات ال بتضايقك ومش بتتكلمى معاه فيها وبتدفنيها جواكى دا عملك ضغط نفسي ومع الوقت حسيتي ان الحب بينكم تلاشى محتاجة تتناقشي وتقولى كل ال مضايقك في علاقتكم لعل وعسى تعرفو توصلو لحلول لاختلافاتكم ووقتها تحسي ان الحب بدأ يرجع بينكم كمان حاجة حاولو تغيرو روتين الحياة بينكم وتوصلو لنقطة تفاهم في النص ما بينكم