A. m

ماهو حاجه من الاتنين ياما تخربي بيته عشان تعيشي انتي معاه و هل هتبقي كدا مرتاحه وضميرك مرتاح او هيتسلي بيكي لفتره ويسيبك وتبقي علقتي نفسك واستهلكتي مشاعرك ع الفاضي و اظن انت في الحالتين مش هتبقي مرتاحه

لو اقدر اقولك تنسي ازاي كنت استفدت انا من النصيحه الاول بس مفيش طريقه معينه.. الزمن والوقت بينسوا مع شويه حاجات زي انك تمسحي اي حاجه تخصه وتفكرك بيه من تليفونك من رقمه لاي صوره ليكم لي اغنيه حتي تفكرك بيه حتي انك تبعدي عن الاشخاص القريبين ليه وتعرفيهم و تبداي تشغلي كل وقتك ف ازاي تحسني من نفسك وتطوري من ذاتك حطي اهداف حاولي تحققيها

انا كمان مريت بتجربه صعبه شويه اتعاملت مع ناس لفتره من الزمن هقولك تجريبتي يمكن تشبه تجربتك وممكن تفيدك مش عارفه بس احتمال.. الناس دي كانت بتنتقدني طول الوقت في كل تصرفاتي و دا ادي لاني بقي عندي رهاب اجتماعي بقيت اخاف اتعامل مع كل الناس بقيت بفكر ف كل كلمه هقولها ايه رد فعل ال قدامي بقيت اخاف من كل حاجه بقيت مش بقعد مع الناس ولو قعدت ببقي متوتره ومش بعرف اتصرف وماردش وايدي تترعش قعدت ٣ سنين بعاني بسبب ال سنه اللي اتعاملت مع الاشخاص دي فيها بس حاليا الحمد لله بقيد احسن كتير جدا.. بس اللي بجد ساعدني الشغل والتعامل مع الناس المباشر انا اشتغلت فتره كول سنتر بس بعدها اشتغلت شغلانه فيها تعامل مباشر و فعلا ساعدتني جدا..

مع الوقت هتلاقي تحسن المهم انك ماتنعزلش وتبقي لوحدك عشان بتحس انك كدا احسن مثلا كمان ضروري تبعد عن الناس اللي بتنتقدك ومأثره ع نفسيتك لو تقدر تشيلهم خالص من حياتك ومتسمحش لاي حد يقلل ثقتك بنفسك مهما كان مين